18 مشاهدة ولا واحد رد
يعني خفتوا من طلبي وطلعتوا على الساكت
اخواني اي نصيحة او مشورة ممكن تفيدني لا تبخلوا علي

اولا مساء الخير
ثانيا انتم عائله وله شباب ؟؟
ثالثا المخطط على الورق ممكن رغم انك كتبته بشكل غير واضح .. لكن مع هذا في لفه طويله وايامك قليله
4- حجزتو تذاكر وله بعد ؟؟ وكذالك الفنادق ؟؟ احب اعرف من وين البدايه والنايه بالنسبه للمطارات ؟؟ هل بالامكان تغير المخطط والفنادق
الرحله من فينيسيا الى ميونخ طويله بالقطار ..

مساء النور اخوي https://artravelers.com
الله يجزاك خير على الرد
1. عائلة .انا وزوجي.
2. حجزنا تذاكر على الخطوط القطرية الذهاب 1762011 والعودة 772011(الوصول لمطار فنيسيا والعودة من مطار ميونخ)
3. حجزنا اغلب الفنادق
فنيسيا (غير مسترد) من 176 الى196 في فندق dei-dragomann
ميونخ (لم احجز بعد)
قارمش (لم احجز بعد)
بادن بادن (الغاء مجاني) من 216 الى 256 في فندق hotel heiligenstein
انتر لاكن (الغاء مجاني) من 256 الى 276 في فندق saumertaverne
انسبروك (الغاء مجاني) من 276 الى 296 في فندق Hilton innsburck
كابرون (غير مسترد) من 296 الى 17 في شاليهات dorfechalets kaprun
سالزبورغ (الغاء مجاني) من 17 الى 37 في فندق bergland hotel
فيينا (غير مسترد) من 37 الى 57 في فندق adagio wien zentrum
ميونخ (لم احجز بعد)
استفساراتي هي:
1. كيف احجز للقطار ؟من النت ؟او مكتب سياحي؟وكم يكلف؟ في اي محطة اوصل في ميونخ؟(بالتفصيل)
2. ممكن ترتب لي برنامج لايام بادن بادن الاربعة بحيث يتضمن فرانكفوت و Heidelberg
3. اذا طلعت من بادن واتجة ل انترلاكن لكن ابغى ازور شلالات نهر الراين :كم يكفيها وقت؟اذا كان البرنامج هو ركوب القارب وصعود الصخرة وزيارة القلعة ؟ثم اكمل طريقي لانترلاكن؟
4. ممكن ترتب لي جدول لإنترلاكن (بصراحة انا ماعرفت لان ماادري كم يكفي وقت؟و المسافات بين المكان والثاني؟)
5. بالنسبة ل انسبروك ( انا حجزت فيها يومين لكن ترددت بينها وبين زيورخ )لاني ابغى ازور هايدي لاند اذا طلعت من انترلاكن وفي طريقي لإنسبروك لكن حسيت انها متعبة ففكرت ابدل الليومين واخليهم في زيورخ .ممكن رايك؟
6. اذا طلعت من فيينا افكر ازور Passau (لانها نقطة التقاء 3 انهار) ومن ثم اكمل طريقي لميونخ وامضى فيها اخر يومين .هذا البرنامج ممكن؟وكم يكفي Passau وقت؟ وهل هي تستحق الزيارة ولا لا؟
7. ضريبة الطريق كم وحدة اصادف؟وكم قيمتها ؟كم بتكلف؟
8. تكلفة الديزل ؟والمواقف ؟تقريبا
9. ممكن رايك في الفنادق؟طريقة الدفع في الفنادق وغيرها ؟كاش ولا فيزا؟علما ان الفيزا اللي معنا هي فيزا تسوق من الراجحي(ماأدري هي عليها مشاكل هناك ولالا؟)
ملاحظة:
فيه امكانية تغيير مخطط وفنادق اذا كانت ضمن الفنادق اللي تكون الغاء مجاني

