عندك 22 ليله وانتي حددتي الذهاب والعوده من ميونخ يعني صعبتي الموضوع بصراحه
ممكن نجمع بين المانيا والنمسا وايطاليا فقط اما فرنسا ما نقدر ابدا لانها بعيده الا اذا بتخلين العوده من باريس ويصير تروحين طيران من ميونخ الى باريس
ميونخ وصول فقط - 4ليالي سالزبورغ - 6ليالي زيلامسي - ليلتين فينيسيا - ليلتين ميلانو - 3ليالي كونستانس اوزيورخ - 5ليالي ميونخ
السياره تستاجرونها من ميونخ وتسلمونها في ميونخ بالعوده
حطيت كونستانس عشان ماترجعين على نفس الطريق اللي قبل يعني زيلامسي
وممكن تروح الى زيورخ مو كونستانس
انا افضل كونستانس وتقدري تروحين منها الى زيورخ المسافه 70كلم فقط
بس ترى ايطاليا حاره بالصيف
انا اتسوق من الساحات في ميونخ وما قد رحت للاوت لت
بس سمعت انه في اوت لت قريب من سالزبورغ وواحد قريب من ميونخ
اما في ايطاليا ما اعرف ابدا

جدول اختي بنت حواء ممتاز جدا لكن اختلف في تقسيم عدد الايام :
3 ليالي سالزبورغ
7 ليالي زيلامسي
2 ليلتين فينيسيا
3 ليالي ميلانو
3 ليالي كونستانس
4 ليالي ميونيخ
وهذا رابط للأماكن السياحيه في سالزبورغ + زيلامسي + ميونيخ وبعض الاحداثيات المهمه :
https://artravelers.com/p/re/493746

مشكورين و ما قصرتوا .....
بنت حواء : في حال كنسلت ايطاليا و رحت سويسرا فرنسا تصير أقرب ؟؟؟ لأن ودي أودي اليهاال ديزني ...
انزين ووممكن المسافة بين كل مدينة والثانية ؟؟ يعني جم ساعة بالسيارة ؟؟؟
و السكن ؟؟ ابي اقتراحات للسكن أهم شي يكوون نظيف و سعر مناسب .. لأن آخر الشي الفندق بيكون للنوم فقط و اليوم كله بالخارج ...
و أنا سمعت نصايح بالسكن في كابرون و ناوية أسكن فيها بدال زلمسي ...
و أبي أهم الأماكن اللي لازم أزورها بكل منطقة ...
و مرة ثانية مشكوريين بنت حواء و بو نزيه ...
و ناطرة مشاركات الأعضاء الكرام بفيدوونني..

عدك 22 ليله
5ليالي باريس - ليلتين رست -5 ليالي انترلاكن- 3ليالي جنيف - ليلتين لوغانو - 3ليالي ميلانو - ليلتين فينيسيا
هي 22 ليله
رست - انترلاكن 240 كلم
انترلاكن - جنيف 217 كلم
جنيف - لوغانو 372 كلم
لوغانو - ميلانو 79 كلم
ميلانو - فينيسيا 284 كلم
العوده من فنيسيا
بالقطار من باريس الى ستراسبورغ القريبه من رست وتستلمون السياره منها وتسلمون السياره في القسم الفرنسي بمطار جنيف والباقي بالقطارات واذا حبيتوا تكملون بالسياره راح تدفعون ضريبه لتسليم السياره في ايطاليا
رغم اني افضل بما انه معاكم اطفال والتنقل صعب عليكم
خلو المخطط
باريس - رست - ليالي انترلاكن- ليالي جنيف
وتختارون ميلانو فقط بعد جنيف لان بالطريق من انترلاكن الى ميلانو راح تمرون على لوغانو لانها على الطريق
والامر يعود لكم

