اسكن في الماريوت موقعه عجيب جداً حواليك البيتزا هت والماكدونالز وبعض المطاعم العربية اما الهلتون وبجوارك مغسلة وسوبر ماركت وقريب من الجراند بلس
الشيراتون موقعه جيد وغرفه كبيرة وممتازه وحواليك الشارع التجاري ومجمع الستي دو
اما الهيلتون فيوجد اكثر من فندق واحسنهم القريب من الشيراتون لموقعه

اخوي الساطور كل عام وانت بخير وشكرا على ردك
ذكرت ان هناك اكثر من هلتون كيف اقدر اميز بينهم ؟ ومااسم المنطقة اللتي يقع بها الفندق الي ذكرته ؟

السلام عليكم
فيه هيلتونين في بروكسل .. واحد في منطقة روجر وهو مقابل الشيرتون و يسمى Hilton Brussels City و هذا موقعهم
http://www1.hilton.com/en_US/hi/hotel/BRUHITW-Hilton-Brussels-hotel/index.do
احنا سكنا فيه و هو بشكل عام جيد و نظيف .. و موظفين الرسبشن دووم مبتسمين و يحاولون يساعدون على قدر المستطاع .. و أحلى ما فيه موقعه الرائع .. فيقابلة محطة مترو روجر و على يساره السيتي تو و النيو الستريت .. اما عن سلبياته فالغرف صغيره و طبعن هاي الغرف العادية مش الديلوكس .. أكيد الديلوكس بتكون أكبر
و الاخر بقع في افينو لويس و يسمى Hilton Brussels Hotel و هذا موقعهم
http://www1.hilton.com/en_US/hi/hotel/BRUHITW-Hilton-Brussels-hotel/index.do
السموحه اخوي طولت عليك .. واذا في اي سوأل ثاني أنا حاضرة
تحايتي أختك
الريم

مرحبا ابو احمد احنا سكنا بهيلتون بروسلز لمده يوم واحد وكان عادي جدا النت كان مره غالي مااتذكر بكم صراحه لاننا مااستعملناه والغرفه لشخصين ستاندرد كانت كلاسيك وقديمه شوي بس كانت نظيفه وهو الشي المهم وكانت ب159 يورو بالتاكس وبدون فطور بس السيرفس كانت رائعه الرسبشنست يحاولون يساعدونك قد مايقدرون اما الموقع مره ممتاز قريب من عنده محطه المترو (روجير ستيشن) وتقدر تروح مشي للقراند بليس مرورا بالستي تو
في اوتيل اسمه هوتيل بلوم Hotel Bloom توهم مجددينه مره قريب من الهيلتون ستايلش لابعد الحدود بس ماشفت فيه ولا نقطة اطفال اغلبه بزنس وومن وبزنس من غرفه كبيره على الستاندرد الاوروبي ومرره نظيف بس الرسبشنست بعضهم مره روعه وبعضهم نص ونص يعني حقين الهيلتون احسن شوي الغرفه اول ليله كانت ب 175 يورو بدون فطور ثاني وثالث ليله كانت ب 160 يورو بدون فطور ورابع وخامس ليله عليها عرض ويك اند ب 77.50 يورو بالفطور (اهم شي شيك الغرفه قبل لا تسوي تشك ان لان بعض الغرف ماخلصوا تجديدها)
اي صح في شي بعد لاحظته لما احجز بالتليفون او بالايميل كانوا يعطوني اسعار اغلى بس ماحجزت الا ليله وحده بالتليفون
ومن هناك مددتها وفرقت علينا مره الاسعار
بالتوفيق
اذا عندك اي استفسار انا حاضره

ابواحمد1
السلام عليكم
صح كلام الي سبقوني في واحد في روجير وفي واحد في افنيو لويس بس شنو الفرق بالاسامي مادري بس يبين وياك اذا حطولك العنوان.....
الي بروجير صغير المبنى بس الي بأفنيو لويس كبير وفخم من بره بس ما أأيد يعني المنطقة مافيها الا الماركات ....
بس روجيير وايد زينة وأنا انصح بالشيراتون سعر ممتاز وغرفه واسعه وانا مجربته واذا تبي صور انا حاطة بموضوعي وترى الموقع من احسن المواقع يمه محطة مترو ومحطة قطار وسوبرماركت وأسواق والسنتر مو بعيد تقدر تمشي له ...والهلتون مقابل الشيراتون بمنطقة روجير
وعندي صورة للهلتون الي بروجير الصورة انا ماخذتها :

شكرا لكم اخواني واخواتي الكرام والله يجزاكم خير

أبو أحمد أنا أفضل الماريوت موقعه ممتاز جدا مقارنة بالباقين وخصوصا انها اول مرة لك في بروكسل.

انا الان في بلجيكا في فندق كروان بلازا وهو فندق جيد وليس اكثر من ذلك وياليت سمعت كلام الاخ اللي قال اسكن بالماريوت لان فعلا موقعه رائع بمعنى الكلمه بس الحمدلله على كل حال .

ابواحمد1
الحمد لله علي سلامة الوصول
بما انك انت موجود ببلجيكا الان لو سمحت انقل لنا ملاحظاتك من درجة الحرارة قصدي البرودةةةةةةة
والجو العام حواليك هل هناك ثلج لاني بسافر الها في اجازة العيد انشاالله
بماذا تنصحنا ,,, الملابس الثقيله نكثر منها ,,,
واخيرا تحملنه شوي وو الفندق اي واحد افضل الماريوت او كراون بلازا ؟ ط,,,,,,,,,,,,,,,,,ولت عليك اسمحلي ,,,,,