someone*
26-10-2022 - 01:25 pm
مرحبا ,, كيف حالكم يا مسافرين
مثل ما قريتوا من العنوان
بحكم طبيعة عملي ,, انا اتواصل مع مكاتب خارج المملكة وناس اجانب علشان الشغل
و صار لي شغل بمكتب بنيوزلندا ,, (( وانا راح انتقل هناك قريبا )) وصار لي اتصال مع راعية المكتب النيوزلندية
المهم اني صارت لي علاقة طيبه معاها وساعدتني وكذا ,,
والحين هي راح تجي زيارة للمملكة الاسبوع الجاي هي واطفالها 8 سنوات و 14 سنه وراح تقعد يوم بالرياض ,, وقالت انها ودها تقابلني وتزورني
عاد انا مره محتاره مدري وش راح اسوي ,, افكر اني اقهويها ببيتي اول شي ,, بعدين اطلع اورياها الرياض وعقبها نتعشى بمطعم
عاد وين اوديها ووين اعشيها هذا هو السؤال
انا ماقد صار لي اي احتكاك مباشر باجانب هي اول وحده راح اقابلها ,, ومدري وش يحبون يشوفون,, اماكن شعبية وتاريخيه ولا عادية
الله يخليكم ابغي منكم اقتراحات هاليومين
وخصوصا اني مره مظغوطه بالشغل وماعندي وقت افكر فيه ,,,, وبعد انا مو راعية تمشية ,, يعني حدي اروح اسواق ,, ومطاعم يمكن تجي اربع مرات بالسنه بس,,
الله يعافيكم ساعدوني ,,
والي مايعرف نيوزلندا ,, هي دولة صغيرة بقارة استراليا ,, واهلها لغتهم الانجليزية ,, واشكالهم مثل الاسترالين والبريطانين
مثل شارع التحليه وأيضا ً طريق الملك فهد وبعدها للأسواق مثل سوق الرياض جاليري وسوق حياة مول
بالنسبه للمولات إللي ذكرتهم هي الأفضل بالرياض للأسف لأن مولاتنا سيئه مو مثل دبي والبحرين والدول الخليجيه
الأخرى للأسف وبعدها تاخذينهم لمحلات قديمه مثل المصمك إللي بشارع الثميري ويتفرجون على قصر المؤسس
الملك عبدالعزيز رحمه الله والمشكله الجنادريه قفلت لأن كان هو الأفضل يحبون يشوفونه الأجانب لأنه كله أشياء
أثريه ومشكلتنا بالرياض مافيه شي يونس .. إلا المولات فقط بالنسبه للمطاعم كل شارع التحليه مطاعم وكوفي شوب
والله يوفقكم وإن شاءالله الأخوان الأعضاء راح يفيدونك أكثر مني