abozeyad2007
الله يكون في عونك. انت بتوصل الساعة 11:35 لمطار جينيف و على بال ما تخلص الجوازات و استلام الشنط اعتقد يبيلها على الاقل 10 دقايق.
بعد الساعة 11:30 اعتقد صعب تحصل قطار. الرحلات الي بعد كذا تستغرق 5 ساعات و بعضها اكثر و هذا على حسب الموقع و الله اعلم.

مايحتاج حجز كل ما في الامر انك تروح
وتعرف الوقت للرحله وتشتري تذكره وتركب
واذا كان معك سويس باس ترتاح من هم
شراء التذاكر الموضوع بسيط لا تقلق

عذراً اخوي انا ما انتبهت لوقت وصولك الا بعد كتابة الرد
تأكد هل فيه رحلات للقطار في هذا الوقت او ما فيه
ورحلة انترلكن من جنيف تحتاج الى تبديل للقطار في بيرن
وليس هناك مطار في انترلكن
تحياتي وتمنياتي لكم برحله سعيده

انا شيكت لك اقرب رحلة الساعه 4:56 فجرا وتبدل مره واحده في بيرين الوصول الساعه 7:51 وفيه رحلات قبلها بس تبديلات كثيره وتوصل انترلاكن قريب من وقت الرحله اللي ذكرتها لك يعني ما تستفيد الله يعينك بالانتظار

البكور ، daayem1
شاكر لكم على التوضيح
الحقيقه مفكر اني استأجر سياره من بيرن واطلع فيها على انترلكن وفعلاً حصلت الرحله الي راح تكون الساعه 4:56
وحاب اعرف هل احجز عن طريق النت على الرحله ولا ما يحتاج حجز لاني ما احب اتأخر اكثر لان الحقيقه مشكلتي اني راح اجي من مانشستر على زيورخ على جنيف يعني وقتي اغلبه في التنقلات
والاستفسار الثاني هل اشتري سويس باس افضل او لا لاني ما راح استفيد من القطار الا من جنيف الى بيرن وراجع اليوم الثاني

اخوي الرحله اللي كلمتك عنها تطلع من جنيف الى انترلاكن بس التبديل في بيرين ودامك راح تنزل بزيورخ واكيد راح يكون قبل الساعه 11 ليلا ليش ما تنطلق منها الى انترلاكن ومن انترلاكن بالقطار اقل من ساعتين ومتوفر رحلات كثيره اخرها ينطلق الساعه 12 منتصف الليل يعني عندك وقت بس اهم شيء الفندق اللي بتروح له بانتر لاكن عندهم تشك ان ولا مثل بعض الفنادق نايمين ؟؟؟ وبعد كذا تنطلق الى جنيف واذا انت ترغب السياره افضل خصوصا اذا كانت رحلاتك بالنهار وبالنسبه للسويس باس فيه لمدة 4 ايام وبسعر 221 فرنك للشخص الواحد اذا كنتم شخصين فاكثر اما اذا كنت شخص واحد 260 فرنك درجه ثانيه واذا ما راح تستاجر سياره خذه دام اقامتك 3 ايام كل تنقلات ببلاش تحياتي

الرحلات كثيره في اليوم وكل العليك ان تركب القطار وتتنطلق الطريق في غاية الروعه
اما اذا ناوي على السياره الحجز من النت من الان افضل وارخص

اشكرك على تواصلك واهتمامك
المشكله اني قصيت التذكره وانتهيت وهي غير مسترده يعني ما اقدر اعدل فيها
ولا اقدر انزل في زيورخ لان الرحله متواصله (الا اذا كان لي مجال اقولهم بطلت ما ابي اكمل) لانه على كلامك انه بامكاني اطلع من زيورخ بالقطار ساعتين راح يكون انسب لي من اني اروح ع جنيف الوصول لزيورخ 21:45
وابي استأجر سياره لانه ع كلام الاخوان ان التمشي في انترلكن بالسياره انسب وافضل
واقامه لو تحسبها اقل من يومين هيا زيارة الاهل في انترلكن وراجع لاني ملزم اكون في مانشستر يوم الاحد (عندي دراسه يوم الاثنين وما اقدر اغيب)
شخص واحد فقط ولا اعرف اسعار القطارات تتوقع افضل اخذ سويس باس او اخليها
شاكر لك تواصلك

غريبة من مانشستر الى زيورخ ثم جنيف
وتبي ترجع انترلاكن
ليه
انترلاكن قريبة من زيورخ ليه جنيف
والقطارات مافي بعد 12 بالليل
اتمنى توضيح خط سير الرحلة من مانشستير
واذا تبي تستاجر سيارة الزامي انك تحجها قبل ماتوصل
وللمعلومية في مطار جنيف لو رحت لمكتب هيرتز مثلا وطلبت سيارة وعنده سيارات راح يطلب منك تروح لغرفة النت تحجز او تتصل تحجز وترجع له هذا الشيء حصل مع احد الاخوان اللي كان مصمم انه ما يحجز ومتعود على مكاتب السيارات عندنا
رحلة سعيدة اخوي وموفقة