هلا بك اخي
الميزانية تكفي لمدة 5 الى 6 ليالي في وحدة على الشاطيء
وممكن 4 ليالي في وحدة مائية
العباية صعبة لكن الحجاب ممكن
طريقة التنقل حسب المنتجع اللي تختاره
والأفضل من ناحية الاوفر لك تختار منتجع قريب من المطار مثل كرومبا Kurumba
وقتها الإنتقال بيكون بالبوت
ماعندك مشكلة للغة لانهم متعودين على السياح
الحجوزات عن طريق المكاتب او الامارات للعطلات تاخذ باكج يشمل كل شيء طيران + مواصلات للفندق + سكن + فطور وعشاء
البرامج اللي موجودة في المكاتب السياحية ممتازة ولابد من مقارنتها بباقي المكاتب المشهورة في الرياض
ماتحتاج تأشيرة
وأفضل يكون معاك بطاقة إئتمانية كريدت علشان الفندق - حتى لو دفعت كامل المبلغ في الرياض الفندق محتاج يعمل حجز عليها الى ماتسلمهم الغرفة

aboaziz
ماعليش اخوي أبوعزيز هذي مافهمتها .. يليت تضوحها لي أكثر الله يجزاك خير ..
هل يعني اجمالي جلوسي بيكون من 9 إلى 10 أيام .. وماهي الوحده المائية ..
ومن واقع تجربتك منتجع كرومبا حلو أو فيه متنجات اخري يناسب مبلغي ..

اخوي ابو عزيز انت خبير هالاماكن...ممكن توضح لي شوي وش قصدك من ان العبايه صعبه...وشاكر ومقدر لك

aboaziz
يليت توضحها لي يا ابوعزيز .
يعني لو دفعت كامل المبلغ في الرياض لدى الأمارات للعطلات مثلاً 15000 مبلغ المنتجع او الفندق هل يلزمني اني ادفع نفس المبلغ هناك ..

zeezooo12
هلا بك
قصدي ان ميزانيتك اللي حددتها تكفي لقضاء 4 ليالي في الوحدات المائية في المنتجعات
وتكفي الى 6 ايام في الوحدات عاللي على الشاطيء في منتجعات المالديف
وكرومبا رائع
وواذا دفعت قيمة الرحلة من طيران وسكن في بلدك ووصلت للفندق راح يطلبون منك بطاقة كريدت كارد
وخذا اجراء طبيعي في اي فندق وبعض الفنادق يكتفي بتصويرها والبعض الاخر يحجز عليها مبلغ
ومعروف السبب وهو انك ممكن تطلب اكل في الغرفة او تشرب شيء من ثلاجة الغرفة او تطلب شيء وانت جالس على المسبح او السبا والمساج ...................الخ

aboaziz
قصدي ان ميزانيتك اللي حددتها تكفي لقضاء 4 ليالي في الوحدات المائية في المنتجعات
وتكفي الى 6 ايام في الوحدات عاللي على الشاطيء في منتجعات المالديف
وكرومبا رائع
وواذا دفعت قيمة الرحلة من طيران وسكن في بلدك ووصلت للفندق راح يطلبون منك بطاقة كريدت كارد
وخذا اجراء طبيعي في اي فندق وبعض الفنادق يكتفي بتصويرها والبعض الاخر يحجز عليها مبلغ
ومعروف السبب وهو انك ممكن تطلب اكل في الغرفة او تشرب شيء من ثلاجة الغرفة او تطلب شيء وانت جالس على المسبح او السبا والمساج ...................الخ
تسلم على التوضيح يا ابوعزيز
لو حجزت في منتجع كرومبا هل كل الفرف او المنتجات متساوية او فيه شي أفضل بحكم تجربتك وماهو الأفضل لي ..
بالنسبة للعاصمة مالي قريبه من منتجع كرومبا و يوجد بها مراكز تسوق تستاهل الذهاب إليها ..؟
وكم تكلفة الوصول إليها اما عن طريق الطائره المائية أو الزوارق ..
وعارف اني تعبتك معاي بس والله مالي إلى الله ثم انت يا الغالي ..

zeezooo12
لا ابد وش دعوى
ايه كل منتجع في المالديف يقدم للساكن خيار السكن من عدة وحدات
التقسيم الاساي بينهم هو
وحدات على الشاطيء على الأرض يعني
و وحدات مائية مبنية في وسط البحر على دعائم خشبية
النوع الثاني معروف انه الاغلاى والافخم وعدده محدود في المنتجعات
علشان كذا قلت لك ميزانيتك اللي حددتها تكفي لمدة اقصر 4 ليالي
بالنسبة للنوع الثاني الارضي على الشاطيء فأنواع كثيرة جدا
منها ماهو مطل على البحر ومنه ماهو مطل على حديقة
منها مايوجد بها مسبح ومنها مافيها مسبح او بس مغطسب (بلنج بول)
منها مايوجد فيه جاكوزي ومنه بدون
تخيل كل هذي الانواع في منتجع وعندك مئات المنتجعات
و هذا اللي يجعل المالديف من أصعب الدول اللي تختار فيها الوحدة المناسبة
ولا يوجد جواب لسؤال مثل ماهو افضل منتجع؟
==================
العاصمة مالي
استكشفتها بالأرجل مع زوجتي لمدة 4 ساعات
كانت تجربة سيئة واتفقنا بالرأي على ذلك
واتفاقنا بالرأي على شيء في السفر شيء نادر وهذا يعني انه بالفعل ما تستاهل انك تحطها في مخططكم
لكن يبقى لي راي شخصي وهو اني بطبيعتي احب الاختلاط باهل اي بلد واحب ادخل بيوتهم واعيش حياتهم واصور
الكثير من الصور ولو سالتني نفس السؤال راح تحصل اجابة ثانية وقتها بكون لوحدي ما معي احد
اتمى ان تكون وصلتك الفكرة
مع العائلة لا ماتصلح
لحالك ممكن ايه من ناحية ومنظور وزاوية الاستكشاف

ابو عزيز ما رديت على سؤالي وهو كيف ان العبايه صعبه لاني ناوي اروح بس اذا في مشاكل او ماراح انبسط لا والله بااريوس خصوصا البلد نار وحرام التضحيه فيه

almhtass
هلا بك
العذر ماشفت سؤالك
البلد والوجهة سياحية بحرية مائية الكل بالبس البحري والعرب اكثر شيء شفته حجاب
العباية في جزيرة ووجهة مثل هذي ماتناسب و اكيد بتلفت النظر
لكن هذا لا يمنع من انه غيرك راح واستمتع بعبايته
فقط راي شخصي مو أكثر