- السلام عليكم
السلام عليكم
حبيت أعرفكم بمدينة اسكندرون الجميلة اللي زرتها عن طريق الصدفة كان اتجاهنا لأنطاكيا وبما ان أنطاكيا معروفه بطبيعتها نصحنا المترجم بزيارة اسكندرونه لان كل شي فيها مو بس طبيعة وبالفعل المدينه رايقه وهادية اسواقها ومطاعمها و قهاويها وشوارعها مره حلوة وناسها جدا ذووق وخدومين
وهذي بعض الصور
الطريق من أنطاكيا لاسكندرون
يقول المترجم ان هذي المناطق هي اللي تصور فيها المسلسلات التركية اللي نشوفها كلها حوالي انطاكيا
صور من الفندق .. سالنا عن الفنادق هناك ووصفو لنا كم منتجع وبنص الطريق اكتشفنا انهم بعيدين فاخترنا اول واحد عالطريق شوي زين اتوقع 3 نجوم هادي .. قدامه البحر جنان وخلفه جبال واتخيلو المطر لما ينزل منظر مؤلم وكان ينزل المطر يوميا وبالليل يكون شديد لدرجه انه يصحينا من النوم
بخليكم مع الصور
صور للبحر من الفندق
والحين حنا بالكورنيش
فيه ساحة تقام فيها احتفالاتهم ومناسباتهم وبالوسط تمثال لأتاتورك
عندهم عشق وغرام وولاء وتقديس لاتاتورك كل اللي يعرفون عربي جاو قالولنا على بطولاته وايش سوى لبلدهم
وشرطتهم بالكورنيش 24 ساعه وتلاقيهم بالكوفي يتقهوون ويتمشون
وهذا الشارع المقابل للكورنيش
الشارع الرئيسي اللي فيه السوق
ومتفرع منه شوارع صغيره كلها قهاوي ومطاعم وبعضها كلها محلات
ورجعنا من هذا الطريق الجبلي
وكل شوي نرتفع فوق و الأشياء تصغر
بس وصلنا الحمدلله
وسلامتكم ,,,
أتمنى أن تحوز الصور على إعجابكم
الحمد الله على السلامة
مشكور على الصور والتفرير
وتقبل فائق الاحترام والتقدير