هلا اختي
بختصر الموضوع لك
ميلان .. التنقلات للمدن المجاورة بالقطار عالعموم بس اشوف انكم تستاجرون سيارة افضل
وذالك لتخفيف من الصرف فالسيارة افضل
داخل ميلان الميترو او الباص السياحي تلفى ميلان
اهم المدن القريبة اللى تزوروها بنفس اليوم
جاردا _فنيسيا_فيرونا_بحيرة كومو _مدينة لوقانو السويسرية_بالاظافة ل سيرموني
باريس
التنقل كلة بالميترو افضل واسرع
ولو تبون الراحة بباريس اشترو تذاكر الباص السياحي الاصفر ولفوها كاملة ولكل معالم باريس السياحية
وبالنسبة لخارج باريس تقدرو تروحو مثل قصر فرساى _ دزني لاند وطبعا" هذى المنطقتين
تروحون لها بالرير
والميزانية اتوقع مصروف الشخص الواحد لو كلكم كبار حيكون من 100الى 150يورو
وكذالك بميلانو اتمنى لك رحلة سعيدة
دمتي بود

مرحبا
ميلان بالكرسمس ميته مل شي مغلق واحتمال مافيه رحلات بالقطار لانه بيكون زحمه الحوزات القطارات اا تبون تحجزون احجزو جميع القطارات من الحين مع انكم 5 اشخاص الافضل والاوفر والاجمل السياره واريح .........
بالنسبه لميلان واللي حوليها
فينيسيا ساعتين ونص عن ميلان
بحيرة جاردا+ سر ميوني عند بعض ساعه ونص من ميلان
كومو مع لوجانو وممكن الاوت لت فوكس تاون ساعه من ميلان
بحيره ميجوري قريبه من ميلان حدود ساعه عن ميلان ......فيها اربع جزر جميله
ويوم تمشو في ميلان والدومو وممكن تتسوقون لو حابين ......
باريس الاحلى تسكنون قريب الشانز وازيد على اخوي ابو طلال متحف اللوفر ويكفيك الشانز غيير براس السنه .....
السياره بس خلوها في ميلان وبعدين من ميلان الى باريس بالطائره لان القطار حدود 7 ساعات .......
بس لباريس بالسياره توصل 10-11 ساعه..........

مرحبا اشكر لكم ردودكم الله يعطيكم العافيه ما قصرتو
بس ابي تفسير اكثر لو تكرمتو لاننا ما نعرف اي شي هناك
في ميلانو ما نعرف الا الدومو وباريس الشانز وبرج ايفل وقوس النصر وديزني لاند
بالنسبه للسياره من وين نستأجرها ونبيها بسواق طبعا عشان ما نضيع هناك
وبكم تكلفتها لاني سمعت ان السيارات غاليه مره
في ميلانو حاجزين فنق ( جاليس )
وفي باريس حاجزين فندق ( كونكورد لافييت )
وروحتنا لباريس مو بالقطار لا بالطياره بتكون ان شاءالله
واحنا ال 5 كلنا كبار ما فيه معنا اطفال
وبالنسبه للتنقل في ايطاليا نبي نروح لمدن قريبه مره من ميلان لاننا حاجزين الخمس ايام كلها في ميلان بالنسبه للفندق
وروحتنا بتكون في وقت الشتاء والثلوج وسمعنا ان البحيرات بعضها بتكون مجمده هل هذا الكلام صحيح
ابي خطة سيرر تكون مره حلوه ونلف فيها لف ما نخلي مكان ولا مدينه قريبه الا نروحها
وبالنسبه للميزانيه
اليورو يقولو انه ب 5 ريال يعني على حسابك اخوي بيكون للشخص الواحد مصروف في اليوم 750 ريال لانك تقول 150 يوروو
يعني في العشر ايام بيكون للشخص 7500 ريال وللخمسة اشخاص بيكون 37500 ريال الي يعادل باليورو 7500 يوروو
مو كثيره على اكل وشررب لان الاوتيل محجوز ياريت توضحون لي اكثر
بليز لو سمحتو
واسفه كثير طولت عليكم

مرحبا شوف الرد السابق كتبتلك اقرب الاماكن اللي قريبه من ميلان تقدرون ترحون لها بالسياره ....
سياره مع سواق بيطلع غالي مرره ...
خوو سياره مع جهاز gbs سهل مافيه صعوبه بس تحط العنوان وتتبع معاه الطريق واذا ضيعت يرجعك طريقك سهل جدا
السياره ممكن تستاجرونها من النت في موقع
http://www.europcar.com/
المصاريف اليوميه حد اقصى 150 يعني مثلا مطعم فخم او مثلا تذاكرلمدن الالعاب وغيره يعني لاتحسب انكم اكل الواحد وشربه باليوم 150 يورو لا مرات ماتصرف الا 60-70 يورو يعني ممكن تكون اقل .....
البحيره لا ماتتجمد انا رحت لكومو في يناير مو جامده يمكن يقصدون البحيرات الصغيره او ممكن اطراف البحيره بس ماتتجمد .......
واذ ممكن ممكن تزيد على الجدول السابق مدينه الاعاب موفي لاند وجاردا لاند عند بحيره جاردا بس انتم شوفو تاريخ جيتكم هل مدينه الاعاب مغلقه او لا ....بس لاتفوتون موفي لاند

