1. محتويات التقرير


2. ولتأجرين السياره لازم تتأكد من:


3. 0Zell am See


4. قريب جدا من البحيره


5. نسيت الاماكن الباقيه.. بس اذا الله كتب بتكون لي عوده بذكر الاماكن


6. http://www.maison-rouge.com


7. الفندق كان ممتاز بالنسبه لفندق 3 نجوم ..


8. سكنا 10 ايام في la villa du lac

السلام عليكم ورحمة الله وبركاته
كيف الحال.. عساكم مرتاحين ان شاء الله.. السموحه يا ابوعزيز موضوعي ما يخص سويسرا بس لكن بعض مدن اوروبيه اخرى زرتها في الصيف.. وماعرفت كيف اقسم موضوعي فخليته كله فموضوع واحد مع سويسرا..
وانا متأخره عليكم اعذروني..هالكورس شوي ظغط عندي :112: امتحانات دراسه ...الخ الخ
انا ليش اصدع راسكم مادري.. خلوني اقولكم قصتي في صيف الماضي.. بعد ما طفرتكم معاي فالصيف بكثرة الاسئله وكل يوم مخطط جديد للسفر.. قررنا التالي..

محتويات التقرير

• ميونخ .. الفندق + تفاصيل تأجير السياره
• البقاء في زيلامسي لمدة خمس ايام (الفندق + انطباع عن الاماكن اللي زرتها)
• التوجه الى سترازبورغ الفرنسيه 3 ايام ( الفندق+انطباع عن الميدنه + زيارة ايوروب بارك)
• لوزيرن ليله (الفندق)
• ديفون الفرنسيه على الحدود السويسريه 10 ايام (المسكن + انطباع بشكل عام)
• انترلاكن يومين (النفدق+ رأي الحكومه في القمه)
• زيورخ يومين(الفندق)

ميونخ
الفندق: Mercure Hotel Muenchen Altstadt
Tel : (+49)89/232590 | Hotterstrasse 4 - - 80331 MUENCHEN - GERMANY
السعر: 89 يورو لليله 13 يورو للافطار
تجرتي الاولى مع الثلاث نجوم ..سعر مغري جدا.. موظفين بشوشين.. اخدم نفسك بنفسك.. جيد للشباب و لا احبذه للعوائل..النظافه ماعليها كلام..اذا نزلت و كلت فطور حسبو عليك اما اذا مانزلت ما يحسبون عليك..
انطباعي الشخصي..كانت تجربه ولا افكر اعيدها ما حسيت بالامان فالفندق..
السياره
حجزنا عن طريق الانترنت قبل بفتره..وهذا بفضل مسادة اهل المنتدى الله يسعدكم ان شاء الله..
الشركه: Europcar
السياره: كنا حاجزين BMW 320I AUTOMATIK ولكن ماكانت متوفره فعطونا مرسيدس
للأسف نسينا الليسن الدولي فالبلاد فإطرينا نترجم اليسن المحلي هناك وكان السعر 1169.60 EUR لمدة 22 يوم

ولتأجرين السياره لازم تتأكد من:

• الليسن الدولي
• كريدت كارد في المبلغ المطلوب ليتم الحجز عليه
• جواز السفر

بالنسبه للفتره اللي قضيناها في ميونخ كانت بين الالتقاء بالاهل والاصدقاء هناك.. والتمشي في المارين..والتسوق كان صدمه.. مالقيت شي فالسوق مادري يمكن هالمره جايين متأخرين شوي على شهر اغسطس ولا هالصيف سوق ميونخ اختلف الله اعلم.. فالنهايه ماهمني السوق وايد..
زيلامسي zell am see:
قريه سحرتني بجمالها، طبيعه رائعه بحيره هادئه.. لكن تحس انك في بلد عربي .. وفي زلامسي ارشح فندقين
& Grand hotel See hotel
الفندق اللي سكنا فيه
Hotel Fischerwirt ****
Hörl Hotelbetriebs GmbH
Seegasse 5

0Zell am See

قريب جدا من البحيره

مطاعم زلامسي.. مماحبيتها.. يوجد كذا مطعم عربي.. مطعم الاخطبوط يقدم مأكولات عربيه بس انصحك لا تخسرون فلوسكم وتروحون تجربونه.. يوجد بعد مطعم عربي مقابل جران ما اذكر اسمه بس مذكور في دليل رجل الشرقي اللي ما قصر صرحاه.. الواحد يطبع دليله ويسافر..
اهم شي الوصول لزيلامسي زيادة خدمة السياح قريب من البريد.. للأسف البروشورات مب موجوده حاليا معاي بس اهم الاماكن التي يجب زيارتها في زلامسي و حواليها:

• حديقة سوارفسكي او متحف سوارفسكي (ماقدرت ازوره)
• الكابرون كانت عاديه وايد.. ماحبيتها قمم سويسرا احلى بوايد
• شلالات كريمل.. صح ريولي تكسرت ههه بس يالله رياضه.. روعه شوي على هالشلالات

