السلام عليكم
اخواني اعضاء البوابة
انا قدر الله علي وحجزت لتايلند والرحله السبت القادم من 23-06-2012 الى 17-07-2012
وحنا 2 نفر شباب
مدة الرحله 23 يوم
والميزانيه 800 ريال يومياً للشخصين..
اذا افترضنا ان السكن ب300ريال للشخصين تبقى 500ريال اعتقد انها كافيه للرحلات والاكل..؟
التذاكر الداخليه خارج الميزانيه
وصراحه حفرت المنتدى تحفير وطلعت لي ببرنامج زوين لكن مازلت محتاج نصائحكم وآرائكم وعندي بعض الاستفسارات
هذا برنامجي
24-30 تشانق ماي 6 ايام
1-3 كوه ساموي 3 ايام
4-12 بوكت 9 ايام
13-15 بتايا 3 ايام
16-17 بانكوك يوم واحد
الطيران الداخلي
بانكوك-تشانق ماي
تشانق ماي-بانكوك
بانكوك-كوه ساموي
كوه ساموي-بوكيت
بوكيت-بانكوك
كم تتوقعون تكلف التذاكر الداخليه للشخص..؟
طبعاً في تشانق ماي راح تكون الرحلات كالآتي:
1- سفارى الفيله بالغابه مع رحله القوارب والبامبو النهريه
2- رحله الشلالات واعلى قمه فى تايلند
3-العين الحارة و المثلث الذهبي و الحدود البورمية و زيارة الاعناق الطويلة
4-رحلة المنطاد
اذا فيه رحلات زود او نصايح انا بإنتظاركم..؟
والسكن:
طبعاً للحين ماحددت السكن أتمنى انكم تشيرون علي بسكن يكون قريب من النايت بازار..؟
بالنسبه ل كوه ساموي ما اعرف عنها شي غير شاطئ شاوينق و الهد راين
اتمنى تفيدوني بخبراتكم من ناحية السكن والرحلات..؟
اما بوكيت راح يكون الوضع كالتالي:
بالنسبه للرحلات:
1. جزيرة جميس بوند
2. جزيرة بي بي
3. فنتازيا بوكيت ....
4. رافتينج
5. ركوب الفيلة .
6. حديقة بوكيت المائية ملاهي ..
7. رحلات للجزر ومنها Coral Raya Islends
8. cambels rides , مغامرة
وبالنسبة للسكن:
المقترح Tony Resort واذا عندكم اقتراحات ثانيه ماتقصرون..؟
وبالاخير بتايا وبانكوك للاسف ما اتخذت قراري لكثرة الخيارات هنا وهناك وراح اترك الامر بين ايديكم من ناحية السكن واماكن الزياره..؟
باقي عدة استفسارات غير اللي فوق باللون الاحمر..:
1- الصرف وين ازين مكان للصرف؟ مطار بانكوك او مطار تشانق ماي او مدينة تشانق ماي..؟
ام ماجا على بالي للحين غير الصرف لكن اذا باقي استفسارات راح اقولهن بالردود..
وانا شاكر جداً لكل من راح يتعاون معي