وعليكم السلام
اخوي المكاتب السياحيه الكبيره تسوي حجز داخلي وموجوده بالرياض وفروعه كثيره
ما اقدر اذكر اسماء لانه ممنوع
لكن المكاتب الكبيره معروفه
وبالتوفيق

alrmthah
اخي ممكن تعطيني رقم المكتب او اسمه لاني ارخص مكتب يقول 6500

شوف يالغالي اعتقد انك راح تلاقي ارخص من هالسعر لكن دور وناخوك وخاصتا ان الفترة الاخيرة فيه ازمات بكل البلدان واسعار التذاكر انخفضت شوي .
ودامك بالرياض انصحك تروح لشارع الخزان ونت جاي من طريق الملك فهد وتتعداء عماير الخالدية راح تلاقي على الزاوية على يمينك عند اول اشارة بعد عماير الخالدية مكتب خطوط السعودية على اليمين تحت عمارة كبيرة ادخل عندهم وأسالهم كم الاسعار ان شاء الله فهمت الوصف زين ،،، واذا مافهمت العمارة فيها عيادة الدكتور عبد القادر المعروف حق العيون .

rshoody
شكرا اخي رشودي وجزاك الله الف خير الوصف واضح وانا اخوك بس ودي اسالك كم سوال وانت تحملني
وش رايك بمعهد واورلد وايد
وش رايك احجز من مكاتب من هنا ولا كيف علما انهم قالو لي شهرين 10500 في هالمعهد شامل العائلة والتامين والاستقبال
ووش رايك بصراف الراجحي يصرف هناك ولا كيف ؟
وشكرا

عزيزي ممكن تريح نفسك , وتحجز لنفسك عن طريق النت ..
ومضمون وأرخص أسعار من المكاتب ..
بس تحتاج فيزا أو مستر كارد ..
وبالتوفيق ,,

هلا اخوي رشودي الوصف واضح وانا رايح لهم الحين
ابو زياد بما انه ممنوع نذكر الاسم خذ الوصف وانت بالدائري الشرقي باتجاه الشمال(المطار)بين مخرج13ومخرج12 على اليمين ط
انا مشكلتي الخطوط النيوزلنديه مالقيت لها وكيل عند كذا مكتب لاكن تسهلت واحد من الشباب ماقصر حجزلي عن طريق الموقع
طالب نيوزلندي مريت المكاتب الكبيره اللي بالعليا كلهم قالو مانقدر نسوي حجز لى النيوزلنديه
وشكرا لكم جميعا على المرور

ahmad
اخي احمد شكرا لك بس ياليت ياخي تساعدني في الحجز وتقول لي رايك بالمعهد والله ما انسى لك هالمعروف علما اني ناوي اذهب 5/5 هجري

1. اخوي بو زياد شوف ان بغيت شوري ونا خوك :


2. اولا بخصوص المعهد من قال لا أعلم فقد افتى ماعرفه والله .


3. اتمنى انك فهمت قصدي يالغلا .

الحمدلله ان الوصف واضح لان التوصيف عندي معدوم ههه

اخوي بو زياد شوف ان بغيت شوري ونا خوك :

اولا بخصوص المعهد من قال لا أعلم فقد افتى ماعرفه والله .

ثانيا : بخصوص الحجز من مكاتب السعودية فانا والله انصحك نصيحة لاتاخذ من مكتب ان كانت لغتك الانجليزية جيدة نوعا ماء رح بنفسك وسجل وراح تتفاجأ بالاسعار ،،،، وان كانت لغتك الانجليزية معدومة او ضعيفة رح مع مكتب لمدة شهر فقط وبعدها سنع امورك هناك عقب ماتتعرف على عرب مثلا واذا عجبك المعهد كمل فيه بيكون السعر ارخص ،،، واذا ماعجبك بامكانك تغيره لمعهد اخر بدون ازعاج او تعطيل ،،،
لان المكاتب بالسعودية وناخوك ياخذون عليك زيادات بعضهم ياخذ شوي وبعضهم كثير وشغلة ثانية ان رحت مع مكتب وسجلوك في معهد لمدة ثلاث شهور وفرضنا ان المعهد ماعجبك من اول شهر وحبيت تغيره تلاقي مماطلة في ارجاع فلوسك وراح يتعبونك وغير المعهد بيزعجك وبيماطلونك ايضا .
فبأختصار ان كانت لغتك الانجليزية ضعيفة رح عن طريق مكتب لمدة شهر فقط عشان الاستقبال والسكن ،،، وان كانت لغتك الانجليزية جيدة او تمشي الحال رح بروحك وناخوك وسنع امورك هناك بنفسك .
ولاتغرك اسعار بعض المكاتب ممكن يقولك 10 الالاف في الشهرين شامل كل شي لكن لو رحت المعهد تنصدم تلاقيه مخيس خ .

اتمنى انك فهمت قصدي يالغلا .

وبخصوص بطاقة الراجحي انا متواجد الان بكندا يالغالي وشغاله تمام معاي ،،، ولزيادة الاحتياط دق على خدمة عملاء الراجحي وابد اسالهم عن بطاقتك وعطهم رقمها وهم راح يخدمونك بعد لان اعتقد ان كان في البطاقة صورة فيزا فراح تشتغل وان مافيه ماتشتغل دوليا ،،، فانت اسالهم من باب الاحتياط .
والله يوفق الجميع

اخوي المعهد ورد وايد الي بوكلند حاليا فيه 4 ولا خمس سعوديين المعهد يعتبر جيد مستواه المعهد الي اقصده الي بوكلند بشارع الكوين قدام ماك
واذ تبي تتاكد هو الي اقصده ولا لا دخل الرابط حقه في النت اذ لون الموقع اخضر بتلقى فيه التسجل سهل بس لو اي احدد يعرف شوي انجليزي بتمشي امورك لنه فراغات تعبيها