الدكتور عبدالرحمن
23-11-2022 - 10:00 am
السلام عليكم ورحمة الله وبركاتهأحبتي أرجوا المساعدة في ترتيب شهر العسل وتقسيم الأيام وأفضل الاماكن التي تستحق الزياره والفنادق والمنتجعات خاصة الفلل التي تتميز بمسبح خاص
وهل تنصحوني بالسفر من كوالالمبور الى بينانج بالسيارة وكم المدة
رحلتي من يوم 1 ابريل الى 20 أبريل
ولكم مني الدعاء
حياك الله يأخ عبدالرحمن
إذا كان المغادره يوم 1 والعوده يوم 20 معناته عندك 18 ليله 19 يوم
وهي مده ماشاء الله ممتازه جدا والتقسيم ممكن يكون فيه أفكار كثير
بأقولك اللي أشوفه انسب و الأخوان بعد بيعطونك خيارات وقرر بعدها
أنا أشوف انك تدخل سنغافوره ظمن المخطط او بالي بأندونيسا دام المده طويله
2 سيلانقور -- 3 لنكاوي -- 3 بينانق -- 5 سنغافوره أو بالي -- 5 كوالالمبور
أما لو ماتبي تدخل اي منطقه ثانيه غير ماليزيا فممكن
2 سيلانقور -- 4 ليال لنكاوي -- 3 ليال بينانق -- 3 ليال كوالالمبور قريب البرجين
ثم 2 جينتنق -- 3 ليال كوالالمبور شارع العرب -- آخر ليله بورت ديكسون
ولو بتاخذ في سيلانقور او لنكاوي فيلا ببركة سباحه خاصه فممكن تلغي بورت ديكسون
وتزود ليلتها علي كوالالمبور او بينانق لأن فيلا ببركة سباحه في سيلانقور ولنكاوي غاليه
اما بورت ديكسون فمنتجع قراند ليكزس غرف ببركة سباحه خاصه داخل الغرفه بسعر معقول
بالنسبه للفنادق
سيلانقور -- لو تبي فيلا ببركة سباحه عندك فلل صن واي لاقون
اما لو تبي غرف لو الفلل غاليه عندك نفس الفندق صن واي لاقون
لنكاوي -- الفلل اللي ببركة سباحه خاصه عندك فندق الويستن و ذا داتاي
وذا دتاي أفخم بس منعزل والويستن اشرح وفلله جميله
وممكن في لنكاوي لو قررت اربع ليال تقسم المده علي فندقين ذا دانا والويستن
بينانق -- فندق الراساسايانق قسم الراسا أفضل فندق في بينانق طبعا بدون بركة سباحه خاصه
كوالالمبور -- قريب البرجين فندق تريدرز غرفه إكزاكتيف مطله علي الحديقه والبرجين
وفي شارع العرب فندق الويستن او الماريوت
جنتنق -- فندق ماكسيم افضل فندق في جينتنق بس سويتات او فندق فيرست ورلد غرفه كلوب
وطبعا جينتنق ممكن تكتفي بزيارتها من كوالالمبور من الصبح للمساء قريبه حدود ساعه ولكن
مدتك طويله ماشاء الله ممكن لو تحب الأجواء البارده والضباب تبيت فيه ليلتين وهي مجرد
مدينة العاب وملاهي في مرتفعات بارده جميله مافيه الشي الكثير
وممكن تستبدله بالكاميرون بس طريق الكاميرون متعب وطويل وجينتنق تغني عنها
الخيارات كثير دام المده طويله وانا افضل لو تدخل سنغافوره مع ماليزيا
وبالنسبه للذهاب من بينانق لكوالالمبور بالسياره المشوار 5 ساعات إذا انت من
محبي الطرق الطويله ولا تمل فهو طريق جميل و ممتع ولكن الطيران اريح واسرع