امس
كان يوم حزين .. :frown: بالنسبه لي
اهم شي بالسفره .. التصوير .. والذكريات الحلوه
والاماكن اللي رحناها .. والمواقف والطرائف و كلها ... راحت
قاعد باللوبي .. ناطر العايله تنزل .. نبي نروح نتعشى
قالولي عن مطعم جيد ( ابو رامي ) مشويات وقعده حلوه .. قلت اروح
نتمشى ونتعشى !!
نزلت العايله والا في شي ناقص
.
.
: شنو هذا ؟؟ وين الكاميرا !!!؟؟؟؟
: مالها داعي .. رايحين نتعشى .. ليش الكاميرا
: شنو ماله داعي ... التصوير اهم من العشا ( بالنسبه لي )
نطروني شوي .. بروح اييب الكاميرا
.
.
.
دخلت الغرفه .. وينها وينها وينها ... صدناها ...
هذي كاميرة الفيديو .. وهذي العاديه
حطيتهم الثنتين بالشنطه .. ونزلت ..
: يالله .. الحين نروح المطعم
.
.
.
طلعت بره الفندق ..
صاحبي ر اعي التاكسي مو موجود ..
اخذت واحد ثاني كان واقف يم الفندق .. ( طلع مو من ربع الفندق ) ومايعرفونه
قلت له : بورامي
: ايه رايك اوديك مكان تاني احسن .. بمصر الجديده
: لأ شكرا .. مره تانيه ان شاء الله
.
.
وصلنا مطعم ابورامي ... ( منطقه شعبيه فقيره )
وهذي بداية المشكله
كان ولدي 3 سنوات نايم على رجلي
نطرت امه لما تنزل وتشيله .. والسواق يقول : على راحتك .. استنى امه تنزل
خد بالك .. في عربيه .. على مهلك
نزلت .. عطيته 10 جنيه .. وهو قال بالبدايه 15 بس رضى بالعشره
نزلت .. في شي ناقص ..!! يمين .. شمال
نسيت الكاميرا ... اركض
لحقته ركض .. شفته يسرع .. اخذت تكسي كان واقف
( تذكرت افلام الابيض والاسود )
قلت له .. بسرعه يااسطى .. وراه
كان جدامنا تكسيين واهو الثالث
بسرعه لايتوه منك .. .. وصلنا ...
افا .. طلع تكسي ثاني .. راحت الكاميرا
.
.
رجعت .. :frown: .. اشلون نسيتها !!!
وقف .. قلت يمكن يكون ولد حلال يرجعها
كل السفره .. بهالكامرتين ..
نطرت اكثر من ربع ساعه .... ماكو شي
بصراحه ... انسدت نفسي .. قلت للأهل نتعشى ؟؟ .. قالوا مالنا نفس
اخذت تكسي ... ورديت الفندق
والعشا ... هارديز :upset:
.
.
يعني المره نست الكاميرا بالغرفه .... اركض واروح اييبها ليش !!!؟؟؟؟؟
بعدين مطعم وناس تاكل .. اشتبي تصور ....؟؟ الطرشي !!
يالله نصيب ....
بالحلال .. ولا بالعيال
ادري دوختكم معاي بهالسالفه ... بس اهم شي حبيت اقوله للأخوان
انتبهوا لرقم التاكسي الموجود بالداخل
مهم جدا .. في مثل هالحالات
وآسف على الاطاله ..... بس متكدر وقلت اسولف وياكم شوي