1. والدخول الفترة الثانية من 3 الى 6 ب130 درهم

وعليكم السلام ورحمة الله وبركاتة
اولا زين اللي لحقنا عليك قبل لاتمشي
الشي الثاني امر تدلل عند خبير دبي اللي هو انا معليش قاعد امدح نفسي:8888:
اولا اخوي
اتمنى انك اخذت فندق تمام اهم شي يكون بعيد عن منطقة وسط دبي اللي بالديرة لانها مرة زحمة ونص الرحلة تقضيه بالسيارة:36_7_14:
اولا الحدائق:icon_flow
افضل حديقة الممزر وخصوصا الجلسة فيها من بداية العصر الى العشاء شي مسكت وخصوصا انها مطلة على البحر وقبل لاتروح لها خذ معك الشاي والقوة ولاتنسى القراميش بطاطس وبسكوت ونحوها:36_11_15:
اوفيه حديقة الخور :icon_flow
حلوه لاكن بالنسبة لي الممزر افضل
الشي الثاني
الاسواق
سوق مول الامارت وهو في القمة
يبيلك وقت طويل فيه لان فيه حديقة الثلج:36_1_26: حلوة وممتعه والدخول فيها ب50 درهم للشخص ولاتنسى القفازات بتلقاها بمحل موجود عندهم ب10 دراهم
واجلس فيها زي ماتحب الوقت مفتوح
وبعدين تمش بالسوق لحد ماتتكسر رجليك:36_1_22: وادخل السينما
وبعدها كمل التمشية واجلس باحد الكوفي شوب المتناثره بالسوق حلوة المتناثرة هذي
المهم بعدها فيه مطاعم بالسوق اذا حاب تاكل فيها وكثيره:36_1_51:
بعدها عندك سوق ابن بطوطة حلو وممتاز ونفس الشي مليان كوفي شوب تمش واذا تعبت اجلس فيه
بعدها عندك مرسى دبي الجلسة بوسطة عند النافورة والكوفي شوب وقت العصر والمغرب مجنونه وخصوصا النافورة:gathering
بعدها عند الوالد وادي او ماسمونها البعض المدينة المائية
موجودة بجانب برج العرب
لاتفوتك صح انها براد شوي:36_1_31: هذي الايام بس تعال لها بدري اهي تفتح من 11 الى 6 والدخول ب150 درهم:36_1_36:

والدخول الفترة الثانية من 3 الى 6 ب130 درهم

وانا انصحك انك تجي بدري علشان تفتك من زحمة اللي يدخلون في الفترة الثانيه وخصوصا انك لما تدخل في الفترة الاولى تلقى جميع الالعاب فاضية:36_1_33: ولاتنسى تاخذ الصور لان في كل مكان بتلقى واحد يصور بسم الله مثل الجن تصدق مرة لقيتة بالموية يصور:36_6_3:
بعد ماتطلع من الوالد وادي عندك مدينة جميرا بجنبها تمش فيها وفي السوق حقها راح يذكرك بسوق الزل اللي بالرياض:baaa2:
ههه
وفيها جلسات على البحيرة حقتها وكوفي شوب وحركات حلوه:gathering
بعدها احب اخليك تروح تاخذلك نظرة على الفندق حقها اللي راح تفتح عيونك فيه وخصوصا الخيول اللي عند البوابة:36_1_11:
شي اخر عند سوق ماركيتوا اظنه ينطق كذا
هذا موجود على طريق جميرا
ابصراحة سوق بديع جدا صحيح انه ماهو بحجم الستي سنتر او مول الامارات لاكن تصميمة حلو
وانصحك تدخل السينما حقتة الكراسي حقتها كبيرة ووسيعه وحلوة وفاضي احيانا مايكون فيه الا انت لحالك تتسدح فيه
وانصحك تروح للقرية العالمية وهذي يبيلها يوم كامل من العصر لليل بس كثر فلوسك:36_1_36: وانت رايح لها لانك راح تلقا اشياء كثيرة فيها للشراء والعاب (ملاهي) مسكتة :36_7_8:
وانصحك تروح لفندق جراند حياة
بس مو للسكن للجلسة اللي بالبهو حق الفندق راح تشوف حديقة ابداخله شي ثاني
ونفس الشي خذلك كوفي واجلس فيها:gathering
هذا اللي اقدر افيدك فيه حاليا والاشياء اللي بدبي كثيرة لاكن انا ما ادري وش الاشياء اللي تهتم فيها لاكن انا حطيت لك افضل الاماكن واتوقع انها راح تكفيك لست ليالي واكثر
اتمنى اني افدتك واي سؤال انا حاظر
ومعليش اذا شفت خطأ املائي لان الان الساعة 2ونص وانا مابعد نمت:36_1_50: وبكرة دوام بس حبيت اخدمك
واي سؤال انا حاظر:36_1_39:
وتصبح على خير

1. مرحبابك اخوي mr.7sonah


2. اخوي البدراني كفى ووفى يزاه الله خير.


