kelley
31-08-2022 - 08:55 pm
السلام عليكم ورحمة الله وبركاته
قرأت الكثير من المواضيع في قسم لبنان ولكن لفت انتباهي ان الأعضاء لم يتطرقوا الى ذكر منطقة صوفر في تقاريرهم. بصراحة أنا حبيت هالمنطقة كثير كثير لأنها أولاً هادية جداً،، يعني تصلح للي يحب الهدوء ويبي يصيف لفتره طويله ويريح باله,, وللي يبي يبعد عن أجواء بحمدون وعاليه وبيروت خاصة بالليل لأنها تكون مزدحمه هالمناطق وفيها سياح كثير. المنطقة مثل ماذكرت انها هادية لكن بارده جداً في الليل، يعني تصلح للسكن ومنها تنطلق للمناطق الترفيهيه والفسح والطلعات،،وأيضاً تصلح للي يحبون يتملكون بيوت مع مساحة واسعه للزراعه،، أنا حبيت هالأجواء لأنها تبعدك عن جو المدينة وتحس انك عايش عالطبيعه مثل أيام زمان بس مع التطور العمراني،، وهي تبعد عن بحمدون وعاليه تقريباً عشر دقايق وعن بيروت عشرين دقيقه. والخليجين متملكين فيها فلل وشقق كثيره وهذا الحلو فيها،، يعني ماراح تحس انك غريب. هذي وجهة نظري، وأتمنى الأعضاء يقولون لنا رأيهم. ان شاء الله أنا مسافره لبنان عالأسبوع الجاي لأني حالياً بالأردن وراح أوافيكم بتقرير مفصل رحلتي وأعرض بعض الصور من هالمنطقة.
تحياتي للجميع
طبعا منطقة صوفر معروفة بهدوئها وطبيعاتها لكنها لا تضم الاماكن الترفيهية وغيرها للسياح يمكن هذا هو الشيء الذي جعلها منسية نوعا ما , لكن من المعروف ايضا عنها ان الكثير من الخليجيين يملكون فلل وشقق هناك , وهذا اللي يحسسنا اننا مب غريبين عن المكان ولا عن البلد
وان شالله توصلون لبنان بالسلامة