وعليكم السلام
الله يخليلكم الوالده والوالد
فكرة حلوه بس حطيتي فبالج اي فندق اذا ما حطيتي باقترح عليج 3 الريتز او غراند حياة او w
وطلبو كيكه من عندهم مع العشا وقولي لهم ان عيد ميلاد واهم بيغنون يعني بسون جو لكم
تحياتي

وعليكم السلام ورحمة الله وبركاته
الله يخلي لكم الوالد والوالدة
وكل سنة والماما طيبة
فكرة حلوة منكم
أقترح عليكم فندق جراند حياة
وتختارون أما شالية .. أو سويت .. أو غرفة .. حسب أستطاعتكم طبعاً
وأختاروا المطل على البحر أو البركة
المكان هناك جميل ورومنسي
وطبعاً إذا بتتعشون معهم فيه مليون عافية
وإذا بيتعشون بروحهم
تقدرون تكلمون الكونسيرج أو المطعم ( الروم سيرفز)
يضبط لهم طاولة رومنسية بالشموع على البحر مباشرة.. ولوحدهم
وصحتين وهنا
وأكرر الفكرة جميلة
ويعطيج العافية
فالج طيب

مرحبا اختي
وانا عندي كم فكره
وشي حلو انكم بتونسون الوالده الله يخليها لكم
اشرايكم
ان تحجزون غرفه او سويت واتجهزونه او تطلبون من الفندق يجهزة
واتحطون فيه هداياكم واتحطون فيه كيكه وحاولو اتجيبون للوالدة غيارات او ملابس نوم من دون ماتحس عليكم
وبعدين اعزموها بليل على عشاء وعلى انه عشاء عادي وتعشو عادي وبعدها
قولو ان انتو تبون اتشوفون الغرف وابوكم يسوي روحه ياخذ مفتاح من الرسبشن وبعدها اتروحون واتكون المفاجاءة اهناك بلكيك والورد وهداياكم واتغنون لها كل عام وهي بخير
وبعدها اتخلونهم ياخذن راحتهم وبهشكل بتاخذون راحتكم اكثر من ان يجيبون الكيكه على الطاوله لان ممكن يكون في لفت انتباه ويضايق الوالده او يسبب احراج
وعندكم محلات كيك حلوة مثل فوشون او الهديارد او لينوتر
والفنادق انا ارشح فريج شرق او دبليو او جراند حياة
لانهم اجدد شي وممكن تاخذون لفه عليهم واتشوفون الاسعار الغرف او الوالد ياخذ لفة وانصحه يحجز عن طريق النت من موقع فندقكم او بوكينق وارخص له بوايد من الحجز المباشر
واي استفسار انا بلخدمة
وتحياتي

فكرتج روعه وحيج عليها وبعد الشباب ماقصرو با افكار المميزه
وماخلولي شي ماقول الا الله يسعدكم ويخليكم حق بعض وتكررونها كل سنه
قولي امين

قراند حياة بقطر تقريبا بنظري هو الافضل ..
كان هنا الجنرال ..