السلام عليكم
اخوي انا انصحك تروح اول شي لماليزيا وبعدين تروح لوحده من الجزر المالديف او ميروسيوش
والسبب ان الجزر بالعاده تكون للاسترخاء والتمتع بجمال الطبيعه عشان كذا اقولك خلها اخر شي
وروح ماليزيا اول بس لاتروح للنكاوي لان اللي بتشوفه في لنكاوي نفس اللي بتشوفه في الجزر وغير كذا انها هاديه وبالليل الديره كلها تنام
لذلك انصحك تروح بيننج ثلاث ايام وكوالا لمبور ثلاث ايام ومنتجع صنواي يومين وخذلك فله في المنتجع لان فيها مسبح خاص
وترى المنتجع مايبعد الا نصف ساعه بالسياره عن كوالا
وبعدها رح للجزر اللي تحب إما المالديف او ميروسيوش لمدة اربع ايام
بس عندي ملاحظه
بما أنك تبغا التكلفه ماتتعدى 25 الف قلل الايام اللي تقعد فيها في الجزر لانها مثل ماقلتلك هي للسترخا وراح تمل في اليوم الراح صدقني وغير كذا انها غاليه
واذا بتكنسل الجزر روح للنكاوي وراح تشوف اللي راح تشوفه في الجزر بس مو بالظبط
وراح توفر تذاكر الطيران الدولي من ماليزيا للمالديف او ميروسيوش
هذا حسب رأيي وانت لك القرار

على فكره ترى كوالا لمبو بلد الاسواق والمطاعم والسهر في المقاهي العربيه يعني ماراح تمل
ومنتجع صنواي لاقون فيه الملاهي والمطاعم بعد وفله وبالذات اذا كنت حاجز فله موغرفه بالفندق
واي سؤال انا حاضر باللي اعرفه

الله يعطيك العافية ماقصرت

انا سبق وزرت ماليزيا وموريشيوس في رحلتين منفصلتين لانه من الصعب الربط بينهم !! بعاد جدا عن بعض
ممكن تربط بين ماليزيا والمالديف او سنغافورة والمالديف
ماليزيا رائعه واحلا شيء فيها كوالالمبور وجزيرة لنكاوي الساحرة...
من وجهة نظري وبما ان ايام عطلتكم 13 فانا انصحك بموريشيوس لانها رائعه جدا وطبيعتها خلابها ومنتجعاتها روعه
وتقدر تربط بين موريشيوس ودبي = احلا شهر عسل
8ايام بموريشيوس (وترا منتجعاتها الزينه غاليه)+5 ايام بدبي
او 5 ايام بالمالديف +8 ايام ماليزيا (كوالالمبور_ جينتنج_ لنكاوي)
اما الميزانيه فاعتقد انها بتكفي اذا نوعت بين الفنادق 5 و4 نجوم مش كلها 5 نجوم ما راح تكفي بالذات موريشيوس غاليه بس بجد تستاهل وكل شيء فيها...

اذا سرت ماليزيا لا تسير المالديف او موريشيوس
لانه ماليزيا فيها جزر و تقدر تسترخي فيها وتعيش حياتك .. الجزر كلها لها نفس الطابع والخصوصية فمب حلو تكرر الشي لانه بتحس عمرك ما سويت شي وتندم ..
انا انصحك :
1- تسير ماليزيا بس
2- تسير موريشيوس فقط
3- تقدر تسير ماليزيا وانت راجع تروح المالديف ل 3 ليالي فقط تكفيها

كلام الاخ السراب عين العقل اذا رحت ماليزيا انسى المالديف
وثاني شئ الطلبات اللي طالبها الميزانية ماتكفيها بالنسبة للمالديف خصوصا مسبح خاص وفندق 8 نجوم و13 ليلة
حدد خيارات اقل او ارفع الميزانية
بالتوفيق

ماليزيا + سنغافورة
او تجمع بين المالديف ودبي او الهند او سيرلانكا

هلا أخوي مهند................الله يوفقك ان شاء الله
شهر عسلك أن شاء الله في اوغست وأنت تبي تروح لمناطق حارة ورطوبتها عالية جزر وماليزيا !!!! بدون مبالغة جزر المحيط الهندي مثل المالديف وموريشيوس وسيشل في شهر أوغست عبارة عن حمام سونا مفتوح وماليزيا بعد نفس الشيء اللهم الا منظقتين جنتنج وكاميرون هاي لاند والباقي حار ورطب ومكتوم ....
فأذا انت راح تستمتع بهالأجواء وتقضي معظم يومك بالفندق او المجمعات التجارية المكيفة ممكن تروح لهالمناطق بس شوري عليك ان تروح يا النمسا (( فينا , وزيلامسي , وسالزبورج )) أو سويسرا (( جنيف , وانتر لاكن , وديفون))
مجرد رأي شخصي
لك ارق سلامي