بسم الله الرحمن الرحيم احبتي هنا السلام عليكم ورحمة الله وبركاته واسعد الله اوقاتكم بالخير والمسرات كتبت الموضوع قبل هالمرة ولما ضغطت اعتمد الموضوع طار وراح وضاق بناظري شاسع الكون .. وانا المواجع في حياتي بخيصه القلب كنه من وراء الضلع مطعون .. النت سم مايداوى قريصه
الحقيقة انا سجلت في المنتدى منذو مبطي وكنت متابع جيد لجميع مايطرح لدرجة اني وصلت مرحلة لو سألني احد عن أي موضوع اقدر اجاوبه ولو طلب اني اسمع الموضوع "صم " استطيع ذلك بكل يسر وسهوله وسأحصل بعد توفيق الله على الدرجة الكاملة وحتى وصل بي الحال ان كل مافي المنتدى بالنسبة لي قديم وهذا الشئ المفروض والمنطق يقول انه شئ "ايجابي" ولكن لعل السحر انقلب على الساحر وراحت العلوم وضيعت كل شئ يمكن من كثر المعلومات فقدت المعلومات كلها .. ولها اسبابها
في وقت سابق نويت السفر الى ماليزيا وجمعت كم هائل من المعلومات والمواضيع والردود حتى حسيت في نفسي اني سافرت لماليزيا وانا باقي في بيتي وهذا بفضل الله اولاً ثم بجهود الاعضاء المباركة باشراف مميز من فطاحلة المنتدى المشرفين بارك الله فيهم ونفع بهم الاسلام والمسلمين ..
ثم كان لله مااراد اني ما اسافر لظروف معينه وتبدد الحلم وبقي الامل
الحقيقة انا تخطيت مرحلة النية للسفر لماليزيا وبديت مرحلة التخطيط
· اجازتي تبدأ بإذن الله في 15 / 10 / 1433ه ولمدة شهر وياليت الله يكتب اني اسافر في بدايتها علشان استغل باقي الاجازة وعسى الله يتممها على خير
· المدة المقترحة : 15 يوم
· عدد الاشخاص : انا والغالية ام مشعل .
· الميزانية المقترحة : من 20 الف – 23 الف ريال سعودي قابلة للزيادة وانا ماودي اتعدىال 20 الف وحبذا لو ارتب نفسي على هالمبلغ .
· سويت مخطط مقترح وياليت تعطوني رايكم فيه من ناحية الترتيب الوقتي المكاني .
2 سيلانجور
2 لينكاوي
3-4 بينانق ودي اطول فيها لاني احب الحركة والانشطة اكثر من الهدوء
2 كاميرون >> ودي تكون في المخطط بصراحة خقيت معها خاصة البساط الاخضر اللي شفته بالصور ولا ودي افوتها
4-5 كوالا
· بالنسبة للطيران كلمت مكتب وقال متوفر على طيران الاتحاد وبروح اشوف الموضوع معه اليوم اذا في العمر بقية .
· انا دخلت على الرابط اللي وضعه احد الاخوان في موضوعهFLY SCANNER ولقيت اكثر من خطوط طيران بنفس التوقيت اللي ابي اسافر فيه وطلع لي مبلغ "2700 وشوي ريال سعودي" مع العلم اني وضعت عدد الاشخاص 2 .؟!
اسئلتي المبدئية :
س1/ مارأيكم في الجدول المقترح ؟!
س2/ ياليت لو تعطوني اسماء الفنادق المقترحة لكل مدينة مع مراعاة نظافة الفندق لاني من الناس اللي مااعرف انام في أي مكان فودي يكون المكان نظيف ومريح للنوم بحكم تجربتكم ؟
س3/ ماهي الامكان والمنتزهات المقترحة لكل مدينه وودي يكون كل الانشطة فيه لاننا هالمرة خفيفين اذا الله تمم الموضوع على خير واذا الله كتب يمكن اخذ عيالي المرة الجاية معي .
س4 / في النقطة الاخير حقت FLY SCANNER طلع لي المبلغ 2700 وشوي ريال مع العلم اني حاط عدد الاشخاص 2 . هل المبلغ اللي طلع لتذكرة الشخص الواحد او الاثنين مجتمعة وهل هي للذهاب والاياب ام ولوجهه واحد فقط ؟!؟
اتمنى منكم مشكورين الاجابة على استفساراتي لان كثرت المواضيع تشتت وانا بعتمد الكلام اللي هنا بإذن الله
عذرا احبتي على الاطالة
الله يرفع قدركم ويوفقكم لما فيه خير .. ولكم مني دعوات في ظهر الغيب
أخوكم الصغير امام علو قدركم
ابو مشعل