السلام عليكم ورحمة الله وبركاته
رمضان مبارك عليكم يا اعضاء هذا المنتدي الخدوم
اخواني انا ان شاء الله مسافرة اجازة العيد مع زوجي وطقلي ( عمره سنة ونص ) للصين وتايلند من تاريخ 11 الى 24 من شهر تسعه
اولا :
هل احتاج فيزا لتايلند او الصين ؟؟
اذا نعم فانا قطرية من وين اقدر اخذهم وكم يوم لين يجهزون ؟ اخاف مايمديني ؟؟
المهم
السفرة على اساس خمسةايام تايلند ثم الصين ؟
السؤال موجهه للخبراء :
هل هذا الترتيب مناسب او اعكس بان اذهب للصين ثم تايلند ؟
لاني اعتقد بشحن وايد اغراض من الصين فليش اثقل على عمري .. وايضا يمكن اروحالمستشفي الامريكي الي فتايلند عشان الشك اب فالاحسن يكون في البداية صح ؟؟ ولا اعكس ؟؟ اشرايكم ؟
المهم
اناا ابغي بعد واحد مختص وحافظ الصين خرمه خرمه يتكرم علي ويخططلي السفرة عدل لو ممكن
بحيث يقولي مثلا :
هاليوم روحي هنا والي بعده هناك وكذا
وبحيث ينتقي لي افضل الاماكن الي يشعر من خلال خبرته وزياراته انها تستحق الزيارة خاصة ان متقيدة بالمدة القصيرة والمحددة !!
وهل في هالوقت اماكن باردة (لاني سمعت مره )
ووين تنصحوني اكثر شي اي مدينة حلوه
طبعا كوانزو اكييد بس مافي غيرها ؟؟ شنقهاي مثلا ؟ هون كونق ؟ او غيرهم اذا في مكان حلوو ؟
وبالنسبة لهونكونق انا خاطري اروح ديزني ؟ بس هل يستحق ؟ هل هو للكبار ؟
وللعلم الغرض من هالسفرة السياحه والتسوق
فانا ابغي احد يدلني بالتفصيل على مكان يبيعون اضبط وادق واحسن انواع التقليد للجلديات والشنط العالمية وانا اقصد التقليد درجة اولى aaaa مش اي تقليد حتى لو كانت شوي غالية
الي يكون بالعادة في شقق واماكن معزولة او مغلقه عن الشرطة !
وبعد انا يهمني جودة المنتج بشكل عام اقصد مايهمني الرخص فما ابغي الاسواق الي اسعارها في الحضيض ومنتجاتها بعد ؟
ولا الي اسعارها نار شي مععتتدل
وايضا مين افضل منطقة للسكن ؟ وافضل فندق خمسة نجوم وكم سعره ؟؟ يكون قريب من الاماكن والمجمعات المهمة ؟
واستفسار اخر لاصحاب الخبرة
شنو تنصحوني اخذ اغراض او مواد غذاية لي وللبيبي بو سنة ونص ..؟؟ لاني سمعت اكلهم مب ذاك الزود !