الاخ اكتسرا بنادول
انت بتطلع على ماليزيا بدون ترتيب مسبق ( مغامر )
طيب عندك اول ما تطلع من صالة القادمون هناك مكاتب لحجز الفنادق و الرحلات السياحية ( سنتر عندهم ) خذ لك كم باكيج مع قروبات و شوف الحط وين راح يوديك!
المهم خل فى بالك بان تسكن اول الايام فى سيلانجور و بعدها تنتقل الى بينانج و من بينانج ممكن تتنقل الى لنكاوى و ترجع فى نفس اليوم او تبات ليلة واحدة و بعدها تطلع من بينانج الى كوالالمبور و ترتب رحلة او جولة الى مرتفعات جنتق و القرية الفرنسية و طبعا تمضى باقى ايامك فى كوالالمبور العاصمة و تزور البرجين و المنارة و شارع العرب لا تفكه ابد ...
هذا مختصر على السريع ...
بالتوفيق

امم بجد مغامره لاحجز فنادق ولاهم يحزنون ولوحدك قمة الملل
الله يساعدك
لازم تبلغنا كم ليله راح تظل هناك وهل تحب الصخب ام الهدٌوء ..
لاانصحك بزيارة لنكاوي الا لو كنت من النوع الانطوائي والهادي جداجدا جداً

يالغالي .. انصحك اول ما توصل تحجز لاول يومين فندق في وسط شارع العرب عشان تنبسط
بعدين شيك على الفنادق الموجودة هناك او من خلال المكاتب السياحية المنتشرة في شارع العرب
والمشكلة انك اذا تبي تروح للجزر بواسطة الطيران راح يكون السعر مرتفع لانك راح تحجز في وقت قصير
لنكاوي تناسب العرسان وراغبي الهدواء ... بينانج افضل (كجزر)
لذا نصحك بأنك تقسم الايام بين كوالا وبينانج وكذلك جنتنق ..
كلها تستطيع الذهاب لها بواسطة الباصات لان سعرها رخيص
وخذلك تاكسي وخله يسوي لك جولة سعر الساعة 20 رينقت الى 25 رينقت في الجزر
بالتوفيق ..

يعطيكم العافية ماقصرتوا -
أن شاء الله يوم انزل من المطار اشوف المكاتب اللي بالمطار- والله يجيب الخير
طيب اخذ تاكسي من المطار ع سيلانجور - يوم وبعدين اروح لانكاوي والا بيننغ وش الاقرب من سيلانجور ؟
بالنسبة لي اهم شئ البحر :$ - يعني اشوف رحلة بحرية هيك وبعدين اخر ثلاث ايام لكوالامبور عشان اخلص
مشتريات ونرجع جده ان شاء الله الرحلة كلها من يوم 16 اللي هي بكرة والرجعه يوم الاحد 27
يعني حيكون ان شاء الله كالتالي :
6طبعا بيروح بالطيارة
7- 18 سيلانجور وبعدين اروح على بيننغ والا لنكاوي ؟
9-20 بيننغ مثلا
1-22 لنكاوي

1. 25-26 كوالامبور -

اللي اخبر مني ياريت يجدولها ع حسب معلوماتهوياريت تكون اقتصادية باسامي الفنادق اكون شاكر

• عني يعني احب البحر والطبيعه

بالنسبة للهدؤ وهيك عادي لو في رجه نصير رجه لو هدؤ نهدأ :$
يعطيكم العافية

والله بايعها حدك بس ممكن لو تشوف بتوقيعي رحلتي الي ماليزيا
و تطبق منه الي يعجبك ممكن ما تتحسف ولا يطوفك شيئ و ترى في تصوير فيديو للرحلة

9ليال ام مره قليله ..
تيب
2ليله سيلانقور ( برايمد تاور او امباير ). .
اول يوم وصولك بسيلانقور تحجز باص من مكتب ايرولاين عند البرايمد تاور اي سواق يدليك لبينانغ
3بينانغ .. هوليدي ان .. او باي فيو بيتش او فلامينجو او باراديس
ونفس الشيء اول يوم وصولك تحجز رحلة عوده باص لكوالالمبور
4كوالالمبور شارع العرب بيكولو او ميليا او دوريست ريجنسي
لاتنسى وانت بكوالالمبور تزور جينتينق راح تنبسط بالجو والهيصه والالعاب
بسيلانقور الملاهي المائيه خليها ثاني يوم وان شااءالله تنبسط .
اللابتوب خليه معك حتى يسليك ولو تبي شيء نفيدك
دعواتك

يعطيكم العافية وما قصرتو :$
الله ييسر امري وامركم ان شاء الله