لاتروح على هذا الطيران نصيحة من مجرب . أنا رحت على هذا الطيران قبل عشرين يوم خدمة كويسة ولكن لو تبحث عن غيره كان أفضل . لأنه فيه مرمطة شوي . هم يقولون لك ان هاذي مسار الرحلة. لكن للاسف يطلع ان فيه دولة ثانية مدرجينها ماتعلم بها الا بعد ماتنزل المطار.
أقرب مثال . انا سافرت معه بتاريخ21 يوليو2005 وكانت رحلتي من الرياض البحرين تجلس ساعه في البحرين ثم كوالا ولكن للاسف اني لما وصلت البحرين أعلن المذيع الداخلي عن رقم الرحلة وانها متوجهه الى مسقط فعلا انصدمت . ذهبنا الى مسقط وجلسنا بالطيارة ساعة كاملة ثم كوالا يعني الرحلة الى كوالا تقريبا 9 ساعات هذا الذهاب.
العودة . كانت طريق العودة كوالا ثم أبوظبي ثم تنام يوم على حساب الطيران ثم يوم الغد الرياض . طبعاً مارتحت قبل عودتي الى أرض الوطن خليت موظف الفندق يتصل على طيران الخليج في كوالا قالو الحجز أوكية ونفس مسار الرحلة. لكني مارتحت . لما ذهبت الى المطار ونظرت الى الشاشة وجدت رقم الرحلة اللتي أنا عليها وأنها سوف تتجه بانكوك
ثم أبو ظبي ثم الرياض . ذهبنا الى بانكوك استغرقت الرحلة ساعه و45 لما وصلنا أجواء بانكوك وأراد الطيار أن يهبط حصل مالم يكن بالحسبان حيث أرى البرق في جانبي والامطار تسقط بغزارة فجأة ارتفعت الطيارة وبقوة الى الآعلى أصابنا الخوف والهلع وش اللي حصل أعلن كابتن الطائرة أننا سوف نتجة الى مدينة في تايلند اسمها شمغاي بسبب الأمطارعلى مطار بانكوك تبعد شمغاي عن بانكوك 50 دقيقة وصلنا مطار شمغاي . انتظرنا حوالي ساعة أو أكثر زودت الطائرة بالوقود ثم رجعنا الى بانكوك وقعت الطائرة بسلام ثم انتظرنا تقريباً ساعة ثم وصلنا أبوظبي يقولون مطار دولي . ارتحنا يوم ثم ركبنا الطائرة من الغد الرياض وكان الطيار أجنبي صراحة ليس طيار حقيقة .لان طريقته بالاقلاع غريبة وهبوطة بمطار الرياض غريب .استغرقت رحلة العودة حوالي 12 ساعة الى مطار أبوظبي
فنصيحتي لوجه الله لاتروح على هذا الطيران لو يقولون لك بريال أو ببلاش .حتى لو تجلس ماتسافر. لو حصلت بالطيران السعودي أو الاماراتي ب10000 ريال أدفع ولا أروح على طيران الخليج .
فاحذر أخي من الذهاب معهم حتى لو قصيت التذاكر رجعها وابحث عن طيران أخر

من رايي انك تروح على السعودية وبنفس السعر هذا بعد رحلتك بيوم واحد فقط من 1 / 9 /2005 تنزل أسعار التذاكر
في الخطوط السعودية إلى 2240 ريال وميزتها دايركت مباشرة من الرياض إلى كوالا ومن كوالا إلى الرياض
واريح من المرمطة .

كلام الاخ fau صحيح 100% ودائما تتكرر معي قصة ترانزيت في مطار لم اكن على علم مسبقا به وحصل معي هذا مرات عديده ، اضف الى ذلك ان الاسطول قديم نوعا ، وعلى كل حال فان السعر الذي حصلت عليه ممتاز مقارنه بغيره من الخطوط .

بصراحة خط رحلة مرمطة يا اخوي ادفع فرق لو 200 ريال واسلم من الانتظارات اللي والله تتعب فيها وتقول والله لو ادفع مليون بس اسلم من المرمطة واسمع نصائح الشباب انتظار ساعة بالمطار تخيس الرحلة افضل شي مباشرة الى كوالالمبور ...................................

اسمع الكلام المجرب لاتروح انا توني راجع يوم الجمعه لتهونه خلوني اتعقد كرهت شي اسمه سفر مع الكراسي الضيقه التابوت اريح اشطب على شي اسمه طيران الخليج

غريبه انا لي اسبوعين من رجعت ورحت مع طيران الخليج
ولله الحمد نفس المطارات الي بالتذكره نزلنا فيها لازياده ولانقص
والعوده كانت ديركت على البحرين على طول
صل ركعتين والي يخيرك فيه ربك اختاره
والله يوفقك
ورحله سعيده

ياشباب اييش التحطيم هذا انا قصيت التذكرة من اسبوع ب2500 البحرين كوالا البحرين
وقال لي المكتب انها بدون وقوف .. انشالله كلامه يكون صح

اشتر راحتك واطلع على السعودية أو الامارتية او القطرية ..

أخوي عزوز أنجو بنفسك من هذا الطيران والكلام للجميع . أدفع فرق واشتري راحتي