ودي اطير
29-11-2022 - 06:40 pm
السلام عليكم ورحمة الله وبركاته
بعد ماقررنا نسافر اسطنبول اخر فبرايرنبي انشتي يعني في 27 فبراير انا وزوجي واخوي
طبعا على طول على بوابة تركيا وخذتلي لفة في تقارير الاعضاء
حسيتها من احلى البوابات(من دون مجاملة) والي محليها اكثر المشرفين الكرام الله يقويكم عشان اتساعدونا واتيبولنا كل شي جديد
وانا سايرة تركيا قبل 8 او9 سنين وكنا عايلة والحين بنسير بس اسطنبول 6 ايام والسبب ان عندنا سكن بلاش ويا محلا البلاش فالي ابي اساله
هل 6 اياوم وايد على اسطنبول وين اقدر اروح وشو هي المناطق القريبة من اسطنبول يعني انسيرلها الصبح ونرجع بالليل
والسكن بيكون في فندق غراند حياة و3 ايام في بارك حياة اذا حد من الاخوان يعرف مواقعهم اذا حلوة وقريبة من الاسوق والاماكن السياحية ولا
وبغيت اسال احتمال سقوط الثلج في هذا الوقت في اسطنبول
كانت مده رحلتي 17 يوم اغلبها في اسطنبول مدينه رائعه بالنسبه لاقرب الاماكن اللي ممكن تستمتعين فيها اولا بورصه لاتفوتينها رحتلها مع قروب مده الرحله ساعه ونصف رحنا الساعه 8 الصباح ورجعنا 8 في الليل طبعا مرينا يلوا على طريقنا واستمتعنا كثير في الرحله مرينا سوق المناشف ومصنع الحلويات وانبسطوا كثير الاولاد على الثلج والمناظر اللي ترد الروح
وفيه خيار لك ثاني وهو جزر الاميرات وخاصه الجزيره الرابعه واسمها ايبوك داه ممتع الحنتور والاكل فيها روعه لايفوتك وخاصه السمك مره لذيذ
والخيار الثالث التلفريك وتل العرائس وغير المتاحف والمساجد اكثر من رائعه
واذا حابه اي استفسار اناجاهزه ا ... لك مني أجمل تحية .