ادحل موقع القطار السويسري حط الوجهات والتاريخ والساعة وراح تطلع لك الرحلات واماكن التبديل . لا توجد رحلات دايركت الى انترلاكن , واماكن التبديل تختلف حسب الوقت المختار و غالبا بيرن.
ادخل الان وانا معك متواجد (لنصف ساعة)

عفوا يا اخي اذهب الى المحطة قبل تحرك القطار بساعة الى الاستعلامات في المحطة و سيقولون لك المحطة التي يتوقف بها و ما هو الرصيف الذي سيتحرك منه القطار الى انترلاكن و اعتقد ان القطار سيقف في بيرن و من ثم تغيير القطار المهم اسال هناك و مافي اي خوف انا انتقلت من منترو الى انترلاكن بزوجتي و 3 اطفال و شنطيين كبار و كان وقت التبديل 5 دقائق فقط فكل شئ مسهل باذن الله .
او ادخل على موقع القطارات السويسرية و شوف موعد القطار و ستجد باذن الله ضروري الاجابة . و نتمني لك سفر سعيد

عوفيتم يا اخوان
انا داخل موقع القطارات ومعي برنت بالرحلات
لكن كيف اغير الباص ووين اتجه ما ادري
مثلا توقف للتغير كيف اعرف اني لازم انزل
واي قطار لازم اتجه
اعذروني ولكن من جد اجهل هذا الامر

متي رحلتك و اي ساعة

aboabdulla35
انا من زمان ما استخدمت القطارات لكن خلنا نفترض التالي
دخلت على الموقع ولقيت ان المسار هو
مونترو - بيرن - انترلاكن (مثال)
اول شي تروح محطة مونترو وتشوف قطار بيرن في اي رصيف وهذا تعرفة من شاشات العرض او في جدول الرحلات عبارة عن لوحة صفراء فيها جميع الرحلات بالساعة ورقم الارصفة
بعد كذا تركب القطار لين توقف في بيرن وراح تسمع النداء الداخلي في القطار او حتى اذا وصلت للمحطة تقدر تقرا اسمها وانت في القطار قبل يوقف.
اذا نزلت في بيرن اعرف رقم الرصيف اللي بينطلق منه قطار انترلاكن بنفس الطريقة اللي سويتها في مونترو .
الموضوع سهل,,,

اطلب من رسبشن الفندق يطبع لك الرحله الي بتطلع عليهاوالي بعدها خطة طوراي في حالة القطاار فاتك تاخذ الرحله
الي بعدها وراح يكون مكتوب كل شي بتفصيل الوقت وارقام الارصفه

انا دخلت متأخر وشفت سؤالك ومحد يقدر يعطيك اجابه كامله خصوصا انك ما وضحت متى رحلتك لان الرحلات اللي تطلع من منترو باتجاه انترلاكن مساراتها مختلفه عموما اغلبها فيه تبديلين ولازم تدخل الجدول وتعرف تفاصيل الرحله عن طريق ضغط علامة الزائد الصغيره اللي تحت رقم رحلتك وتعرف بالضبط الوقت اللي بيوصل فيه للمحطه اللي فيها التبديل وتعرف اسمها واول ما يوصل تنزل وتكون عارف اسم المحطه اللي بيروح لها ورقم الرصيف ونوع القطار وجميع الاشياء هذي تحصلها بجدول الرحلات المفصل اللي ذكرته لك تحت علامة الزائد فمثلا رحلة الساعة 10:05 تركب القطار المتوجه الى Visp على الرصيف رقم 3 اسم القطار ويصل الساعه 11:22 يعني مدة الرحله في هذا القطار ساعه و17 دقيقه وتنزل في الرصيف 6-7 تنزل من القطار وتتجه الى الرصيف رقم 4-5 وتحصل اسماء الارصفه مكتوبه في لوحات امامك وهذي اهم شيء سرعة الحركه ومعرفة الرصيف لان القطار الاخر ينطلق الساعه 11:28 يعني معك فقط 6 دقائق وقطارك الاخر هو ومتوجه الى Spiez ويصل هناك الساعه 11:53 يعني مدة الرحله في هذا القطار فقط 25 دقيقه وراح تنزل برصيف رقم 4 وتتوجه الى رصيف رقم 2 والذي ينطلق منه القطار الساعه 12:05 يعني مده التغيير 12 دقيقه ويتوجه الى Interlaken Ost يعني اهم شيء لازم ووقت الوصول للمحطه التي سوف تغير فيها واسم المحطه ولازم تعرف رقم الرصيف الذي سوف تركب منه في القطار الاخر وبالنسبه للارصف تجد لها لوحات واضحه وراح تشوف القطار واسمه واضح او تشوفه بشاشه صغيره في اعلى الرصيف وبالنسبه للوجه قد تكون مختلفه لان بعض الاحيان يكتبون الوجهه الرئيسيه وانت بتنزل بمحطه ثانويه مثل لوحات الطرق السريعه واذا فهمت الشغله تصبح سهله وممتعه وفيها شوي اكشن ومراكض ههه ولا تقلق وانا اخوك اذا فاتك قطار تقدر تنتظر اللي بعده بس راح تتاخر شوي اتمنى لك رحلة سعيده اتمنى انك تكون مختار رحلة فيها تبديل واحد انا جبت لك مثال صعب شوي علشان تحسبا انك طايح بتبديل معقد تحياتي