1. فأي شهر تقترحون من شهر 6 وطالع؟

الى كل أخواني في هذا المنتدى الأكثر من رائع
عندي الكثير من الأسئلة وأدري أن صدركم رحب واني حلاقي الأجابات الشافية الي تثلج الصدر
أحنا حابين نروح شهر عسل ماليزيا فعندي كم سؤال
1- نحن لم نحدد موعد الزفاف لكن يمكن على شهر 6أو7 بالأفرنجي أو قد يتأجل لعيد الأضحى سؤالي اي شهر أفضل من حيث انه مايكون موسم وزحمه وغلا بالبلد تدرون شهر عسل يعني نبي البلد تكون رايقه

فأي شهر تقترحون من شهر 6 وطالع؟

2- بالنسبه للبرنامج لمدة 21 يوم وهل هي فترة مناسبة؟ يعني قليلة ولا كثيرة؟ بحيث نزور أغلب المدن سيلانجور لينكاوي بياننق الكاميرون وكوالالمبور , يعني اقترحو علي ايش افضل المدن الي تستحق الزيارة بحيث يكون البرنامج منوع ومتعدد النشاطات؟ أترك لكم أقتراح المدن والفترات المناسبة والكافية لها؟
3- ياريت لوترشحولي فنادق رخيصة ونظيفة ولا يهم انها تكون فخمة يكفي الاساسيات يعني ممكن 3 نجوم أو 4 نجوم بحكم ان نحن متفقين ان مانصرف فلوس كثير على الفنادق لمصلحة التمشيات والطلعات والتسوق ولأن أغلب اليوم بيضيع تمشيات والفندق للنوم فقط , بس مايمنع لوتقترحون علي منتجع فخم أقضي فيه ليله أو ليلتين رومانسية يعني الغرض الاساسي منه الراحه وتقضية كامل اليوم فيه ويكون على البحر او فيه مسبح خاص يعني ياريت أهل الخبرة يضعو نصايحهم مع تحديد المدينة ويكون سعره مناسب يعني مو غالي مرة ( يعني انا ابغى أوفر في السكن وأمتع عمري بليله لاتنسى في مكان لاينسى) ؟
4- ياريت توضحون احسن الطرق للتنقل بين المدن مع مراعاة ان زوجي مايحب ركوب الطيارة ويعشق التنقلات البرية يعني ماعندنا مشكلة بركوب الباص خصوصا ان الواحد رايح سياحة يعني الغرض من الرحلة الاستمتاع بطبيعة البلد؟
5- انا نفسي من زمان اروح ماليزيا بشهر العسل بس من خلال موقعكم وتقارير الاعضاء عن أندونيسيا فكرت اغير وجهتي لأندونيسيا فأيش تنصحوني فيه أبقى على راي ونتوكل على الله ونروح ماليزيا ونخلي اندونيسيا لزيارة غير , الي راح الدولتين ياريت يعطيني رايه ؟ من حيث طبيعة البلدين , وتعدد النشاطات , والاسعار
أدري كثرت الاسئلة والطلبات بس الموضوع يشكل هاجس, وقلت مالي غير أخواني بالمنتدى اكيد راح يساعدوني ومايقصرون وياي