السلام عليكم ورحمة الله وبركاته
ان شاء الله بسافر ع سويسرا بعد رمضان ع العيد لمدة 9 ايام وجدولي كتالي
السفر من الامارات الى جنيف - لانه الطيران اللي حجزت عليه ما عندهم طيارن مباشر لمطار اخر داخل سويسرا
- مع حجز التذاكر حصلت ع خصم فحجزت فندق Swissôtel Métropole Geneva
الي يقع خلف الحديقة الانجليزية ومطل ع البحيرة لمدة يومين
فجدولي مربوط بتواجدي بجنيف ب 3 ايام اول يوم وصول وثاني يوم واليوم الاخير لانه طيارة العوده صباحا ع 11
فمحتاج مساعده لاني صراحة حاولت ارتب ومخي ضرب صراحة البلد كلها تجنن وفي اكثر من شي شفته متواجد بأكثر من منطقة مثل التلفريك و انك تطلع جبل وثلج وكذا
انا صراحة ودي جدولي يكون فيه 3 اشياء اساسية
- اخذ نقاهه واروق
- ازور اماكن طبيعيه "كلها طبيعه سويسرا"
- اروح مكان برد خ
نفس ما قلت لكم مسبقا ودي اروح اكثر من مكان الاماكن اللي شفتها حلوه وودي اروحها خلال الايام الباقيه غير جنيف
انترلاكن : الكل يمدحها ولازم أجر سيارة حسب ما شفت من كل المواضيع
زيرمات:جلسه وبرد كذا حسيتها
فمحتاج نصايح شو الاماكن الافضل للزيارة؟
هل في مناطق معينه اخرى لازم اشوفها؟
اماكن ما افوتها اذا ان شاء الله سافرة
كيف اتنقل من والى جنيف هل في مسار محدد بشوف فيه جمال سويسرا
وجميع الاماكن التي ترغبها ويتكلم عنها الناس كما ذكرت من قمم وشلالات يصل اليها القطار