اهم شيء رحلة العوده لا تكون من لندنطبعا للتذكير باريس تحتاج الى فيزاء شنقن مختلفه عن فيزا بريطانيا
يمكنكم الذهاب الى ستراسبورغ الفرنسيه الجميله على حدود المانيا بالقطار المباشر اقل من ساعتين ونصفوقضاء ليلتين
ثم الى فرانكفورت بالقطار ساعتين مع تبديل واحد وهناك رحلات مباشره ولكن قليله
او يمكنكم الذهاب من باريس الى جنيف 3 ساعات بالقطار المباشر وتكون جنيف هي محطة العوده
تحياتي

شكرا للاقتراح
اللي معي مصرين يروحوا ايطاليا ....فممكن نروح ميلانو بعد جنيف مثلا

صباح الخير مرحبا اختي كيف الحال
الف الف مبروك للمتخرج ربي يوفقه في حياته العلميه والعمليه
اذا الاختيار وقع على ميلانو
اي تقدرون تروحون لها من جنيف بالقطار
من لندن الى باريس بالقطار المده ساعتين وربع دايركت بدون توقف
نوع القطار eurostar
ملاحظه : بالنسبه لحجز التذاكر يفضل حجزها قبل السفر بفتره كافيه على الاقل قبل السفر ب 5 ايام
لسببين
الاول يمكن تروح عليكم الحجوزات
الثاني حتى لو حصلتو حجز يمكن تخلص حجوزات الاسعار المنخفضه
لان عندهم 3 مستويات للأسعار وغالبا الاسعار الرخيصه تخلص بسرعه
http://www.eurostar.com/rw-en
الذهاب من محطه لندن اسمها St Pancras
ومحطه الوصول في باريس Gare du Nord
لما توصلون محطه باريس يمكن يكون في طابور طويل بأنتظار التكاسي
وممكن يجون لكم اشخاص عرب يقولون لكم بدل ماتصفون طابور ممكن نوصلكم بسرعه وياخذ عليكم مبلغ 150 يورو
وبعدها يقعد ينزل لين يوصل 70 او 60 يورو
خلكم بالطابور بالكثير خمس دقايق ودوركم واصل لكثره سيارات التاكسي عند المحطه
والرحله من جنيف الى ميلانو
المده 3 ساعات و 53 دقيقه دايركت
تجنبو الرحلات تبديل القطارات
اسم المحطه في جنيف Genève, Cornavin
اسم محطه الوصول Milano Centrale
اسم شركه القطارات الناقله Sbb
http://fahrplan.sbb.ch/bin/query.exe/en?seqnr=2&ident=3w.01255123.1413871762&REQ0HafasScrollDir=1&WT.i_event_cat=fp_resultat&WT.i_event_act=spaetere_vrb
و
Trenitalia
https://www.lefrecce.it/B2CWeb/search.do?parameter=searchOutputViewer&cFID=I7gNWvbRzBjM
اذا تبغين اختي اي استفسار في باريس او جنيف او ميلانو أبشري بسعدج

وبالنسبه للرحله بالقطار من ميلانو الى فينيسيا
المده ساعتين و 35 دقيقه دايركت
محطه الذهاب في ميلانو Milano Centrale
محطه الوصول في فينيسيا Venezia S. Lucia
وانصح بالسكن و التجول في فينيسيا
في منطقه سان ماركو Venice- San Marco

شكرا لردك.....قمت قبل قليل بتغيير حجز العودة ليكون من فينيسيا
سيكون خط رحلتنا كالتالي
لندن - باريس - جنيف - ميلانو - فينيسيا
اذا ممكن اريد اضبط خط باريس جنيف....على أي قطار؟ كنا ناويين نطلع الفيزا من السفارة الفرنسية لكن بما انه شكلنا بنقضي في ايطاليا أكثربنضطر ناخذ الفيزا منها

ياهلا ومرحبا اختي
خط رحلتكم ممتاز جدا جدا
بالنسبه لقطار باريس - جنيف
اول شي بعطيج اسم شركه القطارات الفرنسيه
Sncf
او
TGV
المسميين نفس الشي للقطار الفرنسي
الرحلات من باريس لين جنيف
لو ترتبون تواريخكم بالضبط عشان اشوف لكم الرحلات بنفس اليوم واسعار التذاكر
والقطار دايركت
اسم محطه باريس PARIS GARE LYON
المحطه قريبه من قريه بيرسي فلج ومن الشانز تقريبا ربع ساعه
اسم محطه الوصول جنيف Cornavin, Geneva
المحطه جنب البحيره
المسافه تختلف حسب الرحلات
في رحلات مدتها 3 ساعات و 5 دقايق
ورحلات 3 ساعات و 16 دقيقه
ورحلات 4 ساعات و 15 دقيقه
اذا ضبطتي التواريخ خبريني بعطيج الاوقات الي مسافته اقل
وعق مانخلص من المواصلات
نشوف الفنادق اذا بغيتي
وبالتوفيق ان شاء الله

ممكن أعطيك التفاصيل عالخاص لكن للأسف بعده مش مفعل عندي......هل ممكن أرسل عالايميل؟