وعليكم السلام ورحمة الله وبركاته
أخي العزيز لا تخاف ولا شيء على حسب قوانينهم انت من حقك أن يعطوك فيزا لمدة ثلاثة شهور وهذي يختموها لك على جوازك في المطار وانت داخل نيوزلندا ، أما اذا كانت المدة اكثر فلازم تفيز من قبل ما تسافر أو تجدد وانت هناك طبعا عن طريق السفارة في استراليا أقول خليكك على ثلاثة شهور تراها ممتازة
اتمنى لك التوفيق
تحياتي

الوضع ايزي اخووي وتقدر تقوول بعد مريض لاني اناا يوم دخلت بفيزا زائر وبعدهاا جددت بفيزاا طاالب..
وبالتوفيق..

لا تكذب ولا شي !! وتورّط نفسك في مشاكل !
ياخي قول رايح دراسه شالمشكلة ؟
الامر طبيعي جدا
وتقدر تمدد لو حبيت عن ال 3 اشهر

بسام كل شي ولا الكذب والشعب النيوزلندي شعب طيب
بس انتبه اذا كان معك كمبيوترك الشخصي لازم يكون الوندز اصلي انتبه
واذا كان عندك برامج موب اصليه امسحها احسن لانهم فتشو الكمبيوتر حقي وشيكو على الوندز وبعض الملفات بس انا الحمد لله كنت مفرمته قبل ما اجي ( القانون النيوزلندي يمنع البرامج المنسوخه )
واذا كان معك دخان ولا اكل بيسون لك تفتيش كامل للشنطه بعض الناس مايفتشونه ولايفتحون كمبيوتراتهم بس الحذر واجب وكل شي ولا الكذب
موفق اخوي ...

الله يجزاكم ووالديكم بالجنه
الله يوفقكم يارب بس عاد تحملوني يالغالين
حبيت اسئل عن العطر والشامبو ومعجون الاسنان والفرشاه وماكينت الحلاقه عليها جمرك.....؟ وهل لازم نصرح عنها بكرت الدخول....؟ ولكم جزيل الشكر

الله يجزاكم بالجنه كل من عقب على موضوعي
ويرحم والديكم عنجد عاجز عن شكركم
فياليت تحملووني شووي عندي كمان كم سؤال
بالنسبه للاغراض الشخصيه ( العطر و الشمبو وماكينة الحلاقه ) هل يجب الافصاح عنها
ولاا تعتبر اغراض شخصيه وتعدي بدون مشاكل ,,,
والف شكر لكم مقدماً

( العطر و الشمبو وماكينة الحلاقه )
على حسب اللي يفتشك بعضهم ياخذونها وبعضهم يمشونها لك بس في الغالب يمشونها
انا كان معي كريمات وشمبو من زود التفتيس جايبين معهم عود ويدخلونه داخل الشمبو والكريمات مدري وش يدورون !!
بس في الاخير عطونياها ومشت الامور (صح انهم فتشوني تفتيش ابن كلب بس انا كنت مرتاح ومريح بالي لاني عارف اني مامعي شي
ومن ضمن اسئلتهم اللي بيسئلونك عنها يقولون انت اللي مرتب شنطتك طبعا قبل التفتيش .انا قلت لهم ايه انا اللي مرتبها
تدري ليه يسئلونك عشان لو لقو شي معك ممنوع بيقولون انت اللي حاطه
بس تبي نصيحتي انت شيك على امورك كلها وانت رتب شنطتك وسنع امورك ولا تخاف ابد الوضع اسهل من شربة المويه
واذا كان معك عسل مايدخلونه ياخذونه منك !!
بتوفيق اخوي