1. اهمسلك بتجربة خسرتني 1000 دولار بسبب حجزي الغير مسترجع

انا اقولك شهر مايو حلو الظاهر مافيه عطله عندنا بالخليج والجو هناك بيكون حليو اخر الثلج في الشمال التركي والحجز مسبقا افضل لكن اهم شي ان حجز يكون مسترجع فاهم مسترجع يعني بتخسر شي بسيط في حال تراجعك لاي ظرف وبالنسبة لحجزك الداخلي للطيران التركي لو حابب تسافر على اي خطوط تركية خله قبل السفر بشهر او سبوعين لان الغاء حجوزات السفر الداخلي بتكون متعبه مره وخصوصا انك من الانترنت وحط في بالك لو حاجز على الخطوط التركية لحجز داخلي من الانترنت واحببت ان تلغيه لو تروح لاي مكتب لهم في مدينتك ماراح يلغونه يعطونك رقم في تركيا ويقلون لك كلمهم اصلا من الاشياء الي تظحك وانا في طربزون كانت اقامتي فيها 4 ايا واحببت ان امدد فيها الاقامه ومدتت ورحت اغير حجزي في احد مكاتب الخطوط التركية قالو لي رح للمطار لمكتبنا في المطار هو المصدر الوحيد الي مخول انه يغير لك حجزك فا انتبه لهالشي والشي الاهم لو كان عندك حجز داخلي على اي مدينة تركية من اسطنبول واردت الحجز لها لاتحجز عن طريق مكاتب السفر في السعودية لان حجز المكاتب غالي جدا يكلف الواحد حدود 2000 ريال او 2500 بينما ممكن تلاقيها من على موقع النت وموقعهم الخاص بارخص وممكن تطلع عليك ب500 ريال وهذا مع التركية وانا مجربها جدا ممتازه ومتساهله بالوزن اثناء الطيران الداخلي بس الخارجي مدري شلون طريقتهم للوزن
يعني زبدة الهرجه
1- لو حاب تحجز احجز من الان اهم شي مسترجع طيران فندق
2- حجز الطيران الداخلي يكون من النت وقبل السفره باسوعين او شهر واحتى حجزك الخارجي خله من النت احسن لك وارخصلك
3-حجز الاقامة في يوم وصولك خله يومين يمكن مايعجبك وتغير
4- اقراء واطلع على تجارب الاخوان وسجل ودون
5- اهم شي حجوزاتك للفنادق والمطار ان تتم وفق اسامي الجواز بالحروف واخذلك فلوس قبل السفر بسبوع يعني اصرفلك 3000 ليرة قبل السفرة باسبوع هذا اهم النقاط واتمنى اني قد افدتك

اهمسلك بتجربة خسرتني 1000 دولار بسبب حجزي الغير مسترجع

شركتي عطوني كورس في اسطنبول وعملة حجوزاتي لغرفتين ودفعة قيمة الغرفتين مبلغ جامد لكن الشركة لظروف ما الغو الكورس والحجز تم عن طريقي انا شخصيا للاسف بالتي هي وهي لين تم الاتفاق ان ياخذون 25% من قيمة الحجز لانه غير مسترجع فانصحك لو مسافر عن طريق شركة ان تتئدك انهم نزلو لك المبلغ في حسابك وفي حال لم ينزلونه انتبه ممكن يلغونه وكوني في شركة سابك هذي المشكلة واجهتني مرتين للاسف هناك قرارت تتعب الموظف بسبب عدم تفهم الادرات لحجوزات الصيف وصارت مع اخ لي حاجز على اوربا وانصدم ولم يعوضونا وخسرنا مبالغ كبيره فا انتبه حفظك الله من ها الناحيه ودعئك لي

سلطان الفكر
راجع بعض تقارير الاخوة بالبوابة لإختيار افضل الاماكن لزيارتها
ضع ايام كافية لإسطنبول لانها تستحق
تحياتى

عاشق الخضار ..
عوضك الله ..
والله يبعدنا عن مثل كذا موقف مدهور ..
عافاك الله واشكرك جزيل الشكر على التنبيه ..
وضعناه في الاعتبار ..
،،
sheriok ..
أشكرك أخيتي الشكر الجزيل وجزيتي خيراً ..
وفقتي ..