3. هذا الرابط بيفيدك للأخت همسات يزاها الله خير


4. https://artravelers.com


5. https://artravelers.com


6. قناة القصباء..ايضا ممكن تأجير عبره

مرحبابك اخوي mr.7sonah

اخوي البدراني كفى ووفى يزاه الله خير.

القريه العالميه******** لا تفوتونها..وتفتح من الساعه 4 العصر ولغاية 12 ليلا..ويبغيلها يوم كامل..هي عباره عن عدة قرى من دول العالم كل دوله لها طابعها الخاص من استعراضات وملابس وحلويات وكل مايخص هذه الدوله..مثل القريه(اللبنانيه,السعوديه,الكويتيه,السوريه,الصينيه ,الهنديه,التشييك,الإيطاليه.........الخ) وأيضا توجد عدة مطاعم متنوعه..والعاب كهربائيه للكبار والصغار.......بعيده نوعا ما على شارع الامارات..رسوم الدخول 3 دراهم للشخص و15 درهم للعائله.وبتنتهي 3-3-2006

هذا الرابط بيفيدك للأخت همسات يزاها الله خير

https://artravelers.com

• *- سوق جميرا..تابع لفنادق مدينة جميرا(مينا السلام,القصر,دار المصياف) له مدخل من الخارج..وله بوابات من داخل السوق ادخلك على ساحة الفنادق والمطاعم على الطراز التراثي..وفيه عدة مطاعم(العربي+الإيطالي+الهندي+المغربي....في الساحه الخارجيه للسوق اطل عالنهر.. زور السوق وخذ جوله حول الفندق حتى لو ماتفكر تحجز فيه..المكان رائع ورومانسي بمعنى الكلمه وبعد العشى تقدر تاخذ جوله او لفه بالعباره(القارب)في النهر الصناعي حول الفنادق,وعندهم بوفيهات داخل الفندق غير عن المطاعم الي ذكرتهم بس السعر يفرق اغلى شوي سعر البوفيه 140 للشخص مطعم المنُى في مينا السلام.. هذا التقرير لاختنا السيده درجة اولى يزاها الله خير..اموضحه فيه الصور السوق ولمطاعم.

https://artravelers.com

• *-مطاعم مرسى دبي...المكان رائع..في منطقة الصفوح بعد برج العرب ومدينة جميرا..قريب من مدينة الإعلام..عباره عن عدة مطاعم تطل على قناه او بحيره بها مرسى لليخوت..والمطاعم الهم جلسات برع وإذا تحب الهدوء ولخصوصيه بإمكانك الجلوس داخل المطعم يكون فاضي المكان.المطاعم منها (الإيطالي,الهندي,العربي,الصيني,المكسيكي,الأكلا ت البحريه,وكوفي ستار بكس,وباسكن روبنز .....الخ) اسعارهم معقوله ماعدا السيفود اغلى عنهم.ويفضل لو يكون في المساء الجو يكون شاعري واروع..ومنظر النافوره الراقصه جميل.هذا تقرير لاخونا بو اليازيه يزاه الله خير عن المرسى

https://artravelers.com

• *مطعم البوم..عشاء بوفيه+جوله في خور دبي..مدة الرحلة ساعتين.من 8:30 الى 10:30 سعر الشخص=100 او 120 ماذكر بالظبط

ومن 10:30 الى 12:30 الشخص =75درهم
والاكل يفرق في الرحله الاولى غير عن الرحله الثانيه ..ويفضل الحجز مسبقا من داخل الإمارات
3243000-04 جنب جسر القرهود وقريب من حديقة الوندرلاند

• *حديقة الخور..تطل على خور دبي..بإمكانك التمشيه على البحر داخل الحديقه كذلك تأجير قارب من داخل الحديقه يأخذك بجوله في خور دبي اعتقد الرحله ب30درهم ما اذكر بالظبط...