مشكورة بنت حواء بس جذي كنسلتي النمسا و المانيا .. انا قصدي أكنسل من خطتي الأولى بس ايطاليا و أستبدلها بسويسرا ...
يعني تصير : المانيا - النمسا - سويسرا - فرنسا
ليلحين الخطة صعبة ؟؟؟
قاعدة أفكر اني من ميونخ الى فرنسا آخذ طيران و الباجي سيارة شرايكم ؟؟؟؟
بس زوجي يقول حتى لو المسافة بعيدة 7 ساعات أو 8 ساعات بالسيارة عادي يقول الجوو و المناظر كفيلة بإنها توخر التعب

اذن المخطط كذا افضل لكم
ليلتين ميونخ - ليلتين سالزبورغ- 5ليالي زيلامسي - ليلتين كونستانس اوزيورخ - 5ليالي انترلاكن -3ليالي جنيف - 3ليالي باريس
ميونخ الى سالزبورغ 145 كلم
سالزبورغ الى زيلامسي 107 كلم
زيلامسي الى كونستانس 376 كلم او زيلامسي الى زيورخ 434 كلم
كونستانس الى انترلاكن 195 كلم او زيورخ الى انترلاكن 119 كلم
انترلاكن الى جنيف 218 كلم
بعدين الانتقال من جنيف بالقطار او طيران الى باريس والعوده منها
طبعا من كونستانس او زيورخ ممكن تزورون العاب اليورب بارك في رست تبعد حوالي 170 كلم عنها
وممن تزورون شلالات الراين الرائعه لاتفوتكم
راح ستتاجرون السياره من ميونخ وتسلمونها في جنيف راح تدفعون ضريبه بس هذا الحل الوحيد لكم
بعد ما نتفق باذن الله على المخطط راح نتلكم عن السكن

بنت حواء جزاج الله خيير بس عندي تعديلات ... يعني ميونخ ودي أزيد المدة .. لاني بزور أكثر من مكان هناك ودي أزور ( غارميش ) يمدحونها المنتدى مع الأوتلت سكادا و ingolstadt villgeو مع الحديقة الأولمبية طبعا بالإضافة الى استكشاف ميونخ و المارينا بلاتز .. شرايج جم ليلة 4 ليالي ؟؟؟ خصوصا ان اليوم الأخير راح يكون السفر الى النمسا و الوصول الى ميونخ يوم 2/7 بالليل ... يعني راح ابتدي من 3/7 ... ف من 3/7 الى 6/7 في ميونخ و يوم 7/7 الذهاب الي النمسا .. زيين ؟؟؟؟
و بالنسبة للنمسا ودي أسكن بكابرون ..... مو زلمسي ....
و زوجي يقول نزور سالزبورغ و نقضي فيها يوم كاامل بس ما نبات ... ينفع ؟؟؟
و الاقامة بنمسا من 7/7 الى 13 /7 كافي ؟؟؟ و شنو الاماكن اللي لازم نزورها و ماتتطوف بالنمسا و الأنشطة و الفعاليات ؟؟
عقبها سويسرا ... عاد هذه ليلحين ما قريت عنها و لا سألت لانها فجأة قررنا انه نستبدلها بايطاليا .. فاقتراحاتج واايد بتفيدني ان شالله ... و الاقامة فيها من 13/7 الى 17/7 ....
و ريلي قال ماعنده مشكلة بالسواقة مدة طويلة وراح نتناوب انا وياه بالطريج بنطلع انا وياه ليسن دولي عشان لا يتعب فراح نخلي السفرة كلها بالسيارة و أخر شي راح يكون من 17/7 الى 23 /7 الاقامة في فرنسا .. زيارة دزني من الاساسيات (جم يوم تكفي زيارة دزني ) .. فأبي فندق يكون مكانه مناسب لديزني و الشانز ...
و يوم 23 العودة لألمانيا والاقامة فيها ليلة فقط للراحة و الاستعداد للعودة ( بس احتمال يغير زوجي مطار العودة ) أو انه يصير العودة من فرنسا و تسليم السيارة في فرنسا..
ابي آراؤكم في المخطط و إذا فييه أي تعديلات بليز أفيدووني ...
و جزاكم الله خير ....