هذا مخطط رحلتي
https://artravelers.com/p/re/410043

1. 6- اماكن انصحك بزيارتها :


2. حاولي تكوني الساعة 9:30 وانتي في قابطاش عشان تركبين في السفينة

1- توصلين المطار وتقصين الفيزا وتختمين الجواز وتنطلقين للمترو فقط اتبعي اللوحات في المطار راح تدلك على المترو .
2- توصلين المترو بتلاقين مكينة زي الببسي تحطين فيها 15 ليرة وبتعطيك 10 قطع معدنية ... ايش الفايدة من هالقطع عشان تركبين فيها للمترو طبعا بتحطي 5 قطع لتدخلي عائلتك للمترو و 5 قطع خليها معك أقولك ليش بعدين .
3- تركبين المترو وراح ينطلق المترو اجباري إلى منطقة اسمها ( زينتنبورمو . zeytenburmo ) بعد ما يوصل هالمنطقة كل الناس بتنزل من المترو وانتي معاهم لأن هالمنطقة منطقة تفرع للمترو والترام وعالعموم بعد ما تنزلين من المترو بتركبين ترام متجه إلى قاباطاش Kabatsh ) .. طبعا أول ما تنزلي من المترو حق المطار بتنزلي في منطقة zeyntenburmo زي ما ذكرتلك واثناء نزولك بتشوفي ترام متجه إلى قاباطاش بتشوفي مكتوب في اللوحة حق المحطة . طبعا ما تدخلين المحطة حتى تدفعي 5 قطع معدنية حمراء عشان تدخلي عائلتك للترام .
4- بينطلق الترام وكل شوي بيوقف في محطة انتي انتظري حتى يوصل منطقة اسمها سلطان أحمد وانزلي هناك
بعد ما تنزلي توجهي لفندق اسمه GOLDEN HORN HOTEL وهذا رابطه في موقع BOOKING عشان تحزين
رابط الفندق للحجز : https://www.booking.com/hotel/tr/the-golden-horn.ar.html?aid=1300939
هذا الفندق 4 نجوم وسعر الغرفة المزدوجة 390 ريال سعودي وفطور مجانا وموقعه جدا ممتاز وقريب من الترام وقريب من ويقع في منطقة سلطان احمد وبعده عن الترام 100 متر وخدماته حلوه ونظيف وفطورهم مجاني وحلو .
5- انا قلتلك اسكني في منطقة سلطان احمد لأني مجرب وما انصحك تروحي غير هالمنطقة لأن أغلب سياح العالم يتجهون لهالمنطقة .

6- اماكن انصحك بزيارتها :

أ- جزيرة بيوكادا ( الأميرات ) : طريقة الوصول لها عن طريق الترام تركبين من منطقة سلطان أحمد إلى قابطاش وتنزلين في قابطاش أو kabatash وتشوفين ميناء للسفن لشركة IOD تدخلين انتي وعائلتك بعد ما تدفعوا طبعا تقريبا 10 ليرة لكم جميعا وبيعطيك 5 قطع معدنية تركبين يها للسفينة وبيوصلك لجزيرة بيوكادا بس في الأول السفينة بتمر على 3 جزر والرابعة بيوكادا . في بيوكادا إما تعتمدين على المشي أو تركبين حنتور وفيها مطاعم حلوة ..

