اذا معك فيزا احجز التذكره من موقع طيران السيبو بسيفك
طبعاً حبيبي مو لازم تحجز فندق هناك قبل لا تروح
احجز التذكرة وتوكل على الله والفنادق هناك كثير أختار الفندق الي يعجبك ويناسبك سعره وأحجز
طبعاً هذي الطريقة أتبعها في روحاتي بدون حجوزات

هلا بك اخوي الثغر شكلنا مخالفين النظام
حياك الله في بوراكاي انا متواجد فيها ومغادر بعد يومين ان شاء الله نتقابل
في بوراكاي بالنسبة لحجوزات الطيران عندك خيارين لكاتيكلان الاقرب
الافضل من فلبين ايرلايز (اير فيل اكسبرس) او سيبو باسفيك
وبالنسبة لحجز الفنادق انصحك بموقع agoda.com واذا احتجت اي مساعدة انا حاضر

الاجواء الان مطر غزير في بوراكاي طبعا الوايت بيتش الموج فيه عالي ولا تمارس
فيه اغلب النشاطات البحرية خلال الوقت الحالي لكن هو خيار الكثير من السياح

فى شارع برقص فندق الستدل ان مقابل السف الفن فى الرسبشن مكتب شيك عليه و فيه مكتب اسمه Famouse tours& traval المكتب قريب من المطار كتب عنه و احد من الاعضاء شيك عليه قبل الحجز شوف الارصاد حقه اسبوع السفر احسن ماتروح و تجلس فى الفندق بتوفيق.

طيب أنت باي فندق ساكن ببوركاي وياليت تشرح لي عند الوصول الى كاتيكلان كيف الاجراءات لركوب البوت الى راح يوصلك الى الجزيره وكم الاسعار وشكرا لك

هلا بك اخوي الثغر انا الان ساكن بفندق بارادايس باي على الجهه الثانية من الجزيرة
على شاطئ المانوك مانوك بجانب فندق موناكو ويبعد عن الوايت بيتش 5-8 دقائق مشي
لستيشن 3 طبعا الفندق صراحة ما ناسبني ولا انصح فيه لكن المنطقة حلوة وشاطئها ممتاز
لكن هادئة جدا جدا جدا واغلب النشاطات البحرية تكون على هالجهة لان الموج جيد خلال هالفترة
قبل هالفندق سكنت في فندق سورفسايد فندق جيد وسعره وموظفيه ودودين ومنطقته هادئة
والفندق مرتب لكن حسب ما شفت فيه خيارات افضل في ستيشن 2و1 اذا كنت ترغب بالحركة
الليلية متى موعد وصولك لبوراكاي وكم ميزانيتك بالليلة وان شاء الله اشوف لك شئ زين راسلني
على الخاص
اجراءات من بعد الخروج من المطار الافضل لك من بعد ما تطلع من المطار تاخذ لك ترايسكل يوصلك
لكاتيكلان بورت ومن البورت تاخذ البوت يوصلك للجهة اللي تبيها ستيشن 1 او 2 او 3 او بالابوق
وبعدها اذا تبي تاخذ لك فان او ترايسيكل للفندق او تشوف لك مواصلات الفندق ولا انصحك
تاخذ مرشد من المطار لانه بصراحة يضربون بالسعر وملاحظة لاتخلي احد يحمل شنطك احملتها انت
بالنسبة للطيران الافضل تاخذ فلبينيز ايرلايز (مشغلة من قبل شركة فرعية وهي اير فيل اكسبرس)
صحيح انها اغلى شوي لكن افضل ولك 10 كيلو مجاني للعفش او 7 كيلو عفش محمول للطائرة
طبعا ملاحظة لك لانها صارت لي رحلة اير فلبينيز لكاتيكلان تكون من المطار الدولي المحطة 3 مو
المحطة 2 كما هو مذكور في التذكرة وبالتوفيق

حجزت على خطواط الفلبنيه من الموقع مباشره بتاريخ 4سبتمبر والعوده بتاريخ7 لاني شيكت على بعض الخطوط ولقيته اغلي بالاسعار والفنادق جالس اقارن من حيث الاسعار بين الاقودا والبوكننق وانت تكفي لاتقصر معي من حيث ابداء النصح والارشاد ومرئياتكم حول تلك الجزيره لاسيما اني لحالي وصحيح فيه ضريبه مطار داخليه وكم مقدارها وكيف تدفع بالمطار وشكرا لكم مليون؟؟؟؟؟؟؟؟؟؟؟؟؟؟؟؟؟؟

الجزيرة صراحة حقها بالكثير اربع ليالي والمفروض أني اطلع منها حسب برنامجي بكره لكن بما انه صار لي طارئ وغير البرنامج كامل كان الخيار لبالاوان وتحديدا العاصمة بورتو برنسيسا وكورون لكن تغير المخطط ممكن اذا حبيت أتواصل معك اذا عندك شريحة فلبينية وبالنسبة للضريبة فقط تدفع مبلغ 200 بيسو في مطار المغادرة بعد ما تامل اجراءات بطاقة صعود الطائرة تلقائيا راح تمر بكونتر دفع الضرائب وبالتوفيق اخوي راجع رسائلك الخاصة

اخوي الثغر أنا متواجد في مانيلا الان توني واصل لها من ساعة اذا تبينا نتقابل اليوم