نشر في جاكرتا

طيران الامارات

enterfun

26-08-2022 - 03:22 pm

السلام عليكم
وش علومكم الصيفيه قربت وابي رايكم انا حجزت على طيران الامارات من الرياض -دبي-جاكرتا واول مره احجز على ها الشركة وش رايكم فيها وسعر التذكرة 1750 ريال وابي تفيدوني بالنسبة لحجز الفندق في جاكرتا لو احجز يومين عن طريق نفس الشركة افضل او اذا وصلت المطار في جاكرتا
وبالنسبة للفيزا اجباري اخذها من السفاره بالرياض او عادي اقدر اخذها من المطار هناك واسف كثرت عليكم بس ابي فزعتكم
تحياتي لكم جميع

التعليقات (9)

puncak

26-08-2022 - 05:37 pm

اخوي enterfun
بالنسبة للاماراتية ممتازة لكن يعيبها التوقف في دولة غير الامارات
و بخصوص السكن الا فضل تحجز من مطار جاكرتا من مكتب كاها
والفيزا تقدر تاخذها من المطار ب 25 $ لمدة شهر
تحياتي

DEKAT

26-08-2022 - 06:38 pm

مساء الخير
اخوي سعر التذكرة 1750 ريال مش معقول ممكن تتأكد لازم تتاكد ؟؟؟؟
الاماراتية تتواقف كتير وزد الله العالم هونق كونق او سنغافورة يعني طالعين ونازلين من الجو ؟؟
الافضل على طول طلعه ونزله وحده والاماراتية ما يعلى عليها قمه بكل شيء الا الترانزيت ؟؟
من رأي تحجز من المطار كم يوم افضل وارخص ومكتب كاها هوالافضل والارخص
الفيزا تأخذها من المطار ؟؟
وبالتوفيق بالحل والترحال

enterfun

26-08-2022 - 07:39 pm

يعطيكم العافيه على سرعة ردكم وشاكر لكم بالنسبة لسعر التذكره 1750 متاكد منه ولا ادري هل هي مخفضه او لا بس اذا تبي احجز لك بنفس السعر ما عليك من عيوني

روابي الجنوب

26-08-2022 - 08:40 pm

للعلم السنغافورية من دبي ب1750 توقف واحد في سنغافورة انا حجزت عليها واليمنية كذلك ب1750 بس دايركت من دبي الى جكارتا

adnan_lina

26-08-2022 - 09:41 pm

اتوقع ان سعر التذكرة منخفض خاصة انت في الصيف والتذاكر تزود حوالي 700 ريال واكثر خصوصا ان طيران الامارات مشهود له انه من افضل شركات الطيران خصوصا افضل من الجارودة والسعودية .

almobtadi

26-08-2022 - 10:42 pm

الي اعرفه ان الاماراتية تتوقف في كولومبو وسنغافورا ثم جاكرتا المشوار طويل ومتعب وخاصة في الرجعه انا جربت هذا المسار واذا لم يسبق لك زيارة سريلانكا فحاول التوقف وزيارتها

anad1390

26-08-2022 - 11:43 pm

والله الصراحة السعر ممتاز اذا ممكن اخوي تعطينا المكتب الي حجزت فية

enterfun

27-08-2022 - 12:44 am

ابشر اخوي راسلني على الخاص واعطيك رقم جوال اخوي ويحجز لك وتروح له تاخذ التذكرة ومعها هدية فنجال قهوه يقعد الراس

anad1390

27-08-2022 - 01:45 am

اخي بيض الله وجهك على هذا الكرم الحاتمي بس لوسمحت انت راسلني على الخاص او اميلي لانك صراحه احرجتني ........ لاني ...... لاني صراحه ما اعرف وش اقول؟؟؟؟
صراحه ماعرف طريقه المراسله على الخاص!!! ومشكور على تعاونك

جاكرتا المسافرون العرب

طيران الامارات