السلام عليكم ورجمة الله وبركاته ..
اخواني وخواتي طلبتكم وكل امل وثقه انكم تردون على استفساراتي جميعها .. بان الله
ان شاء الله ع العيد .. الاهل بسافرون الامارات وبنقعد بالتحديد بالشارجه ودبي .. حوالي اسبوع ..
وانا مابخلي مكان ماراح اروحله ف أبيكم تساعدوني ..
ابي اسامي جميع المولات (المجمعات) .. ب دبي والشارجه.. وبو ظبي .. بس ركزو على دبي والشارجه
كل المجمعات اللي تستاهل انروحلها .. ومن سينمات ...
وابي اسامي مطاعم أكلها لذيذ وتنصحوني اروحلها .. من سي فود او هندي صيني ايراني والخ ..
وسمعت عن مطعم يكون في مركب .. او باخره .. ع البحر ؟؟ ..
وفي احدى المواضيع اهني احد الاخوان ذكر عن شي الحي الصيني ؟ ووين يقع بالضبط وشنو فيه واللي عنده صوره ماعليكم امر يعرضها لنا ..؟! ؟ وابي بعد شنو *الحدايق* والاسوقه الشعبيه ؟ اللي ممكن نروحلها ؟
وأكيد لا تنسون الاماكن الترفيهيه بعد ..؟
وآخر شي احم .. عن الوايلد وادي ؟ ..
في يوم مخصص للنساء ..؟
يعني نساء نساء ماكو ولا ريال ؟؟!!!
ربي يعطيكم الف عايفه .. ناطره ردودكم مابقى شي ونروركم .. وابيكم اتفيدوني