أيضاً يوجد بها تلفريك..والجو حلو ويساعد للتمشيه..المكان قريب من جسر القرهود.. رسوم الدخول 3 دراهم او 5 دراهم.وفيها تلفريك.واذا عندكم اطفال فيها مدينة الطفل.
حديقة الوندرلاند..بها العاب مائيه+ألعاب كهربائيه...قريبه من جسر القرهود..وفندق جراند حياة..وحديقة الخور..رسوم الدخول ما اذكر بالظبط يمكن 30درهم للشخص أو اكثر
حديقة الممزر..بها شاطئ جميل والعاب غير كهربائيه للأطفال..وايضا شاليهات للإيجار من الصباح للمساء 150درهم. رسوم الدخول بالسياره 30 درهم..وللشخص بدون السياره سعر رمزي ما اذكره بحدود ال5دراهم..الحديقة في منطقة الحمرية وبالتحديد في الممزر..
وممكن الجلوس على شاطئ الممزر خارج الحديقه ..هذا الرابط لأحد الإخوان يزاه الله خير من خارج الحديقه.https://artravelers.com

• *حديقة شاطئ جميرا...أيضا بها العاب غير كهربائيه للأطفال..وبحر شاطئ الحديقه جميل للتمشيه..في منطقة الجميرا

الألعاب المائيه(الوايلد وادي) ...في جميرا قريبه جدا من برج العرب

• *]***المراكز التجاريه في دبي***

1-مول الإمارات..(تسوق+مطاعم+ألعاب للأطفال+سينما+سكي دبي) على شارع الشيخ زايد الله يرحمه
وهذا تقرير لإختنا إماراتيه يزاها الله خير https://artravelers.com

• مركز ابن بطوطه..يبعد بعض كيلو مترات عن مول الإمارات..على شارع الشيخ زايد الله يرحمه

(تسوق+سينما+مطاعم+العاب للأطفال)ويوجد فيه سينما imax ايضا..وهذا تقرير عن ابن بطوطه
لأحد الاخوان يزاه الله خير.https://artravelers.com
3- مركز الستي سنتر..وهو الأكثر ازدحاماً..(تسوق+سينما+ألعاب للأطفال+مطاعم على ردهتين.جهة السينما المطاعم العالميه..وجهة الألعاب اغلبها الفاست فود..ومنها الصيني والإيطالي ايضا)
4-مركز ميركاتو..(تسوق+مطاعم+سينما)...على الدزاين الإيطالي....في جميرا
5-سوق نايف..سوق شعبي متنوع ورخيص
6-مركز برجمان..قريب من جسر المكتوم ..متنوع واغلبه ماركات(تسوق+مطاعم)
7-مركز وافي..بعد جسر القرهود..(تسوق+مطاعم+العاب للأطفال) أغلبه ماركات
8- سوق جميرا..تابع لفنادق مدينة جميرا
المطاعم متنوعه في شارع الرقه+شارع الضيافه+شارع الشيخ زايد رحمة الله عليه+شارع جميرا
4-مطعم قصر الهند,اكله هندي..في الجهه المقابله لفندق الستي سنتر قبل جسر القرهود..وعندهم (كباين)غرف خاصه للعوائل.
5-مطعم جشن,في شارع الشيخ زايد..ايضا اكله هندي
المطاعم متنوعه وكثيره في كل مركز تسوق
ولو كنت من محبي الرياضات البحريه..تقدر تاجر سكوتر أو جت سكي بجانب جسر القرهود بالظبط
ولفعاليات بتكون منتشره في كل مكان..مثل شارع الرقه..ولمرقبات..وفي اغلب السناتر..وفي الحدايق تنتشرالفرق الشعبيه من كل دول الخليج مثل الحربيه والعياله واليوا ولعرضه
ولو كنت حاب اتزور امارة الشارقه القريبه من امارة دبي ولو ليوم واحد
(الشارقه)********
التمشيه على بحيرة خالد..ويمكن اخذ جوله في البحيره بالعباره او القارب..

قناة القصباء..ايضا ممكن تأجير عبره

منتزه الجزيره..وتطل على بحيرة خالد..بها العاب كهربائيه ..الشارقه بها العديد من الحدايق العامه..كذلك المتاحف العلميه .هذا تقرير لاختنا حور يزاها الله خير عن حدائق الشارقهhttps://artravelers.com
الأسواق في الشارقه******
مركز صحارى حلو(تسوق+ألعاب للأطفال+سينما+مطاعم) قريب من دبي
مركز الميغا مول (تسوق+العاب للأطفال+مطاعم)
السوق المركزي..على الطراز الإسلامي اسعاره معقوله..وقريب من بحيرة خالد..ومركز الميغا مول

ولو كنت من محبي الرياضات البحريه..تقدر تاجر سكوتر أو جت سكي بجانب جسر القرهود بالظبط
ولفعاليات بتكون منتشره في كل مكان..مثل شارع الرقه..ولمرقبات..وفي اغلب السناتر..وفي الحدايق تنتشرالفرق الشعبيه من كل دول الخليج مثل الحربيه والعياله واليوا ولعرضه
السموحه اخوي خطأ مطبعي فالموضوع..في هالفقره إلي باللون الأحمر..لأن الموضوع موضوعي بس ناقلتنه وكان في الفتره قبل لاينلغي المهرجان..ولي ذكرته مش موجود حالياً..إذا ممكن الإداره تلغي هالمعلومه لتفادي الغلط..ويزاكم الله خير