1. 8- لا يوجد تكلفه تقريبيه

مساء الخير
ما اخفيك سر .. اني جلست اقرأ المخطط مع العقبات التي وضعتيها حاولت افك روموزها .. واسهل الرحله لكن اصطدم بحجز غير مسترد . او ظلم لبعض المدن الجميله التي ظلمتيها بليلتين ..
وعندما قرات الاسئله زادت الحيره اكثر .. لانك تضيف اماكن سياحيه وانتم خارجين من مدينه الى مدينه
بقولج شي فينا لا بد ان نلغيها ..؟؟ اعرف ان الجواب غير مسترد .. فما الحل .. هذي اول مشكله
2- بعد فينسيا يوجد لديكم 19 و20 قبل لا تذهبون الى بادن بادن بتاريخ 21 .. وانتي حاطه ميونخ غارمش لهذا سوف نختار ميونخ فقط
جوابي هذا المخطط مرهق تتطبيقه ممكن على ارض الواقع .. وان كنت افضل ان يتم تغيره بالكامل .. لكن مخططكم سبق ما هو في خاطري
جوابي بالنسبه للفنادق
انسبروك وكابرون ممتازين جدا .. فينا جيد .. سالزبورخ جيد .. الي ببادن بادن بعيد عن السنتر ووهو يعتبر بمكان ريفي مئه بالمئه الفندق بشكل عا ممتاز ..
اما انترلاكن اول مره اسمع فيه واعتقد بشكل مبدئي انه خارج انترلاكن . فينيسيا اسئل ببوابة ايطاليا عنه
+++++++++++
القطار احجزه من بلدك لان اساسا ما عندك وقت هناك .. اسئل ببوابة ايطاليا راح توصل الى محطة ميونخ المركزيه واختار فندق قريب منه تجد الفنادق بموسوعتي الالمانيه
2- فرانكفورت وهالديبرغ بعيدين انصحك بالاماكن القريبه مث ستراسبورخ الفرنسيه وبحيرة تيتسي وملاهي يوربا بارك
3- اسئل ببوابة سويسرا رغم اني انصحك تكمل الى انترلاكن افضل
4- ممكن زيارة القمم الثلجيه وبحيرة بلو سي .. او لويزرن وشاهد المواضيع المخصصه ببرنامج داخل انترلاكن
5- خيار موفق انسبروك .. ويمكنك زيارة غارمش فهي اجمل بمليون مره من هايدي لاند
6- لا ما يفنع لان اساسا المسافه طويله جدا الى ميونخ 5 ساعات تقريبا
7- سوف تشتري ملصق للنمسا او دخولها وكذالك بسويسرا تجدهم باقرب المحطات للتزويد البنزين او بالمكائن الخاصه بخصوص سويسرا

8- لا يوجد تكلفه تقريبيه

9- الدفع كاش عند الخروج والفيزا كضمان اول دخول الفندق لحجز مبلغ معين هذا لوكان حجزكم من بوكنق .. ما اعرف بطاقة الراجحي لكن لا بد تكون احرفها بارزه ومعتمده في اوربا وانصحك تأخذ الفيزا او ماستر كارد .. اعطيت رأيي بالفنادق مسبقا
الملاحظه جوابي عليها :
كان ودي اغير كامل المخطط .. لكن: سبق السيف العذل

( نحن نهتم بأدق التفاصيل )
فعلا توقيع يدل على صاحبه مشكور اخوي والله ماقصرت واعذرني سببت لك صداع بس وانا اقرا ردك نط كم سؤال براسي
1- قصدك بالمدن الجميلة الي ظلمتها بليلتين؟
2-ممكن خريطة توضح موقع المحطة المركزية في ميونخ او رابط يساعدني (لأن اختيار فرع مكتب تاجير السيارة واختيار الفندق يعتمد على موقع المحطة)
3-وضعي من ناحية النقاب (او لثمة مع نظارة شمسية) في ستارسبورغ الفرنسية؟

هلا فيج وصباح الفجر
اغلب الفنادق الم1كوره هنا بالقرب من المحطه المركزيه بالمانيا
https://artravelers.com/p/re/419288
الاسم بالانجليزي
Central Station
بالالماني
Hauptbahnhof
وهذي المحطه فيها شركة يورب كار وسيكست
اغلبهم ما عطيتهم حقهم وخصوصا كابرون وسالزبوربخ انترلاكن .. انتم بس اعطيتم بادن بادن حقها .. وفينا اخذتهم من اجلها مشوار فقط ليوم
ما يفنع اذا لثمه بستراسبورخ اخاف يسون لج مشكله ..
وين السؤال الي يبي ينط ؟؟؟ فليتفضل

صباح الفجر اخوي
طيب اذا كنسلنا انترلاكن وايامها اضفناها على ايام انسبورك يكون المخطط عملي اكثر؟
يعني تكون انسبروك 4 ايام ؟كذا افضل؟
اذا كان الجواب نعم ممكن تقترح لي برنامج للأيام الاربعة
واذا كان الجواب لا
هل اضيفها على ايام كابرون؟
واذا كان كل الخيارين ممكن .ايهم تفضل؟

صباح اول الفجر
ممتاز لو اتشيلون انترلاكن
المسافه من بادن الى انسبروك 4 ساعات ونصف
ايام انترلاكن .. ما اعتقد تستطيعن تضيفينها بكابرون لان الحجز غير مسنرد .. لو استطعتي ضيفي يوم فيها .. ويوم اما في سالزبورخ او فينا
انسبروك خليها مثل ما هي
تحياتي

مساء الخير اخوي
رجعت اليوم بنسخة معدلة من البرنامج واتمنى تعطيني رايك وملاحظاتك
فنيسيا 176 الى 19 6
انسبروك 196 الى 216 (لان لقيت رحلتها مباشرة مافيها تبديل بين القطارات ومدتة الرحلة اقصر. والسيارة استلمها من قارمش)
بادن بادن 216 الى 256
انترلاكن 256 الى 28 6 (ما طاوعني قلبي اكنسلها بس 3 ايام تكفي؟)
كابرون 286 الى 17 (اضيف يوم واحجز فندق فيها ليلة 28 ثم انتقل ل الشاليهات)
سالزبرغ 17 الى 37
فيينا 37 الى 57
ميونخ 57 الى 77
ملاحظة:
· الى الان ماغيرت حجوزاتي انتظرك قبل
· رايك في طريق السفر من انترلاكن الى كابرون ؟ممكن ؟او صعب بس ممتع؟
والمدينتن عطيتهم حقهم ب 3 ايام؟