السلام عليكم
اخواني واخواتي.....السالفه اني وانا قاعد أدوّر بيتي في القوقل قلت ورا ما أروح لفيينا وأشوفها وأستكشف
الأمر قبل ما أسافر لها وأحاول أعرف المنطقة زين.... وحاولت ومن ثم حاولت إني أحدد مواقع الفنادق
والشوارع المهمة لين توصلت لبعض أهم الفنادق والشوارع .....وذلك عن طرق الخرائط الموجودة في موقع
كل فندق .... وأما الشوارع لقيتها مذكورة بالقوقل.... وقلت حلو فله يعني كأني أتمشى اللحين في
فيينا...وبعدين قلت لنفسي ياولد هذا الموضوع لازم ينزل للمنتدى من باب رد الجميل لكل الاعضاء.....
وهذي الصورة...
(ترى الصورة اجتهاد وليست تخصص.... واذا في خطأ في مواقع الفنادق أرجو التوضيح من اهل الخبرة)
( يفضل حفظ الصورة ومن ثم تكبيرها لتتضح المعالم )
وأرجو ان تنال على استحسانكم ،،،
شارع الكارتنر وماحوله
شارع الماريا هلفر وما حوله
المسافات جداً قريبه من بعض خصوصاً في السنتر...
لما تمشي من الماريوت:097: الى الكارتنر أو ساحة ستيفنز كأنك ماشي من أول سوق صحارى الى
آخره..
ومن المريديان الي الماريا قريب مره .... وبعدين ماراح تحس بالمسافات لأن شوارعهم كلها محلات
ومقاهي ومهرجين و إستعراضيين يعني ماراح تمل من المشي :36_1_22: .....
ومن ناحية المريديان والجراند أكيد أكيد فيهم تكيف،،،ولا كان متنا من :36_1_47:
( مشكلة انا حاجز في المريديان ولو مايطلع فيه تكييف بيصير فيها قبايل ) !!!!
وهذي صورة تساعدك في معرفة المسافات ومحطات الأندر قراوند...
وأنا في الخدمة دائما
اخواني واخواتي الاعزاء
بعد عودتي من فيينا ورؤيتي للفنادق والشوارع على الطبيعة احببت ان اجري تعديل على صور كنت قد نشرتها في هذا الموضوع .. وذلك لجعل الموضوع اكثر دقة ووضوح ...
فارجوا ان يحوز الموضوع على استحسانكم ..
وهذي هي الصورة بعد التعديل لشارع المشاة وحديقة ستاد بارك وماحوليهما من فنادق ومعالم
واي استفسار انا تحت امركم