والله ياغاليه انا اللي اعرفه انه السفاره الالمانيه لازم نص المده فيها والوصول يكون على احد مدن المانيا
العام الماضي كانت كذا شروطهم

تيب شوفي هذا الكلام من موقع السفاره الألمانيه
نظام التأشيرات
حصلت على تأشيرتي من سفارة دولة أخرى عضو في مجموعة الشينغن، هل أستطيع السفر بها إلى ألمانيا؟
نعم، من يحصل على تأشيرة شينغن (مكتوب على لاصق التأشيرة "صالحة لدول الشينغن") بلغة البلد التي تم إصدار التأشيرة من سفارتها، أو الحاصلين على سمة إقامة أو بطاقة وطنية (فئة د) لأي دولة عضوة في الشينغن، يستطيع زيارة جميع منطقة الشينغن ومن ضمنها ألمانيا لمدة 3 أشهر في كل نصف سنة، طالما حدث ذلك في إطار مدة الإستخدام المسموحة.
إلا أنه يجب أن تصدر التأشيرة من سفارة البلد التي تعتبر وجهة السفر الرئيسية للزائر، ولا يعتبر بلد الوصول وبلد المغادرة مهماً في هذه الحالة.
مع الأخذ بالحسبان أن منطقة الشينغن تضم الدول التالية فقط:
ألمانيا، النمسا، بلجيكا، التشيك، الدنمارك، أستونيا، فنلندا، فرنسا، اليونان، المجر، أيسلندا، ايطاليا، لاتفيا، لتوانيا ، لكسمبورج، مالطا، هولندا، النرويج، بولندا، البرتغال، سلوفاكيا، سلوفينيا، أسبانيا، السويد، سويسرا.

انا عارفه انه هذا اللي مكتبو بالموقع بس احنا السفاره لما كلمناهم قالوا لنا هالشي
ولما وصلنا ميونخ طلبوا اوراق السكن مننا
والعام سمعت انه في ناس رجعوها وفي ناس كثير اضطروا يغيرون حجوزاتهم بالاخير
انتوا ادرسوا الموضوع وشوفوا وش الافضل لكم وترى ما في احد يقدر يعطيك القرار 100% من الاعضاء
كلموا السفاره وشوفوا وش يقولون لكم

مشكوره دموع الله يسعدك بس كف رجعوهم ووين راحوا !!!!! خوفتيني ههه
كلمت مكتب قبل شوي وقال عادي طلعيها من النمسا او من اي دوله من دول الشنغن والله داخ راسي وزوجي موكلني لهالمهمه الله يهديه بديت احس بتعب الرجال ههه
وشكلي بمشي على شورك واكلم السفاره بكره الصبح بإذن المولى

كلمي السفاره احسن شي عشان تطمنين

ام يوبا انا مريت بنفس مشكلتك وراسلت السفاره الالمانيه وعرضت عليهم المشكله وهيا انه الشنقن فرنسية ووجهتي المانيا قالوا ممكن تنزل بأي بلد من ضمن دول الشنقن بس اهم شي تكون اطول مدة اقامتك خلال الرحله في فرنسا وسويت حجز وهمي بفنادق في فرنسا وانتي ممكن تطلعيها من الفرنسيه اذا اسهل لكم وتسوي حجز وهمي بفنادق في فرنسا عن طريق المكتب نفسه

عماد مكة
اهلين اخوي عماد
يعني اقدر اطلعها من اي سفاره ؟؟؟
لكن انت متى رحت العام الماضي ؟؟ وشو المكتب اللي حجز لك لان مكتب الص ... يقولون لما يشوفوا حجز من مكتبنا يرفضوه
والسفاره ماردت علي ابد

إختي المكتوب في موقع السفارة , السفارة تتحمل مسؤوليته (( المسألة قانون ))
في الصفحة الأولى لموقع السفارة كاتبين
ملاحظة: تتحمل السفارة الألمانية في الرياض مسؤولية ما يعرض على موقع السفارة الإلكتروني فقط.
اطبعي الكلام باللغة الإنجليزية من موقع السفارة وروحي وإذا كلمك أحد عطيه المكتوب وصدقيني لا يملك لك شيئا