وعليكم السلام ورحمة الله وبركاته ::
حياك الله اخوي .
بيني وبينك ..الاسئلة مرة صعبة
مطار زيورخ ما قد مريت عليه أبد ..وخبرتي تقتصر على مطار جنيف من كثر ما ننزل فيه .
على العموم ..بقولك على شغلات ان شاء الله تفيدك .
واللغة أبدا ماهي مشكلة ..اعرف الكلمات الاساسية فقط وتمشي امورك .
(اجل وش تقول على اليابانيين اللي نشوفهم هناك ..ياحبيبي لغة الاشارة تمشي برضو
اول ما تنزل من الطائرة ..تمشي مع العالم ..وتمشي مع اللوحات اللي مكتوب عليها Customs يعني الجوازت ..وممكن بعض اللوحات عليها صورة مثل العسكري تعني الجوازات
(مثلا صورة نقود = تحويل عملات ..صورة دورات المياه وانت بكرامة ..صورة عفش ..مكان استلام العفش ..وهكذا )
وتصف بالسرا ألين يجي دورك وتعطيه الجوازات ويشيك عليها .
تطلع من عندهم وتمشي مع العالم واللوحات الى مكان استلام العفش ..تاخذ الشنط ..وتطلع بره المطار .
عندك خيارات الان ..يا تاخذ تاكسي يوديك لمقر اقامتك ..وهو الاغلى بالتأكيد .
او تستعمل القطار اللي يوديك لمحطة القطار الرئيسية في وسط زيورخ .
او اذا كنت مستأجر تروح لمكاتب الايجار Car Rental وتستلم سيارتك .
=====
في العودة ..تدخل المطار ..وتسأل اي موظف عن كاونترات الخطوط القطرية .
وتحط الشناط وتقص البوردنج وتعرف رقم البوابة اللي منها الصعود للطائرة ..وتروح بعدها للتفتيش ...وتنتظر عند البوابة تبعك .
======
في النهاية ..الموضوع سهل وبسيط ..وممكن تسأل اي احد يقدر يساعدك ..فاللغة ليست ابدا عائق ..وكثير من العرب متواجدين راح تلقاهم معك .
اتمنى اكون افدتك ورحلة سعيدة باذن الله .
وان شاء الله لو فيه احد عنده خبرة بالمطار يقدر يفيدك باذن الله .
وبالتوفيق