اطليانو
الله يعطيك العافيه ما قصرت اخوي
موفي لاند وينها فيه في اي مدينه احنا بنوصل في تاريخ 24/12 ديسمبر
ما عندك خلفيه عن السياره بكم تقريبا
( سياره مع جهاز gbs ) ما فهمت وش تقصد فيها
معليش شكلي اتعبتك بس اول مره ولا نعرف شي ابدا

moon2011
موفي لاند وينها فيه في اي مدينه احنا بنوصل في تاريخ 24/12 ديسمبر
ما عندك خلفيه عن السياره بكم تقريبا
( سياره مع جهاز gbs ) ما فهمت وش تقصد فيها
معليش شكلي اتعبتك بس اول مره ولا نعرف شي ابدا
هلا اختي
اعتقد بهالوقت مغلقة او حتكون بيوم 15 مغلقةمن شهر 1
السيارة بسواق حتكون اغلى
بالنسبة لجهاز gbs هو القارمن اي تحديد الخرايط والطرق وتقدرين
تشترينة من هنا او تستاجرين سيارة موجود فيها الجهاز
وعلى فكرة الموضوع بسيط حتى لو اول مرة تسافرون اوربا زيها زي اي مكان
بالعالم بس تحتاج ترتيب
دمتي بود

ابو طلال*
شكرا لك اخوي ابو طلال ما قصرت الله يعطيك العافيه
انا سفرتي مو في شهر 1 لا انا بسافر ان شاءالله في شهر 12
بالتحديد 24 / 12 م ديسمبر
عارفه انها مثلها مثل اي مكان ثاني وما يحتاج لها الا الترتيب
عشان كذا الله لا يخلينا منكم يا خبرائنا ويجزاكم خير
ابيكم ترتبونها لي بالييوم وين اروح ويين اجي
واي احد يدخل الموضوع وعنده اي راي او اي اقتراح ياريت انه يضيفه لتعم الفائده
دمتم بخير وعافيه

moon2011
موفي لاند وينها فيه في اي مدينه احنا بنوصل في تاريخ 24/12 ديسمبر
ما عندك خلفيه عن السياره بكم تقريبا
( سياره مع جهاز gbs ) ما فهمت وش تقصد فيها
معليش شكلي اتعبتك بس اول مره ولا نعرف شي ابدا
جاردا لاند وموفي لاند مدينتين العاب مختلفين بس في نفس المنطقه عند بحيره جاردا بالنسبه لموفي لاند مومتاكد فاتحين او لا بس جاردا لاند فاتحين يوم 24 بس 25 مغلقهشوف الجدول جاردا لاند
http://www.gardaland.it/en/orari/
اما موفي لاند عاده مرتبطه بجاردا يعني فيه مرات جداولهم تتشابه يعني احتمال تكون شبيه بجدول جاردا اقولك احتمال لانه مرات اشوف جدالهم تتشابه ...والله اعلم
ممكن لاوصلتو الفندق تتاكدون من موفي لاند اسالوهم .......
http://www.canevaworld.it/index.php
السياره تختلف اسعارها حسب النوعيه والموديل انتم خوو الارخص الجهاز اقصد الجارمن او الملاحه اللي يدلكم الطريق
يعني يقولكم امش يمين او يسار طبعا معاه صوت ومريح وسهل الاستخدام.....السياره ديزل افضل

اطليانو
شكرا لك الله يعطيك العافيه اخوي ما قصرت
طيب اذا ما فيه معنا رخصه دوليه عادي يأجرونا
وتقريبا كم بتكون التكلفه
واذا ما عليك امر وما يكون فيها ازعاج ابي خطه يوميه لمدة الخمس ايام
وين نروح ووين نجي
والكرسميس وين نقضيه لانكم تقولون انه ميت في ميلانو كل شي مقفل
ممكن نروح لجنيف نقضيه ونرجع في نفس اليوم بعد ما يخلص الاحتفال
يعني نبي التنقلات نروح ونرجع في نفس اليوم
ياليت تكتبون لي بالتفصيل متى نروح وكم الوقت وكذا يعني
شكرا لكم واسفه على كثرة الاسئله
بس مالي الا الله ثم انتو الله لا يحرمنا منكم
دمتم بصحه وعافيه