1. ورحمة الله وبركاته


2. 2- شركة للرحلات الجماعية


3. 3- وهي الطريقه المثلى والأرخص واللي آنا رحت فيها :


4. ولون الباص أبيض وراح يوديكم مباشره لأقرب موقف للحديقة

أخواني وأخواتي أعضاء المنتدى السلام عليكم

ورحمة الله وبركاته

في البداية لابد من الشكر الجزيل للمشرفين والأعضاء الذين لهم الفضل بعد الله عز وجل بنجاح رحلتي السنة الماضية 2006 إلى النمسا وميونخ وكانت لمدة ثلاثة أسابيع موزعه كاللاتي :
أسبوع فبينا ( بصراحة وايد عليها ) وأسبوع زلمسي وأسبوع ميونخ . من عنوان الموضوع آنا حبيت إني أتكلم عن حديقة لوكسمبورغ والتي تقع خارج ضواحي فبينا وسبب كتابتي للموضوع لأني مالقيت أحد تكلم عنها إلا الأخت حتشبسوت ( والله ما أدري الاسم صح ولا لا ) واللي اشكرها على تطرقها للموضوع في تقريرها العام الماضي ومن خلال السائق الحاج ( محمد )
طريقة الوصول للحديقة :
1- تاكسي واحسب أحسابك انه راح يأخذ وايد

2- شركة للرحلات الجماعية

3- وهي الطريقه المثلى والأرخص واللي آنا رحت فيها :

تذهب بالاندرقراوند U1 باتجاه محطة REUMANNPLATZ راح تنزلون في محطة SUDTIROLER PLATZ والحين ركزوا معاي لما تنزلون عند المحطة راح تصعدون السلم المتحرك ثلاث مرات جم مره ثلاث وموتقولون ما قلتلنا كيفكم عاد وبعد ما تصعدون السلم ثلاث مرات راح تطلعون على ساحة كبيره مخصصه لمواقف الباصات . اسم الساحه ( سوت بانهوف ) على ما أعتقد
وكل موقف فيه لافته مكتوب عليها رقم الباص راح تركبون باص رقم( 566)

ولون الباص أبيض وراح يوديكم مباشره لأقرب موقف للحديقة

أول ما تنزلون راح تكون الحديقة بالشارع اللي مقابلكم ( وانتو نازلين سآلو سائق الباص عن الحديقة وراح يأشر لكم عليها ) سعر الباص واحد يورو ونص للشخص واقل من 15 سنه مجاني (يا بلاش ) .
طبعا آنا ركزت على الصعود ثلاث مرات لأنه كل صعدة سلم لها مخرج ولما الحاج محمد أعطى الوصف للأخت حتشبسوت قالها أوصلي المحطة وطلعي بره وأخذي الباص الأحمر إلى الحديقة وطبعا إنا سويت اللي قريته بالتقرير ورحت وطلعت بره وأول إشارة باصات وقفت عندها قمت سألت العالم اللي واقفين أهني الباص اللي يودي الحديقة قالولي ماندري ولما وصل الباص الأحمر سألته عن الحديقة تدرون شنو قال فالي ما أدري عن شنو تتكلم قلتله اسم الحديقة قالي ما اعرفها يا الطيب يا الحبيب الله يهديك وربك واحد مو عارفها قمت وأخذت الأهل وطوالي علي الاندرقراوند وسيده على ساحة ستيفن بعد شسوي مابي أضيق خلقهم بس الحديقة ظلت في بالي وثاني يوم قلت والله لروح لها بالطول بالعرض رايح رايح قمت وسئلت الانفورميشن سنتر اللي في الاندرقاوند والحمد لله دلوني عليها .
أترككم مع الصور ...
مدخل الحديقه
مواقف خارجية للسيارات
مواقف داخليه للدراجات الهوائيه
الحديقة كبيرة وفيها بعض الأنشطة الحلوة مثل:
قطار يأخذكم بجولة حول الحديقة لأهم المعالم الموجودة
ساحة ألعاب للأطفال
بحيرة بوسط الحديقة فيها تأجير قوارب صغيره
وبوسط البحيرة جزيرة مبني عليها قلعه وبصراحة الجزيرة جدا ممتعه
مدخل القلعه
داخل القلعه
مسطحات خضراء الجلوس بها قمة الروعة يعني جهزوا البساط والشاي ودله القهوة والقدوع الزين وتوكلوا على الله . ويجب تخصيص يوم كامل لها .
ومن ضمن الأشياء الحلوة بالحديقة فيه دراجة هوائيه للأجار وهذه الدراجة عائليه شكلها دائري والكراسي موزعه على الشكل الدائري وفيها كراسي للأطفال الرضع
وشاكرلكم حسن المتابعه
أي استفسار انا حاضر.... بالتوفيق للجميع:36_1_39: