مس توتي
18-11-2022 - 08:56 pm
السلام عليكم
بأذن الله رحلتي يوم الجمعه وبما ان وصولي اسطنبول الساعه 6 صباحا قررت نطلع من مطار اتاتورك لبورصه
سؤالي
ايش افضل اطلع لها بالباص او العباره
واذا كان بالعباره ايش اقول لتكسي يوصلني لأي ميناء واذا تكرمتو تكتبو اسم الميناء بالتركي عشان مااتوهق ومتى مواعيد العبارات
وكم بيكون تقريبا سعر المشوار من المطار للميناء؟؟؟وسعر التذاكر
تكفون بليز ابي جواب كافي ماعندي وقت
سؤالي
ايش افضل اطلع لها بالباص او العباره
بالعبارة أفضل ولا تفكرين ابد بالباص ..
واذا كان بالعباره ايش اقول لتكسي يوصلني لأي ميناء واذا تكرمتو تكتبو اسم الميناء بالتركي عشان مااتوهق
ميناء ياني كابي (والمعذرة لو طلبت اسم الميناء بالكولومبي ممكن بس التركي صعب شوي
ومتى مواعيد العبارات
فيه خمس رحلات .. اذا وصولكم الساعة ست باذن الله وعلى ما تخلصون اجراءات الفيزا والجوازات والتفتيش قرابة ساعة ويمكن أكثر فأنصحك برحلة الساعة عشر على ما أعتقد .. وادخلي موقع الشركة واحجزي بالفيزا من الآن أفضل لك (شركة ido) واذا صعب عليك الحجز ابحثي بالمنتدى عن طريقة الحجز عن طريق موقع الشركة وستجدين الاجابة الشافية.
وكم بيكون تقريبا سعر المشوار من المطار للميناء؟؟؟وسعر التذاكر
سعر مشوار التاكسي ما يتعدى 30 _40 ليرة
وتذاكر السفن تختلف .. انتي طبعا يفترض تاخذين السريعة منها (الفيري بوت) تختلف حسب الدرجة .. اعتقد اغلاها 35 ليرة.
وتروحون وترجعون بالسلامة ..