السلام عليكم ورحمة الله وبركاته
تحية طيبة لكم إخواني,,
الحقيقة اليوم جاي أخذ من واقع معرفتكم
يا إخوان , تعرفون الآن فترة قبول جامعات , والحمد لله ربك وفقنا بعد التخرج من الثانوية بقبول من جامعة الملك عبد العزيز
وأنا وواحد من الشباب قررنا نروح الإسبوع الجاي , نأكد طلبنا , ونقدم أوراقنا حسب الموعد إلا عاطينا إياه الجامعة
لحد الآن ما تم شي على أرض الواقع كل شي تخطيط بالكلام,,
موعد التقديم يكون يوم الإثنين والثلاثاء
ف دخلت على الخطوط السعودية , با أحجز ل يوم الأحد أو الإثنين , وللأسف ما وجدت أي درجة سياحية في أي رحلة , كلهم إمام بزينس أو درجة أولى,,
فقلت مالي إلا سما , وصار مافي غير سما , ف قررت أطير من الدمام ( إن شاء الله ) إلى جدة يوم الإثنين وأرجع الثلاثاء في الليل ( لحد الحين ما تم شي ) .
أول شي أتمناكم تساعدوني فيه,,هو..
نبغى فندق أو مكان سكن غرفة واحدة ل شخصين , تكون نظيفة وممتازة , يعني مو فخمة مرة ولا سيئة مرة , تكون بحال جيدة , وبسعر جيد في جدة ؟
وإذا إقترحتم نتمنى تقول لنا كم يكلفنا تكسي من المطار لها..؟
= فكرنا وقلنا ليه ما ناخذ عمرة مرة وحدة نروح جدة نخلص شغلنا ونروح مكة بالتاكسي نعتمر ونرجع..!
ف الحين سؤال لكم , كم يكلف التاكسي روحة إلى مكة ورجعة مع إنتظار وقت الإعتمار ؟
وهل تنصحوني بأن أخليه ينتظر أو أشوف لي تكسي , بس وين أشوف تاكسي ثاني يرجعني جدة ؟
ههه إعذرني أتعبتكم
الشيء الأخير ,,
مكان لابد أزوره في جدة , ما يصير أجي وما ازوره,,دلوني عليه؟
كل التوفيق لكم إخواني
واعذروني على الإطالة