الظاهر انها السفره الأولى لكم للقاهره
اذا كانت فعلا أول مره تروحون القاهره .. فضروري جدا جدا تنظيم السفره خصوصا في اليوم الأول

من الأمور الهامه عند الوصول لمصر
1- يجب ان يكون حجز الفندق مضمون من بلدكم قبل السفر
2- بعد الوصول لصالة الجوازات والانتهاء الذهاب لإستلام الشنط بانفسكم
( ماله داعي تطلبون مساعدة احد )
3- عدم الالتفات الى مندوبين الشركات داخل الصالة عند استلام العفش
4- عند الخروج من بوابة الجمارك .. سيكون هناك ممران يمين او يسار .. وزحمه وعالم غير طبيعي اما البوابه
5- قبل الخروج من الصاله الرئيسيه وعلى اليمين هناك مكاتب حجز للفنادق وشركات للتكاسي له اسعار محدده للتوصيل للفنادق او الى اي مكان .. ركزوا على السياره ويفضل ان تكون موديل 2007 او 2006 على ابعد تقدير ... والسعر بحدود 70 جنيه والدفع عند الوصول ..
6- بالنسبه للبقشيش ممكن اعطاء الشخص اللي راح ياخذكم للتكسي من الصاله بحدود 5 جنيه فقط
وعند الوصول للفندق وتأمين السكن .. تنتهى نصف المعاناة .. وتضمنوا عدم حدوث اي مشاكل خصوصا باليوم الأول ...
بعدها .. تكون الأمور اسهل .. في التنقلات والمشاوير القصيره التي يفضل الاعتماد على التكاسي العاديه
والابتعاد قدر الامكان عن تكسيات الفنادق الخاصه ( غاليه بشكل مبالغ فيه )
اجرة التكاسي تكون بحدون المعقول حيث التوصيلات بين الفنادق القريبه بالقاهره بحدود ( 5 جنيه )

وأيضا بالنسبه للبخشيش من اللي لازم نعطيه .. واللي مايستاهل
لا تفتحون على نفسكم باب مسكر
حاولي انكم ما تعطون احد بقشيش...
لانكم ان عطيتوا واحد راح يتجمعون عليكم كل شوي....عشان تعطونهم
بالتوفيق

هلا والله يالغاليه
اول شي حاولي قد قد ماتقدرين ان يكون سكنكم 5 نجوم
وعلى جسب ان كنتو تحبون الهادي والراقي وبنفس الوقت فيه نااس
انصحك بالكونراد وانصح فيه بقوه
ان كنتو تجبون الازعااج والزحمه وكل الخليجين والشباب بالاخص انصحك بجراند حياة
ووفيه عندك فور سيزن النيل بلاز بعد حلو وماعلييه بس انا بالنسبه لي الكونراد اشرح
هذا بالنسبه لسكن
نجي لسواقين التكاسي
انا انصحك انكم تستاجرون لكم سياره مع سواق تكون جديده من 2000 وفوق
تكون معكم تقريبا 200 جنيه اليوم
يعني تقريبا من بين 130-160 ريال مكسيمما
لان التكاسي اخذ وشد وكل واحد يمشيك على كيفه وبعضهم يعيي يخصم ومشاكل عاد
غير ان سواقك تقدرين تخلين حاجاتك معاه في السياره
مو شرط ترجعين الفندق وتحطين الاغراض
نجي للبغاشيش
شوفي الصراحه مصر تبغششين تمشي كل امورك
بس انا لي ثلاث سنوات ماعطي بغاشيش
لان الي تعطينه كلله مايعجبهم
بس مثلا رحتي لكوفي وفيه قائمة انتظار اعطيهم بغشيش يقدومنك
او قولي له قعدنا ولك الحلاوه
وبعد
نجي للمشتريات حاولي تكااسرين قد ماتقدرين
وتراهم ينزلون
صدقيني لو تنزلين 5 جنيه انتي الربجانه
هذا الي عندي الحين ان بغيتي شي لايردك الا لسانك
تحياتي لك

بالإضافة لمداخلات الأخوة والأخوات ..
لا تنسى هذه الأماكن في القاهرة

• حديقة الأزهر
• سفينة نايل سيتي
• مطعم بلانيت أفريكا وهذا موضوعي عنه : https://artravelers.com/p/re/129949
• مطعم البرج .. وهذا موضوعي عنه : https://artravelers.com/p/re/113259
• سيتي ستارز مول .. وهذا موضوعي عنه : https://artravelers.com/p/re/79523

alansari
فعلا هذي أول مره أزور فيها مصر

alansari
مشكور أخي على هذه المعلومات القيمه ..

المرام
شكرا أختي على هذه النصيحه .. بس أنا سمعت أنه مايمشي شغلك إلا لما تعطين بخشيش .. أو تتنكدون وتتمشكلون ... طبعا هذا كلام وحده مصريه عايشه بالسعوديه ..

طيف الاحزان
ماتقصرين أختي الله يجزاك خير ويفرج لك