حاولي تكوني الساعة 9:30 وانتي في قابطاش عشان تركبين في السفينة

والعودة من الجزيرة لقاباطش الساعة 2:50 عصرا وفيه رحلة تقريبا الساعة 5 واختاري ما شئتي . ( يوم كامل )
ب- تل العرائس وسوق كابيتول : تركبين سفينة من بشكاتاش ( بشكاتاش جنب كاباتش المرفأ حقها ) عالعموم تركبين من بشتاكاش إلى اوسكودار وبتاخذ الرحلة 15 دقيقة واول ما تنزلين في اوسكودار بتركبين باص يؤدي إلى تل العرايس وقبل ما تركبي قوليلهم ابغى كاملجا ( تل العرائس ) كاملجا بالتركي عشان يفهموا عليك . وبعد ما تخلصي من تل العرائس اركبي باص إلى سوق كابيتول وتغدي هناك وارجعي متى ما شئتي . ( يوم كامل )
ج- زيارة اورطاكوي عند الجسر : تركبين من سلطان أحمد إلى قابطاش وتنزلين في قابطاش ورتكبين في باص متجه إلى اورطاكوي وبيوصلك هناك واستمتعي لمدة ساعتين وبعدين ارجعي إلى قابطاش واركبي مترو إلى منطقة تقسيم وشوفي شارع الإستقلال والأسواق .
د- السوق المصري : تركبين من سلطان أحمد وتنزلين في أمين اونو .
ه- سلطان احمد لازم يكون لها يوم كامل لتتمشي فيها كاملة وتشوفي المساجد
و- تزوري حديقة فناربخشه : تركبي قابطاش في السفينة إلى كاديكوي واول ما تنزلين كاديكوي بتلاقي اسواق كمبيوتر وملابس رخيصة وبتلاقي حديقة فناربهشة على بعد 1 كيلو من مرفأ كاديكوي وهي حديقة جميلة .
بالنسبة لأوزنجول : سأعطيك وجهة نظري وبصراحة :
1- قرية تقع في مدينة طرابزون وهي من اجمل الاماكن في العالم أصنفها وهي عبارة عن بحيرة تحيط بها الجبال والبيوت من كل مكان .
2- سعر التذكرة للشخص الواحد ذهاب عودة من اسطنبول إلى ترابزون تقريبا 500 ريال سعوي
3- لو ميزانيتك مرتفعه لا بأس ان تزوري هذه القرية ولو ميزانيتك منخفضة أفضل عدم زيارتها لأن جزيرة بيوكادا وتل العرائس تفي بالغرض .
4- لو ذهبتي إلى اوزنجول لا تجلسي أكثر من يومين وإلا بتملين .
5- عيب الجزيرة انها في قرية وبعد مغيب الشمس تنتهي اللذة .
6- شمال تركيا أعطي اكبر من حقه مقارنه بحجم الخسارة اللي تعرضت لها انا واصحابي وعلاوة على ذلك واجهنا صعوبة في الحصول على سكن . ولذلك السكن اكبر مشكلة في اوزنجول .
7- الركوب من المطار إلى اوزنجول إما تاكسي أو تستاجري سيارة أو باص والأرخص باص والأفضل تستاجري سيارة .
8- المسافة من المطار غلى اوزنجول قرابة 150 كم .
9- البنزين مرة غالي تفللي السيارة ب 400 ريال سعودي تقريبا .
وختاما انا لا امنعك من الذهاب ولكن في فترة الصيف قد تواجهين متاعب حجز الفندق او الاكواخ وأسعار الاكواخ ما يقارب 150 ريال إلى 200 ريال .
نصائح لك بحكم انها اول زيارة :
1- اكتفي بإسطنبول فهي كفيلة بان تستمعي بتركيا . واتركي اوزنجول وانطاليا لمرات قادمة .
2- احجزي الفندق من موقع booking ولا تروحي تركيا إلا وانتي حاجزة .
3- لا تشتري هدايا كأجهزة إلكترونية لأنها نفس اللي بالسعودية والخليج وبسعر أغلى
واكتفي بشاء هدايا لا توجد في الخليج .
4- المطاعم أكلها لك عليه يعني اقدر أقولك ما عجبني من اكلهم غير شاورما دجاج وكل الاكل مذاقه مختلف فما عجبني احسه مختلف .
5- حاولي يكون جدولك اليوم من الساعة 7 صباحا وينتهي 8 المغرب وإياك والخروج ليلا .
6- اللابتوب ضروري . وتحتاجينه للإستفسارات وكمان النت حتى في شوارع اسطنبول مجانا .
7- المبلغ المطلوب لمدة 12 يوم ما يقارب 15 الف ريال سعودي شامل التذاكر والسكن والاكل .
خذي هذه الخريطة لمترو وترامات اسطنبول وكذلك أفضل اماكن اسطنبول ويجب ان تدرسيها دراسه
وهي مفيدة واحفظيها في اللابتوب اللي بتشيليه معاك لتركيا .
وختاما أي استفسار تفضلي ...

يسلمو انا اسف كفيت ووفيت
بس بعدني محتاارة في الفناادق
ادش بوكينغ واشوف الفناادق ولا كيف وكيف اعرف اذا كانو في شارع تقسيم

ان شاء الله بتكونين معانا في نفس الرحلة ذهاب وعودة بس يمكن يختلف التوقيت يا حرم الشحي رحلة سعيدة وموفقة ان شاء الله

حرم الشحي
انصحك ما تسكنين بتقسيم لأنها منطقة يقصدها الشباب الخليجيين وهناك بيتعب زوجك من قرف الأتراك
كل شوي يجيه واحد ويقوله نايت كلوب
انصحك تسكنين في سلطان أحمد وتقسيم اكتفي بزيارتها مرة واحدة لأنه مافيها غير شارع الإستقلال فقط
وهو زي شارع التحلية
وهذي صورة توضح أماكن تواجد الفنادق فقط حولي اللغة إلى عربي واختاري العملة ريال سعودي من فوق الصفحة

الحجز ما عليه رسوم ولا يسحبوا من الفيزا .... فقط ادخلي بيانات الفيزا عشان لما تروحي الفندق يقولك عندك حجز قوليله نعم
واعطيه الفيزا .... ومن الفيزا يعرف انه عندك حجز ويسحب المبلغ ويعطيك بطاقتك ...
بالنسبة للفاندق ما انصحك تركزي عليها لأن أغلب وقتك بيكون برا الفندق وما تحتاجيه غير للنوم
الفندق اللي قلتلك عليه موقعه مناسب في سلطان احمد هذا في حال لو ودك تسكنين في سلطان احمد
واما لو ودك تسكني في تقسيم فشوفي الفنادق اللي تعجبك واختاري ...
ودائما حاولي تختاري فندق قريب من نقطة مترو او ترام ... عشان ما تكسري رجولك في المشي ...
جزيرة بيوكادا انصح بالمشي فيها والراحة كل ربع ساعه . ...
ولك التحية

مشكور انا اسف بس هالمنطقه شوو احسن فناادقها وشوو الجريب منها من مطااعم

شو راايكم بهذا الترتيب
اسطنبوول يوومين
بعدين 3 اياام بورصه ويلووا
4 اياام طرابرزون
وبعدين يومين اسطنبوول

اسفه يا حرم الشحي انتوا حاجزين طيران داخلى لطربزون