pain_tear
20-05-2022 - 10:52 am
السلام عليكم جميعا..
اخي ومستشارنا الكبير ابو عزيز على راسي والله .. اختي الفاضلة سويس هايدي
ابيكم تساعدني وتحددو لي مناطق جميلة برحلاتها السياحية تكون على الحدود الفرنسية و السويسرية
على العلم ان شاء الله راح اوصل مدينة ليون يوم السبت يصادف قبل العيد بيومين والأثنين راح يبدي الكورس عندي لغاية يوم الجمعة وراح امدد السفر ليوم الخميس ان شاء الله وراح استأجر سيارة طوول مدة السفر
يوم السبت الوصول ويوم الأحد راح اكون فاضي بالأضافة الى 5 ايام بعد الكورس
افكر اني اروح جنيف وانترلاكن وانسي بس ابيك تساعدني في ترتيب جدول والأماكن السياحية اللي تنصحو فيها وايش المناطق الثانية اللي تنصحوني بشدة زيارتها وعدم تفويتها ؟؟
وايش معرفتكم بهذي المناطق : قرنوبل , شامونيكس , بيرن , نيس
والسكن وين تنصحو فيه بحيث مابي منطقة سكنية غالية واذا في مناطق ريفية ممتاز
انتضر مساعدتكم يالغاليين
هلا بك اخوي
انصحك تسكن في ديفون رخيصة وموقعها ممتاز
ممكن ارشح لك
Villa du lac
Park & suites
المناطق المجاورة اللي تستاهل الزيارة هي مجيف وانسي وشامونيه وايفيان والريفيرا السويسرية مثل منترو ولوزان واوشي ......انترلاكن ولوزيرن تعتبر مناطق شوي بعيدة ومحتاج تسكن عندها
بيرن العاصمة مافيها شيء مميز لكنها كمدينة ممكن تتجول في شوارعها
قرينوبل مدينة فرنسية كبيرة جنوب انسي وهي مركز تعليمي ثقافي كبير
نيس وكان في اقصى الجنوب الفرنسي وخارج المعادلة
حدد عدد الايام (تاريخ الدخول والخروج)