نسيت الاماكن الباقيه.. بس اذا الله كتب بتكون لي عوده بذكر الاماكن

على الحدود بين النمسا والمانيا صار علينا حادث بسيط وحابه اخبركم بالسالفه عشان تنتبهون في المستقبل..
كنا ماشين فالخط ونسولف يحليلنا فرحانين.. وفجأه السياره اللي جدامنا ظربت بريك ريلي ما اقدر يظرب بريك خوفا من السياره اللي وراه واصلا السياره اللي جدامنا كانت قريبه شوي فعلى طول غير خط يمين بدون اشاره وكان على يمينا باص حاول يوازن ما يقرب من الباص الله كتب ودقنا باص على طرف السياره اليمين وطبعا نحن الغلطانين .. الخلاصه: لازم تكون بينك وبين اللي جدامك مسافه كافيه يعني توقع يعطي بريك اي لحظه.. بس السواقه متعه متعه متعه في اوروبا واشجع الكل عليها.
سترازبورغ الفرنسيه..
الفندق
Hôtel Maison Rouge
4, rue des Francs- Bourgeois
0Strasbourg
Tél: 03 88 32 08 60
Fax: 03 88 22 43 73

http://www.maison-rouge.com

الفندق كان ممتاز بالنسبه لفندق 3 نجوم ..

بصراحه ندمت على زيارتي لهذه المدينه.. بعد تعب الطريق قطعنا المانيا كلها فيوم وصلنا وكنا متحمسين نشوف سترازبورغ الجميله.. لكن شفنا شوارع مكسره.. و النفجيشن ما ينفع مع هذه المدينه..والفندق كان مستحيل نكشف طريق الوصول له بالسياره .. لكن اهلها ناس طيبين .. اول مره اشوف في اوروبا ناس طيبين ومساعدين مثلهم ..ما شفت نظره من شخص واحد مع انن نادرا ما تلاقي عرب هناك..ماكانو وايد..
ثاني يوم تجلونا فالمدينه عل وعسى نلاقي شي يعجبنا.. بس سالفة حادث السياره وشوارع سترازبورغ المكسره خلت نفسيتنا زفت.. حتى ايوروب بارك رحناها ثالث يوم بالغصب وبالمره غيرنا السياره فالمانيا .. ماقدرنا نكمل رحلتنا واحنا نشوف السياره جذي.مع انه شي بسيط لكن يذكرنا بالحادث واحنا يايين نستانس
ايوروب بارك..صج زحمه بس تلاقي فيها اللي يناسب الطفل الصغير و الشيبه الكبير ..و انصح اللي يبي يزورها يأجر ويسكن فيها.. واختكم ظيعت كميرتها هناك عشان جي ماعندي وايد صور للمدن اللي زرتها قبل سويسرا...
لوزيرن..
واخيرا وصلنا لسويسرا..سويسرا اكتب لكم الحين وانا قلبي يدق شوقا لهذه البلاد الجميله..مايتنلام يا بو عزيز..
الفندق Grand Hotel National Luzern
غرفه مطله على البحيره .. على 504 فرنك لكن طلبنا افطار وباركنج صارت تقريبا 600وشوي
الفندق كان ممتاز طبعا ومنظر البحيره من البلكونه روعه..
تمشينا على البحيره نسترجع ايام شهر العسل ههه.. لوزيرن حلوه وهاديه مرينا على فندق ذكره احد الاخوه اعتقد اسمه blanc اخذ بروشور بتأكد من اسمه قريب ان شاء الله.. كان فندق ممتاز مطل و تحت فيه مطعم ..
ديفون..

سكنا 10 ايام في la villa du lac

ممتاز للعائلات.. وصراحه صج لو ما لحقتنا العايله بنحس بشكلنا غيرب لأن الموجودين كلهم عائلات .. لكن اول ما وصلنا
عطونا مفتاح الاستوديو و وصلنا الغرفه ... بس كانت مب نظيفه.. اللي قبلنا طلعوو والغرفه محد نظفها لليوم .. الحكومه كرهت هالمكان خلاص قعدنا ساعتين تقريبا لين ما جهزو الغرفه.. وبعدها طلعنا جنيف الي تبعد تقريبا 15 دقيقه..
الفتره اللي قعدنا فيها في ديفون كانت بين التجول في جنيف ومونترو ولوزان وفيفي والعوده لديفون فنفس اليوم..
انترلاكن..
فندق فكتوريا في انترلاكن ممتاز.. حبيته اذا رجعت انترلاكن شكلي بسكن فيه
لكن الفندق اللي رشحه لنا بوعزيز كان ممتاز metrpole hotel
انترلاكن قضينا فيها يومين يوم تجول ويوم لقمة جونفيراغ.. ولليوم قمة جونيفراغ احلى قمة زرتها واستمتعت فيها..
زيورخ..
سكنا في swissotel
الفندق ممتاز..ابوعزيز ما يرشح اي شي..
تجولنا في المدينه نسترجع ذكريات الشباب ههه .. المطر ما ساعدنا لأنه ما توقف لمدة يومين .. تسوقنا ع السريع .. ورجعنا لدار زايد (الله يرحمه ويغفر له).. وكل عام وانتي بخير يا بلادي بمناسبة يوم الاتحاد
اعتذر على قلة التفاصيل في تقريري البسيط.. لكن لضيق الوقت صدقوني.. وعد مني اذا حصلت فرصه ارجع اكتب لكم تفاصيل اكثر عن بعض المطاعم والاماكن اللي زرتها.. ماخذه كروت وبروشورات مخصوص حقكم والله..
اختكم الحكومه