أول شي بعد اذنك بيكون جدولك حسب رايي:1- سلانقور يومين فندق البيراميد.والانتقال طيران اما ايراسيا او ماليندو او فايرفلاي او الماليزية الى لنكاوي.
2-لنكاوي اربع ايام فندق وستن او البلانجي اوالارخص باي فيو اوفوربوينت شرتون. والانتقال بالطيران الى كوالا.
3-كوالا اربع ايام وفندق التايم سكوير رخيص اوالارخص سنترال بودو او امبيانا ممتاز وفخم.
(لابد ان تكون سلانقور في البداية لانها بقرب المطار وانتم قادمون من رحلة مرهقة ومعاك عايلة وتحتاجون الراحة
وايضا ستعودون الى المطار بعد يومين فالافضل تكون قريب. وفندق البيراميد عند الملاهي المائية وعنده مطاعم واسواق)
(ميزانيتك اذا اذا كانت 15000الف غير الطيران الدولي والداخلي فبالكاد تكفيك وخلك معك الف او اكثر احتياط)
الا اذا بتستخدك اساليب التوفير والمكاسرة.
(الحجوزات كلما بدرت كلما كان احسن واليوم افضل من بكرة لان الاسعار تزيد وخصوصا الطيران الداخلي احجزه من النت من موقعهم)
تنقلاتك وجولاتك الافضل في سلانقور تاكسي بالمشوار فمثلا تريد مدينة الاضواء تطلب تكسي بالتطبيق ماي تاكسي
وتروح الى الموقع زتخلي التاكسي يمشي. وتستمتع ثم تدخل البرنامج حق التاكسي وتطلب تاكسي ثاني ويردك او تاخذ رقمه وتدق عند الانتهاء لكن لاتدعه ينتظر لانه بيحسب الوقت عليك .
ومثله في بتراجايا والماينز.وعموما مزارات سلانقور قليلة وعادية واجملها الملاهي المائية.
في لنكاوي استاجر سيارة بتكلفك 240 و20 بنزين وتمتع اربع ايام بالفرفرة والتوفير.افضل من التاكسي اللي ياخذ يوميا 200 اقل شي 200*4=800 شفت الفرق.
وخلك معك برنامج خرايط والقياده عكس لكن سهلة تتعود عليها ولنكاوي اصلا فاضية.
كوالا التكاسي واجد ولاتاخذه بالجولة انما بالمشوار. ولو تستخدم المترو او المانوريل فهو بتراب الفلوس.وفنادقي لك بكوالا كلها جنب المانوريل يعني لفلفة كوالا
برخيص لكن ماادري هل يناسب العوائل؟؟ انا جربته وكان ممتع واختصار للوقت وتوفير. عموما التايم سكوير انصحك به لانه مجمع ضخم وبه ملاهي رهيبه واسواق ومطاعم وكل ماتريد.
ياليت تفيدنا بتواريخ ووقت رحلة الذهاب والعودة وتحجز الفنادق وتقولنا وش هي وتفيدنا بترتيب جدولك ؟ عشان نزبط لك احلى جدول للمزارات والمطاعم
واحلى رحلة باذن الله.

كتبت رد وش طوله وراح لاحول ولا قوه الا بالله بارجع اكتبه لك مره ثانيه امري لله

التذاكر تقصد الداخليه او الخارجيه ...؟
اولا بالنسبه للنكاوي لازم تستاجر سياره لان التاكسي هناك غالي وانت محتاج انك تتنقل لاماكن كثيره والتاكسي ياخذ للساعه 30 رينجت وانت مثلا تطلع معه من الصباح الى العصر وتعال عاد احسب كم راحت عليك من الفلوس ... قال احد الاخوان هنا انه اخذ سياره من المطار ب60 رينجت لليوم وهذا راح يوفر عليك كثير ...
وبالنسبه للاماكن راح اذكر لك التذاكر وانت عليك الحساب
صن واي لاقون الدخول للكبير ب120 والصغير ب90 والصناديق الكبير ب30 والصغير ياخذ شنطتين ب15 والساعه تشحنها للاكل وباقي المبلغ يرجع لك عند البوابه اذا ما استخدمته ..
لنكاوي اخذنا دبابات كبار تمشينا فيها بالريف الدباب يشيل 2 كبار وطفل ب110 لنص ساعه .. المانقروف اخذناه من المطار ب300 مع التوصيل والرجوع للفندق اربع ساعات وقارب كبير وطبعا فيه احتيال ولعب بشركات المطار ابحث عن افضل شركه واكثر سعر مناسب ولا يلعبون عليك ... الفوروميلا اخذنا سياره تشيل شخصين ب60 وما ادري كم سعر الصغيره .. حديقه الفواكه الكبار ب30 والصغار ب20 ... التلفريك ب30 للكبير والصغير ب20 ... حديقه التماسيح 20 للكبير و15 للصغير ..، هذا اللي اذكره شوف اللي يناسبك منهم وشوف المترو لانه يلزمك

نحط لليوم 500 وكفتنا وزادت ان شاء الله تكفيك وتزيد