انت للحين ما حجزت
في الليل ما شيء مفتوح الا الشانز بس
انصحك بالمعلبات ظروري جدا خاضه اذا معكم اطفال علشان يتاقلمون علي الاكل

- السكن بالايجار الشهري ارخص و اسال سفارتكم عن الشقق و مكان تجمع الكويتيين اللي يتعالجون في باريس

• اذا انتوا مطولين لازم تتعلم تروح بالمترو و الباصات و خذ التذكرة الشهرية
• بالنسبة للتجول ليلا فالحذر واجب في اي بلد

السلام عليكم ورحمة الله وبركاته
في البداية أسأل الله أن يشفي مريضكم ، وأن يعينكم على رحلتكم ،
وأنصحكم بما يلي ( وهذا الكلام عن تجربة لرحلة علاجي في الخارج ) :
1- السكن في فندق اسمه ( اداجو ) بالقرب من سوبرماركت وبجانبه حديقة أطفال ،
و الفندق هذا له ثلاث فروع في نفس المنطقة .. لازم تعرف الفرع اللي فيه الكويتيين ،
وعلى كل حال راح تشوف الكويتيين في السفرة ليدلوك عن السكن المناسب والمريح!
وفندق اداجو هذا يقع في ضاحية اللاديفنس ، ستحجز له وتذهب له بالتكسي ،
وبعد ذلك سوف تذهب منه إلى الأماكن المختلفة التي تريد أما بالمترو أو تتفق مع مترجم يروح وياك
ويعمل وياك بالساعة .. بحيث تأخذه وياك المستشفى ، وممكن يوديك الأماكن السياحية
مع أني أنصحك بالذهاب للأماكن السياحية - إن كنتم تقدرون على المشي الطويل - بالمترو ..
والمترو قريب من الفندق اللي قلت لك تقريبا ً خمس دقايق مشي أو أقل ،
و هو يقع على المترو رقم واحد فينقلك إلى الشانزليزيه وبعض المحطات الأخرى " متحف اللوفر مثلا ً "
ومن هذا المترو تستطيع الذهاب لكل مكان تريد ..
شوف ،
أنت لازم الحين تروح لأي مكتب سفريات و تحجز لك فندق كمن يوم عشان لا تتوهق ،
ولما توصل هناك تروح أنت بنفسك مع المترجم لما تتعرف عليه .. تروح للفندق اللي قلت لك
اللي هو " اداجو " وتحجز فيه ......... أو تحجز فيه من الحين وتريّح نفسك !
الفندق اللي أقول لك عنه فيه كويتيين حسب آخر مره زرتهم شهر فبراير ،
وهو فندق جميل به مطبخ وغرفة وصالة إزقرت وتلفزيون فيه العربية وقنوات أخرى
أم
وفي مترجمين يساعدونك في الحياة هناك ، وفي شخص لبناني تتصل عليه
يجيب لك دجاج أو لحم حلال إلى مكانك ، وفيه رز وكل شيء ..
أنت ممكن تجيب معاك معلبات مثل التونه والفاصولياء مع إنه فيه بس جيب وياك احتياطا ً ،
وإذا معاك طفل جيب معاك الحليب ماله ..
وأما باقي الأكل ففيه سوبرماركت فيه كل الأكل " وانصحك بالجبن الكيري تراه عجيب عندهم "
وايضا انصحك " ب مربى فراوله - فرنسي " خطير ..
هذا عوضا ً عن البيض والحليب والأمور الأخرى الجميلة ..
الفندق اللي قلت لك عنه قريب منه ( مو قريب حيل بس يعني مسافة لا بأس بها ) :
قريب منه مجزره حلال تبيع الدجاج واللحم كنت أروح لها مع الوالد ونشتري منهم ،
وأيضا ً قريب منه صيدليه ومحل بيتزا حلو كنا نأكل منه وعاجبنا ..
أم
ما أدري شنو أقول لك .. أنت إذا تبي شيء أسألني على الخاص أسرع ،
وأهم شيء بالكلام ، والملخص :
1- هناك في أكل وكل شيء .. لا تخاف ( بس جيب معلبات لو تبي أو بهارات وهالسوالف مع أنه فيه )
2- اسكن في ضاحية اللاديفنس فهي فيها كويتيين .. فندق اسمه اداجو .
3- لما تروح السفارة تقدر تسأل الكويتيين عن المترجمين ، وضروري يكون معاك مترجم عشان تستوعب
كلام الدكتور والأمور الحياتية الأخرى ، ويقدر المترجم يوديك لكل محل تبيه حتى محل اللحم والدجاج وغيره
3- لازم تتعلم على المترو حتى إذا بغيت تطلع تستانس وتغيّر جو تروح من خلاله
إلا إذا كان مريضك ما يقدر يمشي .. فهالحاله مضطر تروح ويا المترجم دايما ً ..
شوف أخوي
أنا ما أعرف شنو فيه مريضك ،
لكن هناك راح يصير قوي أكثر من هو في الكويت ،
وهناك راح يتحسّن بإذن الله ، و راح يمشي ويستانس ويفرح ..
ليس لدي الآن إلا أن أقول لك
بالتوفيق ، والله يشافي مريضك ،
وإذا تبي رقم مترجم دز لي رسالة خاصة عشان ارسل لك رقمه . ( وانصحك تأخذ مترجمة أفضل من المترجم الرجل .. خذ مني هالكلام وخلك واثق............... إلا إذا كنت تخاف من زوجتك ههه امزح وياك الله يحفظك ) .

في باريس ..
دائما ً ما أنصح أن يقوم المرء منا في الصباح الباكر ،
فيتجوّل ، ويستمتع بالمكان ، ويرى المشاهد ، و يزور المعالم ،
ويرجع إلى الفندق .. بالكثير .. الساعة تسع !
هذا ما أنصح به
ولا تصير مثل الكويتيين اللي يسهرون بالشانز للساعة 12 أو 3 .. ترى شيء سيء للغاية !!!
هذا
وبالله التوفيق ،،

فيصل 2006 مشكور لبي قلبك لا ابشرك حجزت في ادجيو
جواهر تسلمين عي المعلومات
مروركم يسعدني فديتكم

محمد بيض الله وجهك وماقصرت
انا حجزت في اداجيو الواقع في باريس 15
بس احسه غالي خاصه باليوم 175 يورو
واذا تبي تسكن مدة شهر باليوم 130 يورو
علي العموم انت ماقصرت وانا اشكرك من كل قلبي علي
المعلومات القيمه وعساك علي القوه
اما بخصوص مترجم ماعندي بس قالولي في واجد هناك
اذا عندك مترجمه ومجربه يستحسن ياليت تدزلي رقمها
علي الخاص
اسعدني مرورك ومعلوماتك الله يجزاك خير يالغالي