السلام عليكميالربع سألتكم قبل فتره عن دخول الخليجيين لماليزيا و الفيزا و هالشغلات و ما قصرتوا معاي و الله جزاكم الله خير
لكن هالمرة طالب فزعتكم
الجامعة بيرسلوني ماليزيا اختبر مشروع تخرجي في جامعة هناك اسمها Islamic University of Malaysia
و حجزولي على طيران الامارات يوم الربوع 23 اكتوبر في الليل و اوصل مكار كوالالمبور الساعة 3 ونص الظهر و ما علموني الا اليوم
و ربي يعلم اني محاتي هالسفرة ولا ادري وين بروح و احس مثل ما يقولون ضايع في الطوشة
عندي كم سؤال و اللي يقدر يفيدني الله لا يهينه يرد علي
1- الفندق اللي حجزولي فيه اسمه فندق 916 في منطقة اسمها batu caves
كيف جوه هالفندق و كيف المنطقة للي مجرب؟
و كيف اروح من المطار للفندق؟ هل اخذ القطار ولا اخذ تاكسي؟ وكم يكلف تقريبا؟
مع العلم اني شفت ناس يقولون ان التكسي وايد غالي من المطار و نصابين و ان عادي يوصل 70-80 دولار!!
و مع العلم اني بشيل معي جهاز وزنه حول ال30 كيلو و ما معي الا ولد هندي ما منه فايدة الله يهديه
2- هل في مساجد في هالمنطقة و اذا ما في وين اصلي الجمعة؟؟ و هل المطاعم الحلال منتشرة و متوفرة ولا احسب حسابي من الحين ؟؟
3- اذا خلصت شغلي هناك بيبقى لي حول ال5 ايام كاملة .. وين تنصحوني اروح و شنو الاماكن الزينة حق تغيير جو و تصوير و كذا؟ في شي معين ماليزيا مشهورة فيه و تنصحوني اجربه؟ مكان او منتزه او ملاهي او نوع اكل؟؟ اي شي زين قولولي و لو تنصحوني كيف اروح بعد افضل
4- شنو الاشياء اللي تنصحوني اتسوقها من هناك يعني ارخص من الخليج و تسوى ادورها؟؟ سمعت الملابس عندهم اسعارها وايد رخيصة! وين اتسوق ملابس و وين القى تقليد ماركات محترم للملابس و الاحذية و الساعات و المحافظ و الاقلام و كذا؟؟ و كيف اروح؟؟
5- شنو الهدايا اللي تنصحوني اخذها للاهل من هناك؟؟ و ياليت لو تكون اقتراحات معقولة لان المصروف ماهو وايد.. و ين القى هالاشياء و كيف اروح؟
6- هل في نصيحة تنصحوني اياها او تحذير من شي ابعد عنه هناك؟؟ سمعت ان لازم ارجع الفندق من وقت هل صحيح خطر ان اتأخر في الردة للفندق؟
7- اذا في شي ناسي اسألكم عنه و تذكرتوه قولولي الله لا يهينكم
و ما تقصرون يالربع .. على الله ثم عليكم