الاسواق عندك سوق صحارى وجنبه سوق حياه مول كبار ومنوعين بطريق الملك عبدالله
فيه سوق الفيصليه
فيه سوق العليا مول شارع العليا العام
مطاعم فيه شيزان هندي اسعاره روعه
وفيه كوبر شندني هندي برضوا
فيه الركن اللبناني بشارع الثلاثين اكله لذيذ واسعاره معقوله
فيه الفخار زي اكل البيت واسعاره حلوه
وفيه سرايا التركي
وفيه مطعم بشارع الضباب مره حلو وفيه العاب اطفال بس نسيت اسمه
وفيه الاغلى من هذولا
مطاعم شارع التحليه
عبدالوهاب لبناني
الريف الايطالي
شيليز
ابل بيز
اتمنى اني افدتك ولو بالقليل

الاسواق
صحارى _ حياة مول _ غرناطة _ رويال مول_ المملكة والفيصلية
المطاعم
امريكي فرايديز _ تشيليز _ فذركرز
لبناني الريف اللبناني غالي ويستاهل
تركي الفخار حلو
اذا في بالكم شي اسألوا واحنا بالخدمة
توصلوا بالسلامة

السلام عليكم
راجع هذه المواضيع تفيدك إن شاء الله
https://artravelers.com/p/re/204635

حياك الله وبياك وجعل الجنة سكناي وسكناك
بس والله نصيحتي لك من قلب يحب ويغلي كل من في هالمنتدى لاتجي للرياض لأنها من أولها إلى تاليها حفريات ,,,
بس إذا أنت ملزم إن شاء الله تلقى اللي يسرك ويرضيك في هذه العاصمة الرائعة ,,

سيرفس15
شدعوة يا غالي كلها من أولها لآخرها حفريات ؟
هذي مبالغة منك الحفريات ببعض الأحياء ونادرة في الشوارع الرئيسية
أتمنى الواقعية في الطرح بارك الله فيك

والله يامهند ماش بعد تقريرك عن ماليزيا ما أقوى عليك ,,,
لكن أنا شخصياً من أطلع من البيت حتى أصل إلى عملي كلها حفريات في حفريات ,,
بل ويكفي أن عصب الرياض بعد طريق الملك فهد طريق الملك عبدالله أغلبه حفريات ,,
ومخرج 5
ومخرج 6
وأغلب الحواري جاري فيها عمليات حفر وخياطة ,,,
وبشهادة الأغلبية أن الزحمة زادت قرابة الثلث عن العام الماضي ,,

اي والله اخوي مهند
كلام الاخ سيرفس صح
الرياض صارت ماتنطاق من الزحمة
انا ساكن في مخرج 6 كنت اوصل الجامعة في 13 دقيقة الحين حتى نص ساعة ماتكفي!!
الله يسهل

بس الرياض كبيرة جداً يا شباب يعني نسبة الأعمال فيها إلى نسبة حجمها ما توصل لدرجة نقول من أولها لآخرها حفريات
يمكن المناطق اللي انتم فيها تكثر عليها الحفريات علشان كذا متأثرين لكن أنا في شرق الرياض وأروح الشمال كثير ما أشوف حفريات مزعجة لهالدرجة خصوصاً اللي ما يطلع وقت الذروه
أنا أتكلم عن الحفريات والتحويلات
لكن الزحمة طبعاً الرياض زحمتها مزعجة خصوصاً فترة الصباح كاملة للعصر تقريباً
وفترة من بعد المغرب إلى الساعة 11 ليلاً دائماً مزدحمة بكثرة الناس بغض النظر عن وجود حفريات
وهذا شي طبيعي وحال جميع المدن العملية والعواصم وأكبر مثال على ذلك مدينة دبي

لا وازيدك من الشعر بيت مشروع طريق الملك عبدالله بيخلص بشعبان 1431 يعني يستحسن تاجل سفرتك للرياض الى بعد سنتين