f9b9i9
ا هلا وسهلا اخى الكريم وان شاء الله ماتشوف شر
بالنسبه لقراند برزدنت شركه كبيره فى تايلند وهى
تقريبا تعتمد على نظام الشقق الفندقيه وهو فندق
ممتاز وقريب نوعا ما من للمستشفى توكل على الله
والايام الباقيه عندك الاسواق كثيره مجمعات سيام براقون
والام بى كى ومجمع زن والسنترال والدسكفرى وروبنسون
والاسواق الشعبيه منطقه الباتونام والسوق الليلى الباتبونق
وسيلوم او انك تروح بتايا يومين وترجع ريراكس بحر وتمشى
تغيير عن العاصمه والزحمه وسلامتك وتعيش تحياتى

تاي 99
شكرا جزيلا على البرنامج
بس انا اروح اول مره

ثامنا وعليكم السلام ورحمة الله وبركاته
تاسعا ما تشوف شر ان شاء الله
عاشرا الفنادق في بانكوك اكثر من بيوت التايلنديين
حادي عشر ...
على العموم من تجربتي الشخصيه في فندق يصلح لك اسمه ميكي بالاس
موقعه على مدخل الشارع المأدي للمستشفى الامريكي يعني على بعد خطوات منه بس
وسعره 1680 بات غرفه بسريرين وغرفه كبيره صراحه فيها طاولة اكل ومحضر قهوه وشاي
بالاضافه لكنفه وبلكونه صغيره ولكنه مو فخم يعني اقيمه +جيد
على العموم يميزه قربه من المستشفى وهدوءه عادة الشباب ما يسكنون فيه + النظافه وحجم الغرف
بالنسبه للتسوق فبانكوك اشبهها بمجمع تجاري ضخم
واخوي تاي ماقصر ذكرلك اشهرهم
وبمناسبة اول مره
شكلها ما راح تكون الاخيره ;)

q8 airbus
ثاني عشر لك كل الشكر على النصيحه
بخصوص انها ما راج تكون اخر مره لا بالعكس صدقني انا كاره اروح بالذات هالبلاد و صدقني لو لا اصرار زوجتي
ما كنت رحت من اساسه لانه و لله الحمد و المنه عندا كل شي موجود بس لانه اخو زوجتي راح نفس المستشفى
و تعالج و الحمدلله طاب و صار احسن و على فكره سكن في فندق اظن اسمه زنث و نصحني فيه بس قال لك عليه اشوي
من ناحية اخوانا العرب و حشرة اليهال
بس لا اكثر و لا اقل
بس ما عطيتني راي بخصوص الفندق اللي تنصحني فيه ابغاه يكون ممتاز من كل النواحي خاصه النظافة ترا انا وسواسي
لدرجه ما تتوقعها ( مو كثير وسواسي بس عندي هوس اسمه نظافه و ما على الجميع زود )
و تسلم يا الغالي على النصايح

ثالث عشر ... يسلمك من الشر اخوي ;)
وبالنسبه للنظافه بفندق MIKE بصراحه اقيمها بجيد جدا ولا تصل للامتياز حتى اكون واقعي معاك
اما بالنسبه للفندق اللي نصحك فيه نسيبك فهو جيد ايضا وفخم نوعا ما وعلى بعد خطوات ايضا من المستشفى
على العموم كلهم بنفس الشارع وايضا العديد من الفنادق الردئيه والمتوسطه والجيده والممتازه والشقق ايضا
شخصيا لا اعتبر السكن مشكله في تلك المنطقه ولم احجز مسبقا للسكن هناك لسهولة ايجاد غرف شاغره بالنهايه بإمكانك حجز ليله للراحه بفندق زينث او ميكي او جريس او اي فندق حول المستشفى واخذ جوله على الفنادق المحيطه واختيار الانسب لك فالموضوع بغاية البساطه والاسعار معقوله جدا
وهذي اخي بعض الصور لغرفة الفندق ميكي سكنت فيه بشهر نوفمبر اللي فات ليله واحد وعاده ما استخدمه محطه للراحه كوني قد شطبت بانكوك من قائمة المدن السياحيه واكتفيت بجعلها نقطة ترانزيت للانطلاق لمدن تايلند الرائعه

وعذرا على الفوضى تدري عزوبيه
وهذي صوره للرسبشن

وبالتوفيق اخوي

ماتشوف شر اخي الكريم
تروح وترجع بالسلامه
حقيقه الشباب ماقصروا مابقوا شي لنا نقوله
شف هالفندق جديد وسبق وتكلموا عليه هنا وموقعه ممتاز بس يبعد يمكن عن المستشفى من 2 الى 3 كيلو متر

رابع عشر
q8 airbus
شكرا جزيلا لك على كل شي و لا عدمناك يا الطيب
kohchang
شكرا يا الغالي على مرورك العطر
و شكرا على الفندق
تحياتي