أجهلك
والله دبي حلوه زين مااخترت وأنصحك بفندق اتلانتس عالبحر خرافي--وفندق ميترو بليتان بالاس 5نجوم رائع
الاماكن المشهوره عندك برج دبي الجديد بالقرب منه مقاهي تاخذ العقل عالبحر وفيه سوق البحار تطلع له بجسر -وعندك السفينه عليها عشاء ودوره لمدة ساعتين اعتقد النفر ب150 -وعندك حديقة زعبيل اكبر حديقه بالشرق الاوسط بس اللي يساعدك الجو لازم يكون معتدل_وعندك مدينة وندرلاند مدينة ملاهي حلوه وفيها تلفريك - وعندك برج العرب معروف طبعا الدخول 150 للشخص وتشمل على المشروب ايضا بس لايفوتك البرج والله محترم-وفيه الولك استريت يعني شارع يقولون مثل الشانزليزيه مارحت له بس يمدحون فيه يقولون قهاوي ومطاعم على مستوى- المدينه الصينيه تختص بالبضايع الصينيه وأسعارها رخيصه -والاسواق ماشاء الله عد واغلط بصراحه اسواقهم خيال سوق دبي مول رايق هذا السوق مسويين فيه مثل قاع المحيط كله أسماك وتقدر تاخذ تكت وتركب قارب وتدخل الجسر اندر ذا ووتر - وسوق فيسيتيفال-ابن بطوطه -الامارات مول وغيرها كثير -ولاتنسى القريه العالميه فضيعه قريات من جميع الدول وكل قريه تبيع اللي يخصها -بالنسبه التنقل أنصحك بتكسي تقوله المكان الفلاني أرخص لك وأريحلك والمطاعم أشوف الاسواق عندهم مطاعمها راقيه مره تقدر تختار اللي تبي - وهذا اللي يحضرني أتمنى اكون افدتك

اخوي اجهلك
الفنادق الفخمه في الامارات كثير وتتفاوت اسعارها
كم ميزانيتك للسكن باليوم الواحد ؟؟ عشان اعرف ايش ارشح لك
بقية الاشياء من مطاعم وتسوق واماكن للتمشيه راح اوضحها لك لا حقا"

الواثق بالله
الله يجزاك بالخير على الاشياء اللي ذكرتها وألف ألف شكر طال عمرك
الفارس
من ناحية الفتره من 10 ايام الى 15 يوم
الفنادق خمس نجوم او اربع نجوم بس تكون راقية ماره
الاسعار مافية اي مشكلة لانك بشهر عسل
بس مو مثل برج العرب غلا غلا فاحش

تقرير اتمنى تستفيد منه

ياطويل العمر انا كنت بدبي وقضيت فيها احلى شهر عسل بتكلم اول عن السيارة نصيحة مني لك استاجر سيارة ارخصلك كثير من التكاسي والله المشوار الواحد فوق ال55 درهم اذا ماوصل ميه
انا استاجرت سيارة من الشارقه مكاتب بالهبل والتاكسي يوديك من دبي ب70 او 80 لانها قريبه وخذلك السيارة اللي تعجبك انا خذيت جيب اف جي 2009 ب300 درهم باليوم والكيلو مفتوح وماتضيع من اول يوم تحفظ الطريق واللوحات ماليه الشوارع واما بالنسبة للاماكن الحلوة زي ماقالوا الاخوان وعندك بعد برج خليفة ومدينة جميرا وفيها فنادق خيال اليوم ب1400 درهم وعندك فندق اتلانتس عجيب وفيه عرش الدلافين وفيه مطعم تحت من الاخير لبناني ويتخلله بعض العروض الشاميه وغناء عشان تعرف ما تتفاجأ وغيرها كثير وعندك السينما بكل سوق وبعدين اكملك

الله يجزاكم بالخير
طيب حلو الحين نوعآ ما عرف بعض الاماكن والفنادق
طيب سؤال اخير ان شاء الله
ايهم افضل من ناحية الحجر المكاتب السياحية مثل المؤيد او الصرح او الطيار
علما ان شخص قالي عن طريق البوكنق وهالموقع هل هو مضمون مناحية الحجوزات ولا فيه افضل منه واحسن اسعار

1. السلام عليكم

السلام عليكم

اججز عن طريق المكاتب او عرب لنك وبالنسبه لتنقل خذلك سيارة اوفر لان هنا الاتكاسي غاليه ومن الصعب الحصول عليها لازم سيرء ويمكن تقعد ساعه ولا تحصله اي وقت لازم تطلبه من الشركه ويمكن يجي ويمكن ما يجيك
بالنسبه للفنادق اذا ميزانيتك زينه اسكن بالمارينا او شارع زايد افضل من النخله (اتلانتس) بحكم التنقل وعند الفنادق العنوان اوالقصر عند مول دبي مطل على النافوره بالمارينا او على الجميرا ويستن . فندق الكمبنسكي بمول الامارات وفندق الانتر او كراون بلازا بالفيستيفال.
بالنسبة لاسواق مول دبي فيه النافورة والاكواريم وتزلج ومطاعم على كيفك عربي ,غربي ,سريعه وعن تجريه مطعم فرايديز واجلس برا لان المنظر حلو على النافورن وسوق البحار وفيه بعد مطعم شكله غابه فيه حيوانات وشجر واصوات كانك في غابه ويطل على الاكواريم افضل سوق ,
وامارات مول سكاي دبي لا يفوتك مره حلو الدخول تقريبا 120 او85, وابن بطوطه عن حياة الرحاله ابن بطوطه وفيستيفال رايق فيه مطاعم على البحر وفيه ممشى واركب القارب الي فيه مجاني مره حلو زعندك بعد ستي سنترمردف مفتوح جديد .واذا تبي السوق الصيني (التنين)كله منجات صينيه واسعاره زينه بس كاسرهم
المطاعم اغلبها بالاسواق والمقاهي مافيه برى شي الغالب والافضل بالاسواق
الحدايق عندك زعبيل بي اهم شي الجو يكون زين واركب القطار لان الحديقة على شارعين وحديقة الخور حلوه على بحر وفيها تلفريك
الممشي الي هو الورك مارينا رايق فيه مطاعم ومقاهي وعند سوق التراث العربي في القصر.
واي تساؤلات انا بالخدمة

حلو الله يعطيكم العافيه
الي الحين خلاص ابي احجز الكمبنسكي هذا فيه 5 او 6 ايام
والثاني الي الحين ودي ان يكون مطل على البحر ياليت الافاده الله لا يهينكم

هلا اخوي حياك
شوف من الفنادق اللى علي البحر ريال ميراج ون اند اونلي - او القصر او ميناء سلام في مدينة جميره او جميرة بيتش
هذي كلها علي البحر ورايقه مره
افضل انك تاخذ في القصر المدينه في برج دبي افضل بكثير من كمبنسكي