ولد القطيف
27-10-2022 - 02:02 am
السلام عليكم
كيف الحال شباب
ياهل قطر انا ناوي اطلع يومين قطر مع الشباب يعني بختصار شباب في طلعة
وانتو ابخص بديرتكم .. ياترى وين الاماكن الي تنصحونا نطلعها يعني تجمع فيها الاثارة وحيوية
يعني فيها مغامرة وحركة وكذا ان امكن
واكون لكم شاكر
وقطر مثلها مثل دول الخليج الثانية ماتمتاز الا بلمجمعات والكورنيش وبعض الاسوقه
يعني عندك المجمعات التجارية
مثل فيلاجيو والاندمارك والستي سنتر الرويال بلازا والحياة بلازا وسنتر بوينت
وعندك سوق واقف وكله مقاهي وقهاوي شعبيه ومطاعم حلوة وراقية وهو حلو وايد
عندك متحف الفن الاسلامي وعندك كورنيش الدوحه ممكن اتروح وتتمشى فيه
لو اتحب البحر ممكن اتروح شاليهات سيلين وهي تبعد 50 كيلو عن الدوحه
وفي مقابلها كثبان رمليه وطعوس وفي ناس يتسابقون ويستعرضون
عندك بعد ناس ياجرون بانشيات ا بطابط او بقبقي سمها مثل ماتبي المهم ممكن تستاجرون مع ان اسعارها غالية
ومكن تسبحون بلبحر بشالية لو تبون
يعني هاي الاشياء الي عندنا
واهلا وسهلا فيك وبربعك
اي استفسار احنا بلخدمة