السلام عليكم ...
حياك الله عمي تأبط سهماً ووش قصة سيدي الله يسلمك
دائماً اسمع كلمة سيدي في الاخبار عندنا واقول في نفسي والله ماعندهم
سالفة ...كان اولى بها رسول الله وما حبها ...هم اللي ماعندهم سالفة
لكن انت يااخوي عم الرجال وابوهم لانك قايلها مزح وهم ضعف
ابشر يا اخوي ...غالي والطلب بسيط لكن ماهوبرخيص
نقول بسم الله :
يعني عندك 12 ليلة من الليالي الملاح ...ياليته ...
الخيول الذهبية 2
لانكاوي2 هوليدي فيلا
بينانغ3بي فيو
كوالا5 دورسيت ريجنسي ...منها يوم لجنتنغ .
لضيق الوقت صارت لانكاوي 2 وبينانغ 3 ..تقدر تلغي الخيول
وتعطي لانكاوي ليلة زود وبينانغ ليلة ...لكن حبيت انك تجرب الخيول
الاسعار شوف وش رايك فيها .
الخيول :290-320 ريال
هوليدي فيلا :300 وشوية
بي فيو :270 ريال
دورسيت :200 ريال وهي تراها 4 نجوم وعلى شارعنا وممتازة .
خبرني وش رايك اخوي وبما انك من احباب تأبط شراً اهديك
ابيات نتغنى بها انا وانت
هركولة فنق درم مرافقها ...كأن اخمصها بالشوك منتعل
اذا تقوم يضوع المسك اصورةً ...والزنبق الورد من اردانها شمل
نازعتهم قضب الريحان متكئاً...وقهوة مزة راووقها خضل
قالت هريرة لماجئت زائرها ...ويلي عليك وويلي منك يارجل
وقالها الاعشى سلامتكم
موفق اخوي بأذن الله تعالى ورحلة سعيدة لارض الملايو اللي جابوا
لي الجنان وترجعون لنا بالسلامة والسلام عليكم

الله يسلمك يا سيدي
الم يقل ( قوموا الي سيدكم )
الم يقل ( لا تقولوا للمنافق يا سيد فانكم ان قلتم ذلك فقد اغضبتم ربكم ) وانت منزه عن النفاق ان شاء الله ولا نعلم الا الخير
وانت سيد الدار ولا مراء ولا شك ولا ريبة ......
سبحان الله لقد زدت في نظري بتواضعك
كم سؤال بس يا سيد الدار
هل هذا الترتيب الافتراضي لمسالة الموقع ؟
يعني كوالا - لنكاوي - بيننغ - كوالا
ابي رايك بتعديلي
الخيول الذهبية ليلة
لانكاوي ثلاث ليال هوليدي فيلا
بينانغ ثلاث ليال فيو
كوالا خمس ليال دورسيت ريجنسي ...منها يوم لجنتنغ .
وش اقرب الفنادق خمس النجوم سعرا مع جوده في كوالا بعد العودة من بيننغ بدلا من دورسيت
ولك حبي وتقديري

السلام عليكم ...
الله يسلمك يا اخوي والله يرفع قدرك دنيا واخرة ...
شف يا عمي ...تعديلك صراحة عجبني ...وحتى ترتيبك للمناطق .
ممكن حبايب حيقولوا كيف تساوي عدد ايام لنكاوي الصغنونة ببينانغ
الكبيرة ...كيف راح يكون ردك اخوي ترد برنامجي وانا على كيفي
تراها دعابة ...لنكاوي هادئة بعكس بينانغ حركية ...انا احب لنكاوي اكثر
وناسهم احسن من بينانغ لانه بينانغ 60% صينيين ولنكاوي القدحية 80%
ملايو .
فنادق افضل من دورسيت وسعره قريب ...طيب لو دليتك على فندق بعيد
شوي عن شارع العرب وتحتاج فيها لتاكسي وش رايك ...
عندك بان باسفيك 220-240 ريال ...روعة و5 نجوم ...الفرق كبير بينه
وبين دورسيت لكن دورسيت موقعه اقرب من شارعنا المزعوم وبالتاكسي
ياخذ 5 دقائق للبرجين او شارع العرب .
وعندك نيورلد ...ممتاز ايضاً وسعره حول 220 ريال ..لكن ماهو بقرب
دورسيت .
موفق اخوي تأبط سهماً ...ورحلة سعيدة وترجعون لنا بالسلامة والسلام عليكم

اقول الله يبارك لك في اهلك ومالك ونفسك
اقول يالشعيبي تم
كوالا بعد العوده في بان باسيفيك والنومه الزينه والمكان الزين اولى من شارع العرب اللي انا منحاشين منهم هنا يلحقونا هناك
وقهر لكل العرب مانيب متكلم عربي ولا اكل الا اكل الصينين والهنود واي جنسية مالم تكن عربية والمكان اللي فيه عرب ابخليه لهم