majinga
22-09-2022 - 01:03 am
السلام عليكم ورحمة الله وبركاتة
مساء الخيرات
ان شاء الله طالع استراليا (سدني )في بداية سبتمبر وعندي كم استفسار
طبعا سجلت بمعهد لمدة سنه اسمه Tafe Nsw Sydney Institute
والمعهد هذا ماقد سمعت احد بالمنتدى هنا تكلم عنه ياليت احد درس فيه يعطينا نبذه عنه
وبالنسبه للعائله اخترت عائله بدون اطفال لمدة اسبوعين وكانت الفتره هذي اقل شي وبعدين ان شاء الله نشوف وش يصير اما اني اكمل او اغير العائله او اختار سكن خاص وبالنسبه للخطوط اخترت الاماراتيه
وبالنسبه للفيزه قدمت الطلب لاارامكس مع كامل الطلبات في تاريخ 1/8 وجاء الجواز في تاريخ 12 /8
نجي للاسئله الله يسلمكم
1- كيف المعيشه يعني الشخص المتوسط كم مصروفه بالشهر يعني اكل وتمشي وهجوله نهاية الاسبوع
2- كيف وضع العائله هل اني ملزم اني اكون متواجد بالبيت بعد المعهد وهل يكون شخص واحد اجنبي اللي هو انا عندهم او تكون العائله مسوية كانه دار حضانه عدد كثير من الطلاب عند العائله
3- الاشياء الضروريه عند الوصول لستراليا غير فتح حساب وبطاقة الاجانب الاي دي كارد والكرت الصحي
4- بالنسبه للاكل هل فيه مشاكل مع ان لي تجربه دراسيه باليابان شفت فيها نجوم الظهر مع الاكل واعتقد اني وصلت لمرحله لو ياكلون فيل مشوي اكلت معهم
5- هل فترة سنه كافية للغه بشكل جيد اذا درست يوميا ساعتين غير فترة المعهد
6- اختبار تحديد المستوى في بداية الدراسه هل اني اطلب اقل اقل درجه بالصفوف حتى ولو مستواي اعلى من كذا وابدء من الصفر يعني احل الاختبار غلط او اني اكتب مستواي الحقيقي وابدء بالدراسة
هذا اللي عندي ويعطيكم العافيه
