يعطيك العافية أخوي أبو أسامة على هذي الصور , وما يزيد في جمالها أيضاً وضوحها.
وبالنسبة للمنتجع توقعته أفضل من كذا , وحقيقة شكل منتجع هيلتون أحلى .
مشكور على هذه المشاركة القيمة.
تحياتي

الله يعافيك أخوي معجب صحيح كلامك الهيليتون أفضل لكن لا أظن أنه يوجد أفضل من الفورسيزون بالخدمة وعلى فكرة مساحة أرضة 500 متر مربع فقط. وكنت حاجز على الهيليتون لكن في يوم سفري تغير إلي صن آيلاند.

يعطيك العافية أخوي هاوي السفر الي تمتعنا بهالصور الحلوه بين فترة
و فتره .
من البران والسهول لماليزيا للمالديف و ما يندري شنو عقبهم .
بس ما عليك أمر ممكن أعرف في أي سنة كانت هالرحله ؟
وكم يوم مدتها ؟.
و هل جربتوا الرحلات البحرية و عطنا رايك فيها ؟.
تحياتي ...........

اهلا وسهلا فيك يالباحثة
تصدقين عندي مشكلة في فندق صن آيلاند كنت حاط الصور في موقع
في جيران ونسيت وش أنا مسمي الموقع حاولت اليوم كم مرة ولا فيه
فايده شكلها راحت علي.
الرحلة كانت في صيف عام 2002م المدة 12 يوم الرحلات البحرية إلي
وين بالضبط لأن فيه رحلة صيد وفيه رحلة نصف يوم لجزيرة ثانية وفيه
رحلة غوص.
وبحد ذاتها الذهاب إلى الفندق من المطار تعتبر رحلة الفندق يبعد عن
المطار حوالي 12 كلم.

انا سكنت في نفس البانجلو وبصراحة الخدمة رائعه وحتى الشاليه حلو وايد...بس يمكن مب واضح وايد في الصور..
وبصراحة سمعت ان الهلتون مب احلى من الفور سيزن..مادري اذا الكلام صح او لا..عموما انا رحت في نفس السنة اللي انت رحت فيها وكان في الصيف